K2開始已瘋狂自學 (更新 #30 加了片睇) - 智能評估

michelleung

Rank: 3 Rank: 3


	395

22^#

發表於 13-11-24 12:36 |只看該作者

回覆：derek0811 的帖子

請問樓主是如何培訓小朋友的？如此主動閱讀及能自行理解定必下了一番心血栽培，懇請分享育兒心得，謝謝。

Rank: 4


	576

23^#

發表於 13-11-24 14:44 |只看該作者

回覆：michelleung 的帖子

本帖最後由 derek0811 於 13-11-24 18:09 編輯

其實真係無培訓過佢，反而是經常勸他不要看及寫那麼多。他自小(2歲起)便對數字著迷，之後更擴至文字。現在看來其實有點不平衡，會因而疏忽了其他方面。有時更懷疑他的超強記憶及對文字的執著是不是可能有亞氏保加症的傾向才會那樣，但又不覺他有其他亞氏典型的特徵。現在懷疑是沒負面特徵的亞氏或沒負面癥狀的學者症候群??

KNKBOX

Rank: 3 Rank: 3


	455

24^#

發表於 13-11-24 17:25 |只看該作者

回覆：derek0811 的帖子

好叻仔! 2歲已經開始喇？!
咁2歲前，佢有冇特別之處？

Rank: 4


	576

25^#

發表於 13-11-24 18:29 |只看該作者

本帖最後由 derek0811 於 13-11-24 18:56 編輯

KNKBOX 發表於 13-11-24 17:25
好叻仔! 2歲已經開始喇？!
咁2歲前，佢有冇特別之處？

其實也不是叻; 他只是勤力+毅力+專注+記性好使然; 你最多只可說他叻在肯利用自己的優點去主動學習。
他是靠努力的, 而不是那種不需學也懂的天才。可能比其他小朋友暫時優勝之處就是:早一點開竅去渴求知識。

2歲前很難觀察, 因認知及說話也未發展好, 很難判斷; 只知他從BB時起就不喜歡玩玩具, 但對有字的東西則會觀看把玩。2歲後便很明顯, 行商場不是興奮的衝入舖內看玩具或看櫥窗, 而是死拉也不願走入舖內, 堅持要在走廊兩邊看舖頭招牌及舖頭編號; 其他如睇車牌, 睇燈柱號碼.....總之有數字及英文字的都要看及讀出來...

再大一點時則睇商場DIRECTORY及平面圖, 背晒各間舖位的名稱及編號, 隨時說得出B23-25號的店叫咩名, 或超級市場在哪層及是甚麼編號, 我諗佢仲熟過放租的管理公司。之後他回家便自己畫平面圖, 寫店舖名, 營業時間等等....到後期則創作自己的商場, 自己紙上開舖頭做生意, 自己改埋舖頭名。

再大一點時, 背晒全線84個港鐵站, 隨便抽樣問佢某站前後一個站分別是甚麼也即時答得出, 跟住就寫英文站名, 過2個月就連中文站名都寫埋出來. 之後又記一大堆巴士, 小巴, 電車路線.....佢真係好鐘意記野. 依家我去唔熟的地方不懂坐甚麼巴士, 問佢便可以了。因為喜歡巴士路線, 佢又喜歡看地圖(街道圖), 又自己畫街道圖，香港好多街佢未去過, 但都講得出, 寫得出, 而且知在哪區哪裡.

而K3起則愛上閱讀群書, 尤其數學, 會背埋理論, eg:三角形的特性.....跟住就用紙筆寫埋個理論出來...etc.

最新已發展到他手寫他心, 只要佢想寫的, 都寫得出, 我地都唔明點解佢會識寫咁多咁深咁難的字(因沒有教過他); 相信同佢鍾意睇書及睇好多書有關, 他不是看完便算, 他真的會記住.

以上所說絕無誇張, 我強調: 他不是叻, 不是天才; 而是肯努力及有興趣而已; 我絕對相信任何一個小朋友, 只要肯努力及有興趣, 都會好似我個仔一樣. 關鍵是個小朋友開竅未, 而早開竅不一定以後也叻, 有些早發力早收油, 而有些則是後來居上的. 所以大家不要比較, 只是分享出來讓大家參考而已。小時了了, 大未必佳, 而有人大學至發力!!

eunice_cheung24

禁止訪問


	51

26^#

發表於 13-11-27 11:46 |只看該作者

回覆：K2開始已瘋狂自學

提示: 作者被禁止或刪除內容自動屏蔽

Eggkelly

Rank: 3 Rank: 3


	119

27^#

發表於 13-11-27 18:09 |只看該作者

回覆：derek0811 的帖子

請問仔仔脾氣ok嗎？性格固執及唔聽人講嗎？有時叫佢，明明聽到，但會唔回應！是不是比較活躍呢？

Rank: 4


	576

28^#

發表於 13-11-27 18:23 |只看該作者

引用：請問仔仔脾氣ok嗎？性格固執及唔聽人講嗎？

原帖由 Eggkelly 於 13-11-27 發表
請問仔仔脾氣ok嗎？性格固執及唔聽人講嗎？有時叫佢，明明聽到，但會唔回應！是不是比較活躍呢？

...

有脾氣時會幾臭，平時OK。某些情況會固執及唔聽人講。心情好時又會好合作。有時會唔即刻睬你，要問多2次，或耍你，帶你遊花園。有時不是與他談話，但他會竪起耳仔偷聽及答嘴。平常會有輕微周身郁，但看書寫字時又好定好有耐性。不似過躍。

Eggkelly

Rank: 3 Rank: 3


	119

29^#

發表於 13-11-27 18:55 |只看該作者

回覆：derek0811 的帖子

我仔仔也有你仔仔年幼時既情況，當然冇你仔仔咁叻！但性格似乎幾相似，堅持起上黎真係冇佢乎，同埋讀書學習都好專心！但唔係既時候，又係成日攪攪陣！所以老師成日都會投訴上堂唔專心！但學校既野你問佢又識晒！想問問係性格方面，你有冇特別去訓練呢？同埋同小朋友可相處嗎？