蔡繼有 interview

andychua

小女英文強但中文弱, 請問蔡繼有 interview 可以選擇只用英文嗎? 如果要考中文, 比例是50%英文, 50%中文嗎? 中文是粵語還是普通話, 還是兩樣都要考? 中文要考寫字, 還是識回答問題就可以. 謝謝.

two2c

是插班生嗎?? 見第幾班?? 咁快有通知INTERVIEW嗱??

two2c

是插班生嗎?? 見第幾班?? 咁快有通知INTERVIEW嗱??

huba

Deleted...

andychua

回應two2c: 小女不是插班生, 只是想了解多D做準備.

sugar-cone

回復 andychua 的帖子

我諗你是有興趣想為孩子報來年的小一家長嗎？

去年First Interview經驗
形式：遊戲 + 做工作紙 (要識得認/寫中文字， 不是口答的)
語言：主要是廣東話和英語 (要聽懂老師指令及做出相應動作/活動)

努力比心機，希望小朋友成功！

coffeemum

我記得有普通話同計數喎
英文考埋聽故事後回答問題(即考聆聽+即時理解+表達)

四隻貓

我所知(呀女講d唔講d+其他同學仔講返)有一定可信性掛....
1st interview:
1. 聽英文指令玩"生果"遊戲 仲有"老師話"遊戲, 輸左要在各人前面表演唱歌(我覺得係考聽指示能力, 理解力, 合群參與度, 自信)
2.拋豆袋(考聽指示能力, 大肌肉)
3.坐定定做卷, 要認/圈/寫一d中文字, 我女話有考計數.(要佢地乖乖坐定定, 亦考埋學術能力)
我女同其他同學仔話無考過普通話.

2nd in
1.等好耐逐一見老師, 見英文老師就讀一本英文書俾老師聽, 之後又再等好耐見中文老師讀晒成本中文書. 等待期間有畫圖畫, 亦有圖書提供閱讀, 我女話等待時佢睇左三本英文書. 另外有小朋友係等待期間訓著覺.(考小朋友耐性, 閱讀能力同愛閱讀程度
2. 聽故事後舉手回答問題( 同意樓上講, 係考聆聽,理解,表達同主動性)
3.應該都有遊戲玩, 我女in 完出到來件外套玩到甩晒扭, 仲一手公主貼紙.

我估計學校幾重視"喜愛閱讀"呢一點. 因為見幾位喜歡閱讀的同學都得到取錄.

cherrybiz

回復 四隻貓 的帖子

請問知不知道是什麼程度的中英文圖書？很多學校都會這樣測試孩子，但家長完全不知道程度有多艱深，就算我孩子很愛看書（只看圖畫及一頁一句文字那種），學校也不一定取錄啊！所以我很擔心！

四隻貓

cherrybiz 發表於 13-6-13 15:30
回復 四隻貓 的帖子

請問知不知道是什麼程度的中英文圖書？很多學校都會這樣測試孩子，但家長完全不知道程 ...

我女話英文書係似ORT level 4果類, 即薄薄地一本書, 每頁一至兩句句字. 中文佢就形容唔到. 因為佢中文唔多好,

Parisienne

今天上CKY網頁，看到劉校長的一篇文章「面試」⋯
忽然鼻子一酸⋯
被感動了。

我們都在做什麼？
我們又該怎麼做？

為孩子心痛，也為父母焦急。
有幸被錄取的，就有機會走愉快學習的路。
無緣被錄取的，就被註定跟著大隊繼續走。

是香港教育選擇太少？
還是有錢才有選擇？

現實歸現實。

忽然有感而發。

四隻貓

Parisienne 發表於 13-6-13 18:26
今天上CKY網頁，看到劉校長的一篇文章「面試」⋯
忽然鼻子一酸⋯
被感動了。

真的很無奈.

有位朋友一直心儀蔡繼有學校, 她一直用蔡繼有學校的教育理念教育孩子.
孩子很乖, 懂事又有禮貌, 但並沒有進選蔡繼有的2nd in, 雖然幸運地抽到了非常好的津校, 但朋友一點也不開心. 因為那津校的教育理念跟她完全背道而馳.

多次看到劉校長因為"面試"感到無奈. 在她看來, 所有孩子都是愛學習, 大家都是各有優點的, 那一個孩子進來學校學習都可以成才的.
但現實是學位就只有百多個, 申請者卻有三千多, 無奈地就是要用"面試"這方法去決定那百多人可以入讀.
孩子才五歲, 便要早早面對殘酷的競逐, 我們都不忍心, 但都奈何不了...

Parisienne

四隻貓 發表於 13-6-14 10:01
真的很無奈.

有位朋友一直心儀蔡繼有學校, 她一直用蔡繼有學校的教育理念教育孩子.

你說得對呀！

今早與一位在北京和法國兩地任教初中的朋友閑談，我請教他教學理念，他半開玩笑地說：

好嘅學生係唔洗教，佢要嘅係啟發。啟發得好，佢有超強自學能力。
差嘅學生係無得教，佢要嘅係鼓勵。鼓勵得好，佢遲早會開竅。
但以上都佔少數。
老師教來教去，主要都係中間果批。教得好，質素會提升；教得差，當然會下降。
我嘅教學理念好簡單，就係因材施教。

andychua

非常感謝各位的回應, 尤其是sugar-cone, coffeemum, 四隻貓, 您地的資料非常有用.

mrsgoat

四隻貓，多謝你的寶貴議建呀！好有用！

CandiMami

原帖由 Parisienne 於 13-06-14 發表
本帖最後由 Parisienne 於 13-6-14 16:51 編輯

Agree

cherrybiz

回復 四隻貓 的帖子

謝謝你，四隻猫！我個仔仲係讀緊level 2，睇黎仲有排追……唉！
可能係我嘅錯……其實由仔仔十個月大開始，我日日都讀兩三本英文書俾佢聽，到宜家四歲半，我依然係咁做，但我從來冇要求過佢認字，因為我都係buy愉快學習呢套，結果係……仔仔listening好好，理解力也不錯，唯獨就係唔肯自己睇，到今時今日，我至知道原來interview係要考讀書，我即刻後悔，於是叫仔仔由ORT Level 1開始自己讀，但親子關係立即轉差，因為佢太喜歡聽我講故事，自己讀則有壓力，又太慢，所以佢好不願意……

唉！點解會搞成咁……都唔係我本意……

ltpp

請問ORT是否oxford tree? 我兒子也是4歲多，我覺得這年紀還少，現在開始鼓勵他們認字也未遲，不是嗎？還是我太落後呢？但不用擔心，想一些能切合他性格的做法，盡量大家開心地認字，便能持續去認。

duoqing060606

回復 cherrybiz 的帖子

不必擔心，我女兒4歲多時候也是這樣，根本不肯自己開口讀書。我沒有給她壓力，繼續讀書給她听，並且不斷鼓勵，終於她開口讀書。到了K3，英文已經完全自己讀了，反而變成她讀故事給我听。

cherrybiz

回復 duoqing060606 的帖子

偏偏我仔仔係12月超細b，黎緊九月十月就interview，同大b爭，先致搞到自己壓力指數暴升……