下午帶個女去太子明慧，樓下又是超多人，排隊比上次簡介會好少少，唔駛轉彎後排到街尾安息日會。
準時入場，原來只可以一個家長帶小朋友入場，所以門外好多爸爸、菲菲和印印守候。
校園環境好清潔，好整齊亦好新。
按準考證上面個紅圓圈分組以playgroup形式面試。 一個英文老師一個普通話老師主理，仲有兩個老師問家長問題，一位副主任在場
小朋友坐在大方格墊上，家長坐櫈仔，安排唔錯，大些馱BB的家長都舒服。
英文老師和普通話老師輪流唱歌同小朋友玩遊戲，睇小朋友反應．．．．你想我個小朋友俾咩反應你．．．．齋坐？會郁？
奇怪老師應在小朋友視平線範圍內面對面說話，點解老師企響度講？小朋友要85度向上望？
英文老師和普通話老師唱歌至聲嘶力竭，很辛苦她們，整天不斷唱歌，咪都唔用．．．． 20分鐘仍有遲到嘅小朋友進場 25分鐘後結束面試。
究竟IN 咩呢？遲到嘅小朋友又IN 咩呢？
回到街上，發了一場夢．．．．．． | 
發表於 12-11-17 19:46
