深水埗附近有無政府資助嘅幼兒園呀？請指教！

敏敏媽媽

我家將搬往深水埗(近黃竹街、福華街附近)想搵一間政府資助幼兒園，請問有無好介紹？   :

mamamui

以下幾間都不錯,全部你小朋友都可以行路返學:

基 督 教 香 港 崇 真 會 安 康 幼 兒 中 心( 太 子 中 心 )
基 督 教 服 務 處 石 硤 尾 幼 兒 園 (石 硤 尾

敏敏媽媽

謝謝！我真的想揀一間近我的幼兒園帶小朋友返學，然後便立即上工，方便些。三間之中香港基督教服務處喺我常聽到的。請問知唔知呢間幼兒園開放時間呀？ :

mymelody.lam

敏敏媽媽：
香港基督教服務處d幼兒園聽講幾出名
我知石硤尾幼兒園開上午7:45，可以方便帶小朋友返學就即刻返工。好似唔係間間都開咁早
同埋佢哋有遲d接放學，好似至到晚上8:00，會照顧埋小朋友d功課，及食埋晚飯
我個friend個女讀呢間幼兒園，聽佢講嫁！
如再有問題我可以幫你問吓佢！  :wink:

肥B媽媽

我個鄰居的仔仔都是讀香港基督教服務處的幼兒園，不過是李鄭屋幼兒園，聽講都不錯，有很多不同的活動，應該香港基督教服務處的幼兒園都幾好，但我相信石硤尾幼兒園會較方便你，係褔榮街行入去都好近，你可以去問下。

mamamui

香 港 基 督 教 服 務 處 石 硤 尾 幼 兒 園Tel : 2779 1891
你可以打電話去問

敏敏媽媽

: 嗰間香港基督教服務處石硤尾幼兒園真的較近我。但真的可以返7點9最遲放晚上8點？我真的第一次聽。因我有時返工好早，有時8點半就要飛去觀塘，加上有時會遲走( 搵食艱難)，如果係就好！等我星期一試吓打電話問吓。
唔，請問各位靚媽媽，呢間石硤尾幼兒園教學方針好唔好？有無聽聞過？

loklok0104

敏敏媽媽,

基督教服務處, 有8間園, 其中大坑東既名氣最大, 大坑東真係好好既, 學校辦得越離越出色, 以兒童為中心, 著重小朋友既意考力及創作力, 老師們好有愛心, 校舍寬敞、 清潔, 學校有延展服務, 最遲可8:00pm接小朋友, 我亞B今年考左8間幼稚園, 好興幸間間都收左, 培正及民生亦收左, 不過我最總我簡左大坑東, 因為................................

我亞B雖然未曾讀, 今年8月才N2, 但學校已有唔少既老師識得佢, 我有時會打電話去學校問野, 我一講(我係XX既家長, 今年8月先入學) 老師即該知道是誰, 這亦證明老師們好在易D小朋友!

肥B媽媽

石硤尾幼兒園的教學方針同大坑東幼兒園差不多，好重創意和思考能力，不是一般幼稚園只重學術。

敏敏媽媽

很多謝妳們的意見，但有陣時可能要嫲嫲接送小朋友，所以試吓石硤尾幼兒園為妙 ！
今天吃飯後打了個電話去幼兒園，很快就有人接，我便立即道名由來，對方原來喺園嘅副主任，聽後她即解答我的問題，還表示先到園參觀才慢慢決定入讀，很好呢！
嘻嘻，於是我就約咗星期六10點半參觀(放假吔)，還想帶我對仔女看看環境，妳們話好嗎？如果老公不用返工仲想叫佢一起齊去。     

肥B媽媽

好呀，除了你喜歡，都要小朋友喜歡的。

mymelody.lam

敏敏媽媽：
嘩！間學校可以隨時參觀很好啊！有d出名幼稚園都唔可以隨便參觀，咁間學校都幾高透明度，可以入校內望吓環境，不過我都覺得除了你的感覺外，最緊要係你對仔女鍾意。
雖然我個bb仲有幾個月先出世，但我都好留意邊間幼稚園/幼兒園較好的，八定先無壞

