報國際學校遇上很多負面的說話

aidan08

我又無遇到過朋友親人對我講呢D說話喎，可能身邊的人都知我哋兩公婆都係好有主見的人，覺得我哋諗得好清楚先有呢個決定掛！.....但間接聽人講呢D意見都有，不過，同樣地，我都可以講到好多個local school唔好的理由，仲要係我兩公婆都係local school出嚟，呢D係親身體會！反而嗰D講IS唔好的人，有幾多個係IS出嚟？佢哋d仔女相信都唔係啦，即是都係道聽途說啦！我身邊當然好多朋友都選擇送仔女讀LS，但我眼見亦愈嚟愈多人轉揀IS，揀LS的，我身邊朋友比較多的是從來無想過揀IS，因負擔重，但可以揀的，都有好大部份揀咗或傾向揀IS喎。不過，有一樣嘢係真，幫仔女揀IS的話，我個人覺得一定要係好清晰自己點解揀，同埋好信奉IS嗰套教學，而唔係LS的避難所，否則成日同讀LS的孩子在學術上比較，係無意思的，只有真心相信IS嗰套，你先會識欣賞讀IS的好處，唔會比較，唔會憂慮。

aidan08

其實，我估不久將來，讀LS讀唔掂先轉IS呢支歌仔，都唔會再盛行，因為IS小一學位固然緊張，如果小一後才轉IS，第一學位都係緊長，第二都要係從LS名校先轉到，否則d英文點追得上？再者，我覺得，在名校所謂'讀唔上'的孩子，好多時唔係真係無能力讀，而係根本不適合嗰套方法去讀，入得名校本身個小朋友資質應該唔差，但LS嗰套，活躍少少的小朋友都頂唔住啦，根本只係日讀夜讀，沒生活可言！我見好多家長都唔係孩子真係讀不上，而係眼見孩子被逼得痛苦，所以轉校。