玫瑰崗幼稚園

Mickey10

今日先收到信，一如所料，rejected。但心有不忿，並唔係唔揀阿囡，因明白各校收生標準不同，同埋面試呢樣野好主觀，但不滿嘅係個過程，令人不禁對呢間學校反感！
面試時間被編最後一個slot 4pm, 正好喺另一間之後。但面試前三日rhs 打電話黎話「為方便」考生，問我想唔想改早d時間。因我其實in完另一間已好趕，就拒絕咗佢既offer。但佢仍然係電話當中再三提出（該staff係有禮貌的）,我預料到可能佢地想當日早d in 完早d收工，奈何我唔可以早d，於是禮貌地堅持keep返4pm。
面試前兩日又打電話黎，話盡量搭公共交通工具,並有校巴安排，時間表要上網check。當晚睇咗校巴時間去到1：30pm, 於是第二日打去問清楚。第一個接電話的職員已相當唔耐煩，略知我問既野即轉駁去另一個職員。點知另一個仲冇禮貌，我問：「我小朋友明日會in四點,請問校巴係咪去到一點半？」職員頗兇：「你尋日喺電話又唔問？」那刻雖然我心諗：你同事打黎叫我上網check，我點即時問？但仍婉轉地解釋番我都係收線後先可以上網，唔清楚先打黎問下。收線後我都好氣頂，點解一間所謂「有愛心」既幼稚園既職員可以咁？你答冇，會唔會簡單過答一句勞氣鬧人既說話？嗰刻我想即刻打返去投訴，但諗到為咗個女既入學，為咗個塞的士一個鐘+排隊三個鐘換黎既機會，更諗到個別職員唔代表成間學校既講法，於是打消念頭，照去interview。
後續面試當日經歷！

flopsybunnies

個人經驗：呢間的行政安排係不太好，去年我都有分享過，樓主莫氣！加油！

lovecupid

有細到大，咩人喺學校係最惡。
就係書記姐姐

無論買本校簿，借電話無怨無仇俾晒禮貌都係咁惡。
到咗出嚟做嘢，成日喺學校出出入入
最惡都係書記

因咩嘢佢哋咁鬼惡，咁唔好老脾呢？

唉．．．．．

sweetcan

我都有打電話去問巴士時間，網上睇唔到，打去兩次問，職員好有禮貌好有耐性把口述時間表及上車地點給我聽喎！ 我覺得有改進，不會像交表日造成大塞車。
如果下年能電子化交表程序會更好。

Jane1983

做家長係咁架啦！過去幾年幫小朋友揾學校，真係受吾少閒氣，無辦法。

有一年去某IS interview，等小朋友，坐係走廊張sofa，比個作威作福的admission officer話「呢度吾坐得」，企係走廊另一邊，又話「吾好阻住」。望吓佢，就問我小朋友叫甚麼名。我老公仲話我搞事，佗衰個小朋友。而家講起都都仲嬲。

lovecupid

sweetcan 發表於 12-11-29 20:02
我都有打電話去問巴士時間，網上睇唔到，打去兩次問，職員好有禮貌好有耐性把口述時間表及上車地點給我聽喎 ...

唔好講電腦交表呀！啲網民會鬧人架．．．又話自私．．又話啲人唔識電腦點算．．．又話要親自交表先至好架．．．．．唔好講呀...

樓主的小朋友被reject，一定氣頂。更食了書記姐姐的脾氣．．．．更加嬲
唔關老師同姨姨事嘅。
玟記仍是好學校

祝小朋友早日有offer。

AlvaGladys

我相信是個別例子吧！事實上交表當天老師都說低估了人數，所以佢地都做到四點先食lunch呀！舊年我交表都ok,快過蘇浙。我舊年都成日打去學校問waiting 情況都無試過無禮對待。可能今年家長真係好緊張學位，佢地成日接電話先咁。體諒下，無人也有情緒，唔係個個EQ都咁高！我有朋友教書，佢都話校長之下，最惡就係書記，哈哈！

hayley_leung

原帖由 lovecupid 於 12-11-29 發表
本帖最後由 lovecupid 於 12-11-29 19:49 編輯

有細到大，咩人喺學校係最惡。

但玫瑰崗有書簿房，買簿買呔唔駛勞煩書記姐姐

AlvaGladys

係玫記咁耐未試過無禮對待呀！一直感覺學校非常之好，相反係維記試過，某D老師及主任都好差,感覺唔好！

Mickey10

Ok,in 完前一間超趕，搭的士趕及十分鐘前到rhs。原來4pm得我個女同另一個小朋友in。有個老師(or 職員）帶我地上課室，佢好友善，同我個女玩，但行長長既樓梯時就話：「我地rhs最出名就係多樓梯喇！」我其實有d不以為然，覺得為人師表，咁講野太輕挑，但都覺得佢想講d野，令氣氛輕鬆d。