敏敏媽媽

謝謝妳們的提醒，好似睇風水，到時睇吓對仔女有咩好感覺。
唔，mymelody.lam 就快生bb了，感覺如何呀，緊張嗎？     

爸爸超人

樂樂家長,
如果可以的話,可否分享一吓刪略 (培正及民生亦收左, 不過我最總我簡左大坑東, 因為..........)的原因, 因為都息參考選校之道,我亞B有兩個表姐, 大表姐入左培正,聽講好難入,要過五關斬六將才有機會,至於二表姐則考唔到培正,入左崇真,想問下連民生,培正都唔選的原因,是否這所學校真的有很多過人之處,請供諸同好,以便大家參詳,
還有, 這所糼兒園有無N1供兩歲的幼兒入學,
至於小學選校派位, 有何選擇呢? 你有甚麽大計?
多謝

loklok0104

爸爸超人,

唔稱得上大計, 只係大家交流吓傘!

我仔仔今年考左8間幼稚園, 其中培正, 民生, St.Catherine, 崇真.......全部都收了, 我諗可能我仔仔係1月出世, 所以較其他同年既小朋友成熟, 領悟能力高D, 而且我覺得仔仔樣子都幾討人喜歡, 因為肥肥地又大件!

我至所以最終簡左大坑東幼兒園, 係因為:

我覺得培正至所以名氣大, 係因為有一條龍, 出左個諾貝爾人物, 但果個諾貝爾崔奇只係中學才入讀, 根本同幼稚園及小學扯唔上關係, 培正確實校風純樸, 但老師年紀較大, 沒有笑容(Interview果日所見), 較死板, 我相信我仔仔係到讀得到既只係壓力, 唔會開心! 而且最近有報章(經濟日報), 指現某間大學收生準則會以英中為先, 中中其次考慮, 令我覺得除非我仔仔係中中既成績係好share既, 否則讀中中日後會好難升讀大學, 你同意嗎?

民生近呢幾年已無以前咁好!

我去咁多間學校Interview, 大坑東俾我印象最深刻, 我完全體會到老師對小朋友果份愛! 學校有理念, 有創意, 啟發小孩既思維, 我想俾仔仔係一個開心既環境下愉快地學習, 大坑東絕對稱得上開心愉快既學校, 我仔仔果日Interview, 簡直唔想走, 雖然學校無龍, 派位情況我亦唔清楚, 但我相信涵接小一沒有問題!

我住果區無咪好既小學, 所以已問左個好友借左九龍塘個住址, 希望可以派到間好學校!

唔小家長係選幼稚園時, 最先會聯想到點樣能一條龍上小學中學名校, 因此首選跟小學名校同名既幼稚園, 呢種諗法實在拜現時既教育改革理念太多所賜, 家長被太多咩(一條龍)、升小升中機制改動等等搞到頭都暈。 不過, 最重要既係身為家長必須先認清楚現時小一既派位機制, 無論你認同近期既教育改革與否, 有左電腦派位制度與私立或直資小學既設立, 家長既選擇確實多左, 而將來讀小一跟係就讀邊間幼稚園既關係其實並非必然。 因此, 與其小寶寶起步時為佢地一廂情願既無謂安排, 不如踏實地掌握佢地現時既真正需要。

其實, 小朋友係幼兒階段, 最需要安全感, 與父母及週圍既人建立穩定、互信既關係。 除非工人或老人家甚至其他照顧既人跟你既培育方法一致, 否則你講一套, 你唔係屋企時, 工人或老人家講另一套或跟你個套相反既, 小朋友從何來安全感對人既信任? 至於小朋友既起居飲食、 休息時間、 情緒表達, 身為在職既父母, 你有否忽略呢? 你整日唔係屋企, 會否抱住眼不見為乾淨既心態? 點解小朋友到5、6歲還要人追住餵飯食? 而唔能夠自己享受飲食既樂趣? 點解小朋友不識表達自己既情緒, 得唔到想要既野只會吵鬧? 點解小朋友遇到小小挫折時(可能只係砌唔高D積木), 就不會爭取下一步既成功, 只會發脾氣? 呢D例子睇離好似好細微細眼, 但正正就係小朋友健康成長既基石。 若你認真對待呢D成長既重要元素, 而家中既照顧者又未能幫忙打穩基石時, 身為在職既我, 決定為小寶寶安排全日制, 而辦學不錯既活動教學?

