(嬲爆)我覺得明明係唔信但又拎宗教分的人真係好無恥

jacobkit

事緣昨日在CAFE 飲緊嘢等人，旁邊有一對男女坐下，係保險公司AGENT加個客(個客應該都係SALE)
TOPIC一開波就講小一派位

佢地兩個的細路都係下一屆派位的人(2014 年)

大意內容係

客: 今年真係自行派位新低AR，我個仔現在九龍塘ST XXXX 幼稚園讀緊，我來緊都想入 XX 的

AGENT:係ＡＲ　，我個仔都係，好彩我十幾年前洗咗禮有張ＣＥＲＴ　炸，我來緊報小學都無咁驚。

客: 我都係AR，好彩我在聖公會洗咗禮姐，好多間都會接受我果張CERT的，不過，有D 學校要查埋教會出席紀錄LA，真係有D 煩

AGENT : 咁你真係要返下教會了，你有幾耐無返過?

客: 洗完禮無耐就無返LA，現在咁搞法，都要返LA

AGENT: 我又係WOR，無計LA，要入小學MA，點都要返下的。哈哈

之後就講保險同埋其他點樣在工作上賺錢的事。


我一邊聽一邊火都來，我雖然無細路，成件事唔影響我，但是，我真的覺得太過份。

我建議如果想用宗教分的父母，學校要另外INTERVIEW 父母，講完。

TurtleC

原帖由 jacobkit 於 13-11-26 發表
事緣昨日在CAFE 飲緊嘢等人，旁邊有一對男女坐下，係保險公司AGENT加個客(個客應該都係SALE)
TOPIC一開波就 ...

你無小朋友係咪？如果到你有小朋友，或者你會明白多啲呢班人嘅苦衷⋯⋯

利申：我係教徒，我小朋友唔係。

anglelala

其實我覺得諗咁樣計分個人有問題

jacobkit

但果分本身的設計係俾同一宗教信仰的人入果間學校，咁有d人本身都唔信的，騙分係有問題

如果信，點解十幾年都無返？話忙的話，個個人都好忙，香港有邊個唔忙。話教會唔適合自己，唔通間間都唔適合？

名校大部份人都想入，有d無洗禮得15分，咁對佢地都唔公平，因為果d騙分的人根本係唔信的

MC媽

我有一對小朋友，我信上帝，但我唔會因為要仔女讀書升學而去返教會，授洗，又叫小朋友入教攞宗教分，信宗教應該由心而信，而唔係因為利益或有冇着數先信。你係為利益信上帝or真心相信上帝，個天係會知道的！

MC媽

我老公同事target咗某名校，佢話尊燈返嗰間名校嘅教會，識個牧師，之後會叫牧師寫推薦信，一定入硬咁話，重問我地去唔去？我地一囗拒絕，我地講到明我地唔會咁做，老公同事平常行事作風，都唔係一個有宗教信仰嘅人會做嘅事。要好似佢咁虛偽，我地做晤出！

nillnill

你估那些主教不知道麽?
他們早就預料之內
何故不出聲修正?
道理淺易,教會有十一奉獻,即使並非強制,但教徒愈多,收入愈有保證
而且向上級交代信徒愈來愈多代表有能力
況且,令他們與教會有聯繫,對教會沒有吃虧
利申=非教徒,有小朋友明年大抽獎

Zhuangshinai

係呀，當你發覺人人都有，而自己正直得濟得15分的人幾咁無奈，仲要俾嗰啲20分的人話嗰5分其實係無用。15分的人係連抽“六合彩”嘅資格都冇呀。

bckwong

題外話, 話說我老爺去天父身邊從未受洗, 臨走前幾天才信神, 因想早點了解殯儀程序, 詢問網上做殯儀既agent事項, 佢第一時間叫我搵牧師為老爺受洗, 佢解釋因真正基督徒, 不用輪候政府骨灰場, 聽到之後馬上反感! 似乎宗教讓到部份人懢用, 雖我未係受浸信徒, 但我仍相信神會知道的~

richmoney

其實學校對呢5分宗教分都好值得相確, 既然有一些都已經信左主, 不如收一些未信或未接觸主既小朋友咪仲好 . 呢樣可解釋為博愛精神 .

qpalzm

只怪聖經話信者得救,無話要考埋試先得救囉

Chantalchan

人在做，神在看！

ren

算罷啦，怎樣的家長教出怎樣的孩子，
有宗教信仰都唔等於一定是行善的人，
這樣的父母第日咪教出下下講有冇着數的孩子囉…

piyohk

我會欣賞誠實的人，沒有人知最終誰是「忠誠」和「真實」的教友。上彌撒，但其他时間有沒有做好「教徒」，那怎么好。

叧一面，天主和神父都愛護每一教友／非教友，歡迎所有人。相反，这問題是「制度」不足之处，為什么毎年毎月每日都有人抨击？

P.S.不喜勿看。

piyohk

qpalzm 發表於 13-11-26 14:24
只怪聖經話信者得救,無話要考埋試先得救囉

老師話「当年」真的要考試，但以「怪獣家長」的功力，应該無難度。

另看學校的制度，有學校會检查父母的「恒常」出席。