排隊報名有感

lutang

回復 addisonto 的帖子

我都係咁睇！其實大家都知現今科技咁發達，要安排網上報名或交表根本唔係大問題，稍為有少少名氣既學校都唔難做到，但點解人地寧願選擇用一個會俾人鬧既方法而唔堅持進步呢，我相信梗有佢地既原因．好似你話齋，有時郵寄或email確實令人擔心，好似好唔穩陣咁，收唔收到又唔知，你話有佢話冇，萬一學校電腦有咩故障又俾人插爆，真係口同鼻拗架！
其實親身交表既好處係一定確保對方收到，有埋收據唔使煩，但重點係唔好先到先得，而且盡量喺預設時間內完成，咁豈碼大家有個預算！講真，你估人地安排人手收表唔使時間咩，而且日曬雨淋學校都會知既，我諗第一個覺得有問題既可能係老師添啦，我相信佢地應該都有反映過既！不過另方面諗，俾你親身去了解吓間學校既環境同人事都唔錯吖！