況且, 全日制幼兒園既上課下課時間好具彈性, 能遷就父母既上下班時間, 我諗, 可以返工前放工後親自接送仔女, 第一時間分享佢地既喜樂同埋佢地眼中既奇遇, 咁係一份福氣。 再者, 唔小全日制幼兒園既假期都可以配合在識既父母, 儘量只放公眾假期, 暑假都只係兩星期長。 因此, 父母就可以安排更多親子時間。

俾小朋友係專業既老師看管照顧及教導下, 必定比無現代育兒經驗既工人或老人家照顧理想得多。

為小寶寶選校若真係「只是」慕名而求, 實在係忽略左佢地既真正需要同客觀既支援, 亦對自己作為稱職父母親投下不信任既一票。

成長路漫漫長, 係小寶寶初段已基步不穩, 父母自信心又不足, 名校如何可以幫到呢? 真係癡人說夢! 你應同嗎？

咁你呢? 有咩打算呀? 你仔仔今年幾大呀？

爸爸超人

樂樂家長,

多謝你的高見,絕對同意你的見解,
老實說, 自己也不是甚麽名校出身,發展尚算可以,亦眼見不少同班同學有很好的發展(聽講有個去左美國IBM總公司做高層), 所以名校只是家長一廂情願吧, 但當然,選校亦雖要謹慎,就如同閣下一樣,要三思及深思熟慮,孩子的童年應該在開心,無憂無慮,無壓力的環境下生活,為追求名校而提早過其競爭白熱化的生活,實是可悲!看新聞透視,有很多著名幼稚園教孩子很多連大學生也不曉的深奧詞彙,何解呢?
我看我的外娚女,雖是一條龍升上培正小一,但功課壓力及學習情緒都比起幼稚園為差,
我兒現在只有9個月大, 但我希望他在兩歲時可以入讀如你所說的[有教育理念]的幼兒園,因為現在給外婆湊,兩口子亦要外出工作,未能灌徹教兒方法,又不能強加新思維給老人家,而且老人家因健康問題,亦希望早日放下包袱

敏敏媽媽

樂樂家長&超人爸爸：
很高興看見你們的分享，也贊同你們的見解。
作媽媽的我從未想過為小孩舖路，常聽到朋友們的分享，總覺得全日制的幼兒園比幼稚園好，除體貼家長的需要外，幼兒園真的很有[有教育理念]。我同老公只希望小朋友有一個快快樂樂的童年。你哋都知，有時工作真的很忙，忙到回家已沒精力和小朋友玩，如超人爸爸說，若能為孩子選擇到一間適合他們的幼兒園，便感到閞心和安心。
明天要去參觀石硤尾幼兒園了， :wink: 參觀完再和你們分享。     

loklok0104

敏敏媽媽 & 超人爸爸,

好開心見到你地贊同!

敏敏媽媽

香港基督教服務處真的不錯，如樂樂家長說「著重小朋友既意考力及創作力, 老師們好有愛心, 校舍寬敞、 清潔….」
參觀當天，石硤尾幼兒園的N副主任便開放帶我和仔女遊幼兒園，敏敏剛兩歲，一入bb班就坐係班小朋友中，跟著他們玩遊戲、唱歌仔。班裡的老師好熱情，好快令敏敏投入，叫佢都唔走，….。原來幼兒園有普通話同英文老師專責教授，除著重小朋友全面發展外，也推行全園營養飲食同健康體能…..。每一個活動室很大，有獨立靚廁所，方便小朋友自己去。
我哋參觀完，再問N副主任，才知幼兒園最早開放是7點9(好呀，方便我有時要早返工)，最遲放6點，如你哋講幼兒園有延展服務6至7或6至8(有時加班，唔驚老人家辛苦，小朋友做好功課，食完晚飯才放學)。和N副主任傾計，佢好樂意聽我講照顧小朋友的心願，也會立即給予意見及分享經驗，感覺很好！！！
最後都要和老公再商量，要遲些再聯絡副主任決定幾時入學。
        

VenusB

Dear mymelody.lam,

你好! 我都想幫我個仔報讀幼兒園n2班，可唔可以問下你朋友石硤尾幼兒園的教學好唔好同小朋友的活動空間夠唔夠呢？拜託晒！

VenusB