阿仔由早到晚都數數字

iamadc

阿仔兩歲幾，最近覺得佢到數字十分沉迷，在家見乜都數一餐，我拿playdoh 比佢，佢唔係玩doh 係數下有幾盒doh , 一數可以十五分鐘。昨日同佢換衫，佢不斷講one hundred ,完來佢見個碼係100,其實我無教佢數到100, 佢係睇YouTube 歌仔自學

我自已由細到大數學都好好，好到次次考試考數學之前那日可以同媽咪講睇電視，然後拿滿分，中學被學校選中訓練奧數出賽，當時係唔興奧數 ，亦無那麼著重資優

想問你們有無類似經驗？

iamadc

謝謝分享！你仔幾大？我都唔想迫佢多學，返正中四前學的都是低等數學（只是運算）！

搞笑是我買了個計數機比佢，佢當寶一樣！

iamadc

過佐四個月，佢對數字都係好敏感，但現在對文字又開始有興趣，出街見到路牌或告示牌都要問，可以自己讀簡單英文書。上星期net teacher 同我講he can read, 我相信佢係未讀過的書都可以讀

iamadc

但係我個仔都幾outgoing，出街同陌生人搭咀，尤其是靚女。學校老師都話佢主動同講幾多野。不過佢又係一出街就要spot到數字，自己會寫100，我地無教，學校都未教。我同老師講佢數字發展，佢地又唔太care, 不過算啦，順其自然

iamadc

最近越來越覺得阿仔好奇心比其他小朋友強，出街見到地盤、修理、種花等工程，佢都企定定睇好耐，不斷問做乜野。次次帶佢返學放學，本來同住同座的同學一起行，行行下佢就會望東望西，問一大輪，令我更覺得佢唔同，雖然其實問題不大，就係要預多d時間同佢返學

iamadc

原帖由 bearwhat 於 13-05-05 發表
我仔剛3歲終於見完健康院姑娘，排下月9號見醫生了，他對數字還是沈迷，重複開關動作還有，望眼只會望幾秒， ...

請問姑娘估計仔仔有什麼問題？

iamadc

早幾日發現仔仔的認字能力超過我想像。學校派了本學習紀錄，內有一張全班同學的中英文名字，阿仔指住其中一個同學個名讀了出來！！之後又讀了另一個同學的名。張名單只有字無相。我只知道佢認得我、爸爸同自己個名，無想過佢可以讀其他人的名，而且我肯定學校唔會教。唔知佢點學？佢兩歲九個月

iamadc

時間真係過得快，我個仔快三歲半，對數字仍沉迷，佢成日同我工人數五的倍數...5, 10, 15....100. 同我就玩加數
佢對英文字亦很敏感，可簡單拼讀未見過的字。現在他出街要坐地鐵，然後不斷重複"please mind the door...bebebebe..." 我地就同順便玩翻譯，將door 改phone, daddy, 佢就講「請勿靠近xx」,就這樣玩上一晚
幸運地，仔仔越來越可以控制自己的脾氣, 亦同其他小朋友現得開心, 但比其他孩子還是比較bossy and aggressive

iamadc

完來阿仔都有幾多同類
佢最近有自己背1-5乘數
迷地鐵地圖，係high level reader
社交弱，老師話佢唔多講野, 要想很久才答
我們比佢去社交班，姑娘都話佢反應慢, 建議我們比佢去遊戲治療
我們覺得佢唔係蠢所以慢。因為佢係小心和logical 的人，所以佢會想完才答
例如老師問佢who are you? 佢要想完才答 I am a boy. 他不會想像他是動物etc 他是要對的答案
佢迷地鐵數學像亞氏，但佢的特徵唔強，佢會答問題，但對陌生環境反應很慢
現在都係conclude 佢唔係亞氏
我們可以做的就係帶多點佢去唔同地方(不過佢坐完地鐵又會背一輪）