佢帶我地去到第一個課室門口，入面d老師話已經收拾緊，叫佢帶我地去第二個課室。佢有d不知所措下帶我地去第二個課室門口等，叫個阿姐比鞋套我地，個阿姐又晦晦氣氣。好喇！入到課室，有三個老師，兩個企喺枱既前方，考生就要坐對面，就似見工面試方式。另一個小朋友一馬當先走去玩具角，冇走去老師度，我個女跟住佢，主持嗰位老師（約五十幾歲）就頗嚴厲話：「你地走過去做咩？過番黎！」於是兩個小朋友即刻返埋位，我女乖乖答問題，而另一個就不停發脾氣。個年長老師一d笑容都冇，好似審犯咁問咩名幾歲鐘意食咩等。佢企喺度我女坐喺度，佢問幾歳我個女答咗三次幾乎要大叫佢先收貨（反觀其他學校老師會望住小朋友傾偈，呢d正係我地教小朋友既基本禮貌！）。之後pud波、配對、數數一一做到，唯獨問貓點叫我女答咗wowo，個老師話；「狗又wo、貓又係wo呀？」。到之後跟鬼佬老師唱歌跳舞，我因填緊問卷，冇睇住，因我知我女駕軽就熟，跳佢最叻既＂if you're happy and you know it" (咁＂橋＂我地等入課室時我同佢跳完），之後個年輕、有禮貌又有笑容既老師走黎同我講佢跳得好好！

成個過程好似趕收工咁，好似我地係要in  到咁晏，阻住佢地咁，個老師木無表情兼惡。再加上我地得兩個小朋友，缺乏比較及互動機會，我當時已知就算我個女表現好，佢地都唔會收佢。果然不出所料，但預料唔到係rejected, 冇waiting!

但取録與否事少（其實已有四個offer，包括龍校及維記），一間辦幼兒教育團體老師職員既態度，對幼兒既愛心、及對面試公平審核事大。唔能夠因阻你收工就對人有壞印象，而影響評核。就算阻你都係大人既事，小朋友係無辜的。

Mickey10

有人會諗：唓！人地唔收你你就話人衰！呢個講法都有d啱，因為如果佢收咗或waiting, 我係冇咁氣頂，因為係我低估咗個面試老師，原來佢冇嫌我地阻佢收工而影響評核！我面試完冇喺度講，因我驚會傳到佢地度影響評核，因in4pm 實知係我，反正咁辛苦in完，都想有公正結果。

flopsybunnies

hahaha

florence.lau

自己對玫記感覺都係麻麻，所以唔收都唔駛可惜。

kangaroo88

I have came across some very impolite staff in Keenmind

lovecupid

kangaroo88 發表於 12-11-29 21:08
I have came across some very impolite staff in Keenmind

KM？我仲以為你受啲NET氣添．．．．．
普通話KM好好，英文NET就令人窒息．．．．local teacher仲好過佢。
家長義工真係一流。

kangaroo88

The impolite staff is a local high-ranking staff!

kangaroo88

Keenmind

actual

I had phoned to the staff of Keenmind last year. The attitude of the staff is

babyrex

感同身受，我個仔都是見她。
她問了阿仔十多個問題，全答中。
當天有十二人一齊面試，阿仔二號，
她問一號時，剛巧我比了枱上的波波阿仔玩，
唉！阿仔一不小心將個波拋在她面前，
她好惡地對阿仔說：仲咩係到拋波，
你好鍾意拋波架咩，立即搭番佢。
惡到呢！唉！未面試先衰！
聽到佢咁對我倆說，好surprise!

接著她面試阿仔，
其中有四張圖片，她試範了第一張，
叫阿仔放埋剩下的三張：飛機，船及車，
阿仔拿住飛機，即扮飛機聲，由枱面向上空起飛。
她即說：飛完未呀？
到船，阿仔又扮船聲行，
她問泊係邊，阿仔說：海
她即說：快些泊番格內。
接著到車，
阿仔：嘟，嘟，嘟（扮泊車聲）
她已不耐煩。
阿仔泊晒，她即說：嘩，第時你駕飛機，泊車就死，環繞地球一周你都未泊完。

跳舞，同一首歌，阿仔由頭做到尾。
收信同你一樣，rejected!

bocopo

原帖由 babyrex 於 12-11-29 發表
感同身受，我個仔都是見她。
她問了阿仔十多個問題，全答中。
當天有十二人一齊面試，阿仔二號，

可能佢地唔想收太「活躍」既細路仔。
我個仔都無咩跳舞唱歌仔，waiting list...