本帖最後由 edu_father 於 13-10-11 18:22 編輯
溫馨提示： 相信有唔少家長，都會替子女報讀坊間所講o既神校、傳統名校又或地區名校。但其實報讀前有冇停一停諗一諗呢？原因係上述o既學校，大都係好有要求o既學校，有啲更加會喺一年班上學期時，已教一年班下學期o既野，甚至係教二年班o既野。如果閣下冇信心做到下列各點，就真係要諗清諗楚先好報讀啦。 － 父母有冇幫小朋友經常溫習o既習慣？ － 父母有冇足夠能力喺學術上教到子女？ － 你o既小朋友性格，係咪合適長時期面對唔淺o既功課壓力？ － 父母同小朋友有冇心理準備去作長期鬥爭？ － 子女喺K3時，家長有冇教定子女有關小一o既野？ 如果以上都冇，咁似乎就唔太適合入讀依類型o既學校，假如夾硬入讀，小朋友會讀得非常吃力。我有幾個朋友，平時都唔係點理啲小朋友o既學習進度，簡單啲講即係冇溫書o既習慣。但佢地唔理咁多照報讀依啲學校，諗住小朋友入到去自然讀得到。之後佢地o既仔女真係抽到入去，當時佢地全家簡直係開心到飛起。但係當入讀後先至知道，原來子女能力同學校要求有好大o既差距，小朋友真係追得好吃力，正確嚟講係父母都一樣咁吃力。除非閣下子女天資極聰敏，否則小朋友永遠都係屬於成績唔多好果批，原因係你o既小朋友進步時，人地o既仔女一樣會進步，喺時間值同起步線上都已經輸哂比人。喺咁o既情況下，除小朋友同大人感受大壓力外，亦會容易打擊小朋友自信心，更有機會影響父母與子女o既關係。我就係親眼見到唔少真實過案，所以先決定寫出本文，希望有意入讀名校o既家長停一停諗一諗。 我諗如果就咁寫出去，基本上有好多家長都唔會睇本文。返而用無字天書o既型式，先會引起各人o既好奇心入嚟睇睇發生嘜事。固希望各位睇到本文o既朋友，如果想回覆，就將回覆內容o既文字顏色，改做色盤中右下角o既白色啦，我估咁樣其他人先會諗盡方法去睇本文。 | 
發表於 13-10-11 17:52
agree...開始都抱住人報我報嘅心態但細心諗真係要揀間彼此夾到嘅先會有開心嘅學習旅程，唔想將來大細都壓力爆煲