iamadc

其實我說conclude 可能不太對，因為這是遊戲治療師的講法，佢認為仔仔亞氏的特徵唔強。佢唔係背對每個站，亦唔係沉迷到你distract 唔到佢。如果佢現在玩火車，我會問佢很多社交情況，如婆婆有無位坐？這個站有無餐廳，然後帶他玩其他野。如佢話有餐廳，我們會玩餐廳。

iamadc

我個仔又係喜歡看同一本書，或同一類書。之前看樓上一百層和樓下一百層，最近借了本missing math, 佢超like

不過佢都喜歡Peppa pig, 算平衡下

iamadc

我發覺仔仔的學習進度係跳躍式的。佢未識abc就讀到tiger 等生字，那時未兩歲。現在佢加數唔係好穩固, 就背了乘數表。英文又係，佢通了phonics 後乜英文都讀到，讀得好快但比老師話佢無comprehension.

iamadc

仔仔上星期上遊戲治療，姑娘問我係唔係迫佢上興趣班。我知道佢一年前有班英文堂佢在堂上大哭15分鐘個老師都無理佢，那時佢三歲幾。姑娘話佢應該係講這班，但仔仔講到現在還在上課，但其實一發生這事我們已無比佢上，無想到他會記這麼久！今天早上起床佢很難過，大哭。。。爸爸話佢講唔上禁多班，唔去xxxx(那一班centre 名）。回想他暑假時我帶佢去那centre, 有玩具借，佢門口都唔肯入，大哭....我好難過，我們撰錯了班，令佢情緒有困擾。可能亦影響佢現在害怕新環境....

iamadc

我仔四歲，
姑娘叫我同佢講話唔會再去個centre 了，
叫佢放心。
佢放鬆時轉數好快，但好易緊張，
所以好慢熱！

iamadc

早幾個星期想開始教下阿仔減數，之前無乜教，所以由5-2開始，佢心算答我3，然後我就越問越大，問到100-2 ，100-5，41-30佢都係心算比我😂

另佢畫很多數字畫，通常會話那是樓或floor plan. 我們亦對那些數字不能解碼, 最近發現佢會繪製地圖，包括我們屋苑各座和商場的位置，和上次外遊酒店房的floor plan, 佢會標示電視，厠所和床的位置，我們覺得難理解這事，想象中四歲小孩都係畫花草動物。

大家有無相似經歷？

iamadc

過了三年，真係好多謝大家的分享，我們都重點搞好佢社交和情緒。

這幾天假期帶阿仔去公園玩，見到佢同其他小朋友social, 攬頭攬頸，朋友和老師都話佢好左好多，少了很多沉迷固執無社交等亞氏特質（或者知道點收藏），都幾滿足。

雖然都係好鐘意數學，但隨著「和世界接軌」，已經少了好多我放工入屋就看到個white board 全數字(係勁多密麻麻）的情況- K1K2那時日日如是，好似方展博
佢自己成日出數比我們計，唔止加減，出到乘除和小數負數，又成日畫maze 當中要計數才可找到出口，幾好笑！
現在佢有其他興趣，迷上鋼琴，老師教半本，佢已自學彈完全本，再試作曲和把已學歌曲變奏，又自己不斷彈玩chord, 右手歌比左手彈。

這些沉迷都是「亞氏精神」吧？

iamadc

回想起來，四歲時我最擔心，因為社交互動開始多。我們成日找playmate 帶佢去玩。有上社交班，最有用係聽導師講點應付佢。晚晚同佢講心事，比佢多點講自己感受。數學我有教，但不是很有系統，亦無出去學。佢現在無那麼迷數字，最少不會只同其他小朋友問數學。我唔知係咪大個d，才改變了。但同時無之前那麼比同齡advance很多。我知佢好多同學出去學數，佢又無學，所以差距收窄係正常的。不同的是，其他小朋友教到乜（其實都係加減）就識乜。佢就會想知其他數學概念（小數、乘除）。但佢唔鐘意操數！