請問SFA教學模式是否較官津活動，無咁傳統

MelodyLeung11

阿女較活躍多口，怕官津校唔適合。SFA會否無咁嚴肅？

BearBear2004

SFA是大班傳統教學的

WongWong

SFA 會收資優同學,多口,頑皮多的是,但TEACHER 會好嚴厲教導,唔係嘅話會好難控制侉地.

ylyl

原帖由 WongWong 於 13-05-25 發表
SFA 專收資優同學,多口,頑皮多的是,但TEACHER 會好嚴厲教導,唔係嘅話會好難控制侉地. ...

學生好叻，但老師真係好嚴！

BearBear2004

SFA有NET教phonics，不過一個cycle只有一堂。

ms.giggle

讀咗一年，我仔仔的班主任是嚴謹的，尤其對discipline同字體，但又唔覺得有磨滅學習信心和興趣，他每天總是開開心心上學。SFA同CKY是南轅北轍的學校，想非傳統就惗CKY好了。

2008

WongWong 發表於 13-5-25 23:07
SFA 專收資優同學,多口,頑皮多的是,但TEACHER 會好嚴厲教導,唔係嘅話會好難控制侉地. ...

專收資優同學? 學校收左我個女, 咁佢點知我女係資優? IQ 130以上?

小曳人

2008 發表於 14-2-26 01:57
專收資優同學? 學校收左我個女, 咁佢點知我女係資優? IQ 130以上?

學校會開學初發通告，問家長想唔想小朋友參加評估，$4000，由註校教育心理學家响學校裡面做
如果IQ>130，就會入資優組，有特別課外活動，由每年9月開始，所以就算評估完係資優，都要下個學年先有嘢玩
另外如果主科其中一科全級頭10名內，及總成績全級頭50名內，亦可以入組
跟據教育心理學家講：SFA嘅學生IQ平均係高架，資優比率亦較同系小學為高

小兒只係小一，未上過資優課程，如有錯誤煩請前輩更正！

KikiDaddy

回覆 小曳人 的帖子

Either Verbal IQ score or Peformance IQ score > 130 will be recommended to the gifted program. Teachers will also recommend students with special talents in areas like leadership, arts and music to join the program.

2008

小曳人 發表於 14-2-26 13:38
學校會開學初發通告，問家長想唔想小朋友參加評估，$4000，由註校教育心理學家响學校裡面做
如果IQ>130， ...

哦~~~ 我見到有媽咪話SPA 專收資優兒童, 我以為學校咁勁可以通過面試就全部收到資優添~~~ 原來係收左先做評估 (還要收$4000, 學校又多好多資金 lol). 咁即唔係專收資優啦. 不過學校係咪有必要咁做? 會唔會IQ<130 無得參加什麼資優班會自卑?! 還有IQ>130 就有資優班讀. 還有資優班又會唔會 IQ 131話高過130的同學, 132 又話高過131 的同學仔? 做人唔係IQ 高就得. 幾多高IQ 但低EQ. 一有唔順意就頂唔順做左飛人. 太偏重難免以偏概全. 全人發展才是正確 (唔好誤會, 此段只是對學校作風有感而發, 不是針對BK MUM).

小曳人

2008 發表於 14-3-3 00:33
哦~~~ 我見到有媽咪話SPA 專收資優兒童, 我以為學校咁勁可以通過面試就全部收到資優添~~~ 原來係收左先做評 ...

我自己唔會咁解讀學校嘅意思SFA歷來都係以考核學術收生，學術好嘅好多時都係聰明人，IQ中上唔出奇
而最鍾揀讀SFA嘅家長，好多係覺得自己小朋友就算教深d都讀到
做評估嘅收費唔係學校收，4千已經比外面平，亦係自由參與，我check過，同小童群益會差唔多，平過中大同資優教育學院，而且養一位教育心理學家，—個評估要做兩個鐘，個個都要星期六做，然後又要星期六睇報告，真係無乜錢剩！

以我所知，教育心理學家會幫忙同老師溝通，亦會安排特別活動俾資優生
我睇唔到點解其他人會自卑，因為課外活動時間上嘅資優課，係自由參與，我識人入咗資優pool但無上學校嘅課外活動，而呢班小朋友本身就已經全級排名高，佢地入唔入pool都已經好叻，如果小朋友會因為自己唔夠人叻，係咪應該家長幫手引導開解？何況無人會周圍講自己IQ有幾高！小朋友應該唔會知道結果！(教育心理學家會同家長講唔好同人講score，包括小朋友)

當然，如果家長對於學校收咗一批IQ比正常較高嘅學生(包括貴子弟)呢樣嘢反感，就無得好講！
但SFA絕對係辦資優教學經驗最耐嘅小學！
另外一個原因，係資優生都係人，佢地甚至仲多性格問題，所以如果以面試應對為評分標準嘅學校，未必會收到太多資優生，我個仔就係因為講嘢唔願望人，所以就算入到其他學校2nd in，都無offer，但唯獨SFA，應該眼神交流嘅佔分應該好輕！

至於EQ，其實我聽到嘅資優活動，係有必修嘅：認識資優！其他都係科學、領導才能等，唔係好學術，但足以俾小朋友認識自己，提升學習動機(呢樣最緊要！)

brima

原帖由 2008 於 14-02-26 發表
專收資優同學? 學校收左我個女, 咁佢點知我女係資優? IQ 130以上?

學校見得多資優生，會容易spot 到佢地的特徵，但又唔等如収的就係資優生喎。

momama

好怕d人唔清楚就亂講，d錢唔係學校收，又唔係迫你做！

manmanchubb

一班四十幾人，當中咁多聰明仔女，
唔嚴都好難管理班正常運作

angelkyl

yes, agree

HappyMommy138

原帖由 小曳人 於 14-03-03 發表
本帖最後由 小曳人 於 14-3-3 08:59 編輯

咁如果入咗去讀又不是資優，點算！

yuenkw

1) 大部份學生仍屬非資優；
2) 資優、名幼出身，亦不保證在 SFA 可以考取優良成績。

學生資優與否，分別只在于能否參加校方的資優課程而已。

小曳人

HappyMommy138 發表於 14-10-29 10:14
咁如果入咗去讀又不是資優，點算！

唔駛擔心，學校只係有特別課程俾資優生上，其他時候都係一樣而且資優唔係只有學術，學校加咗音樂同埋創意，所以平時上堂，同學仔互相欣賞對方嘅長處
我個仔最好朋友嗰位經常畫畫比賽攞獎架！