小一數學

AX21

想問小學會唔會叫小朋友背組合?

如8的組合: 2+6=8
                  3+5=8
                  4+4=8

我仔學校有叫, 我初時冇叫阿仔背, 因為佢喺暑假時已懂計加減數, 但現在全部唔記得晒, 是否要佢背組合好D? 有冇其他方法?

itbaby

若你小朋友已識加減數,那就算要記以上的組合也不難,我小朋友之前都要記。

多啦c夢

K1已經識，

Jane1983

背組合對計數有好用嗎？

多啦c夢

非常有用

多啦c夢

頭盤，基本功

Jane1983

咁即係已經識計加減數，背組合都幫到？

happy105

我囡學校都要背，我就係之前垂叫佢背，宜家教到十幾嘅組合，計得好慢

pandean

我囝學校都有叫背，我無給佢背。

longlokma

不用特登背，你學公文咁重複出几次题目比佢做便自然又快又準

pandean

我寧願他數手指算答案都不會背的，這個年齡的孩子其實很聰明好學，學到一點點知識他們自己會不斷運用，還會想更深入問題。背會少了自己摸索答案的過程。

Jane1983

我小朋友幾個月前好鍾意幾數，接佢放學、坐車、傾計，佢都不停問我xx+xx=？，xx-xx=？，但最近，突然沒了興趣。雖然d數仲識計，但和以前沒法比，搞也鬼？

作為家長，由得佢，定係點樣好？

wwy512

我個兩個小一補習學生一個有記一個無記，但兩個都識用心算計數
無話一定要記既，睇你小朋友屬邊種啦

多啦c夢

果堆還幫助到計減數，數學係一種語言

AX21

我尋晚都有叫仔背, 但佢背到少少就好似好悶咁, 佢本書D組合好散下, 有無其他組合可喺網上找到?

pandean

Jane1983 發表於 12-12-11 00:39
我小朋友幾個月前好鍾意幾數，接佢放學、坐車、傾計，佢都不停問我xx+xx=？，xx-xx=？，但最近，突然沒了興 ...

我兒子也試過那樣，小孩的熱情不可能一直保持的。不過當他遇到新的數學概念就又會積極一陣的啦。比如說後來他不知道那裏學了負數，乘除的概念都會跑來問我。我教他幾個方法思考後他就會又積極一段時間直到理解好那個概念為止。那個時候你可以再配合他的熱情復習一下就行了。

乘除方面我也不贊成直接教他背口訣的，而是教他乘除的意思是什麽，讓他用知道的知識來思考。比如說7*9=? 我兒子是知道7個10就是70，然後7個10比7個9多了7個1，所以70減去7就是7乘9的答案了。兒子會不斷嘗試，所以2*，9*，5*的乘法他都可以用加減法的知識算出來。數學是一種思維方式，學會了思考，不經常練習也不會忘記多少的。

如果真很想他熟練還有些小技巧幫助一下的。比如我是出題考仔仔和他爸爸，爸爸裝粗心點，仔仔在比賽勝利的過程中很驕傲，會繼續想玩，順帶教一下粗心的爸爸，講講是怎麽算出來的，教導別人對加深理解非常有幫助，也等於又做一次。小孩更會為了證明小老師的能力會不斷要求我出帶負數，乘除，多位加減等難點的題目難倒爸爸。

如果他是感覺完全學會了興趣會減弱些，其實閑聊講個故事，穿插學中英或其它知識也很好。交替學習會保持小朋友對知識的新鮮感和興趣。

Jane1983

回復 pandean 的帖子

謝謝你！玩數學比賽，真係難為了爸爸，要扮吾識，哈哈！

sycheung8

我仔仔間學校都有, 現在小一....要計不是背因没有答題需要讀7+8=?, 5+6=?, 需要快得出個答案, 學校希望佢們係計數上轉得快些我自己就覺得幾有用

chanwendy

小女學校有教組合, 其實幼稚園都係教組合, 不過佢背得唔叻, 最叻咪 10 囉, 因為老師有首歌謠比佢地背, 咁咪會快啲囉.  我都好想想亞女背到組合, 但佢好慢, 真係數手指計完條數都未背得晒個組合, 所以後來都放棄了, 由得佢用自己最有把握最舒服最安心的方法計.

marcuscyrus

數的組合，幼稚園教過，現在小一都有教下，但應該冇叫要背，咁我覺得都唔駛專登背