究竟點解會對英普咁著重？

Salad316

如題。我最近睇ek 媽咪的留言，發覺好多人都對英普比英粵班著重好多，甚至乎因此而考慮讀邊間，或放棄邊間，這個我不大明白。因以我所知，兩者分別只在於以普通話定廣東話為主要教學語言，但英語的比重應該是一樣的。而如果大家是打算考local嘅小學，其實十之八九都係考廣東話，唔係考國語。當然國語現在是很重要嘅！但係咪值得因此而犧牲其他重要基本元素，例如學校本身質素。

Jane1983

學校質素重要過英吾英普班。
但如果學校英普和英粵都收，一定選英普。因為有語境的情況下，小朋友學來全不費力，輕鬆得多又有效。

lazycouples

其實依我所知，有幾間九龍塘學校既英普同英粵班的確比重係有分別的。英普係有外藉和國語老師做班主任，但英粵班就只有廣東話老師做班主任，所以才咁多人追捧英普。但有冇作為，小朋友明唔明，母唔母語，最後除了學校語言環境提供外，都要配合屋企同小朋友講咩語言既。

Salad316

咁有邊幾間係咁呀？可唔可以分享下？謝謝！

小洪寶

我都好掙扎究竟係英普定英粵，或者係話俾唔俾佢係母語環境下學習，英文同普通話係額外學習。定係英文係主要學習語言，家庭用廣東話溝通，有人話甘會造成語言混淆。

TeriAnla

我知道好多津校已經轉咗普教中，識好多家長小朋友幼稚園讀英粵，上小學好難追，所以我一定俾囝囝讀英普。

IRK

我本身buy英普，不過雖然夫妻倆都懂普通話，但為免語言混亂及觀察大仔的語言能力，我們刻意沒教普通話。入讀n班後，只有英文及普通話雙班主任，大仔完全聽唔明普通話，很抗拒普通話，我們曾考慮轉回英粵，但班主任說他語言能力强，叫我們放手一搏，我們亦準備以犧牲頭一年中文學習来換取他習慣普通話對話，結果他k1時已普通話對答自如，天天上堂迫講普通話及一星期上一兩次堂是有明顯的分別。我們讀英普，並沒有考慮考小一，而是更長遠的考慮孩子成長的需要。所以英普與否，在乎家長的理念及孩子的能力。

samchan2179

原帖由 Salad316 於 13-02-12 發表
如題。我最近睇ek 媽咪的留言，發覺好多人都對英普比英粵班著重好多，甚至乎因此而考慮讀邊間，或放棄邊間 ...

好多人都buy 英普，但我個人較buy 英粵。原因如下：
小朋友仲細，三種語言，可能會亂，想佢地係幼稚園先學好母語，粵語。因為粵語都係中文，學好粵語，再學國語，亦問題不大。

眼見部份普通語書本，有小量課文內容，似是用北方土話或口話，並非正統中文。所以我並不一面倒支持，全英普教學。

samchan2179

原帖由 samchan2179 於 13-02-12 發表
好多人都buy 英普，但我個人較buy 英粵。原因如下：
小朋友仲細，三種語言，可能會亂，想佢地係幼稚園先學 ...

當然，學好普通話是十分重要

小洪寶

我都唔係著眼＂考小一＂而係長遠學習，甚至不止中文科，其他科目既學習一樣重要。影響深遠唔知點揀

Chirley

之前我都好迷茫揀邊樣好，當個個都話英普好，心慌慌，
但而家我反而無咁緊張，
其實英文好，學普通話都唔難，好多外國人都係靠拼音學普通話的，
我細個讀書唔興普通話，但一星期都有兩堂，
但如果唔係必需用到，根本唔會記得，
出黎做野我嘅普通話由零開始，
但接觸多，又會煲下劇，溝通唔成問題，亦俾國內人讚過，
但當然口音就未必最好果d,
會盡量俾好嘅俾囝囝，但都係睇返佢興趣

eebabyma

原帖由 TeriAnla 於 13-02-12 發表
我知道好多津校已經轉咗普教中，識好多家長小朋友幼稚園讀英粵，上小學好難追，所以我一定俾囝囝讀英普。



  ...

Yes, 就是因為好多較好的小學已轉左普教中了，所以幼稚園時讀英普，上小學時較易適應

conniewktang

普通話也是越早學發音越好，但拼音就大小小，六至七歲學都未遲，太大過學，音讀得可能不太準。

PrincessH

🎄🎄💢💢😘🎄

oooasis

samchan2179 發表於 13-2-12 20:17
好多人都buy 英普，但我個人較buy 英粵。原因如下：
小朋友仲細，三種語言，可能會亂，想佢地係幼稚園先學 ...

我都buy英粵。
雖然上到小學，我贊成普教中，但幼稚園階段，特別係pn，k1，還是學好母語較為重要，建立一個成熟的溝通，思維方式對幼兒來講非常重要。
與其學一個詞彙的三種讀法，不如花時間學習多些新的詞彙仲好。
當思維語言成熟後，要學同語種的另外一種方言，是好容易的，去到k3甚至小學再學普通話都完全唔遲。
好多人覺得小朋友好快會“講”普通話，其實只是鸚鵡學舌，是記性好，而不是真正的語言發展。

Salad316

chirley, 我同你嘅諗法一樣。而我自己係中學畢業先自學國語，但一般字嘅拼音難不到我，就算而家我呢遍回覆都係用拼音打嘅。而我八成客戶亦是國語客，與他們溝通一點問題也沒有，我嘅國語亦得到他們的認同。國語始終是中文，困難程度大大不如英文。只要學而得其法，知道竅門，並不太難。我會覺得如果兩個其他分面是一樣，但一個英粵，一個英普，我都會選擇英普。但這方面嘅考慮並不會多，不會因英普而犧牲其他的優點。

Chirley

回復 Salad316 的帖子

多謝你呀, 當然有英普我都會俾囝去讀,但唔係第一考慮點。細個d學係好d同易d, 但講到口音問題,
唔好講普通話先,英文香港人d口音都同外國人差好多…

小曳人

好多兒童教育學家都認為:0-6歲係語言發展最重要嘅時期！响呢段時間接觸多樣語言，學得快又會學到語音，越大學就越難，而且講得唔地道

我自己無俾小朋友讀英普班，因為...其實好多學校話用普教中，但當中，到目前都係少數！而我地target嘅小學都唔係普教中嘅！
如果你心儀嘅小學係普通中，就必然揀英普班！

hobby

我俾囡囡讀英普, 都係想佢係最自然的環境學外語,
昨晚打開一本書跟她說普通話, 她用普通話答返晒, 但我們在家是不用普通話溝通的; 至於廣東話, 她流利到不得了, 如果用廣東話問佢生字, 佢可能最初會用普通話答, 但教幾次之後, 就用返廣東話答了
課本問題 - 她學校都是用一般學劵幼稚園的教課書+我自己會讀(青田出版社), 所以用的都算是地道香港用語 .. 只不過試過用廣東話問佢飲咩, 佢用返廣東話答"開水"

petitebebe

if you want to have good diction of a language, it's much better to start learning it when you are a kid. it's actually quite easy for kids to pick up a new language.. a lot of kids speak 3 languages growing up..
for my 2.5 year-old, he improves his cantonese and french so quickly, once someone teaches him on a daily basis. (first language is english). he also learns mandarin at school, and i sometimes hear him singing mandarin songs at home.