點解有D小六既媽咪說: 走又死, 唔走又死既?

crystalmum

點解有D小六既媽咪說: 走又死, 唔走又死既?
好驚, 聖母小學真係咁差?

onepiece

原因是直屬保留位，只適用乙部首志願。如果是band1成績，會想去搏保一、協和，但如果是band2成績就唔駛想就塡聖母第一。但總有人成績介乎band1同band2之間，很難確定是band1定band2，如果搏錯就有機會成為97%以外無英中讀的2~3個學生。有時大家隨手寫，唔駛擔心。

kelvinkmchoi

請問如果是band1成績，想去搏保一、協和, 但最後吾收, 咁係吾係聖母都不保留直屬位給小朋友架?

onepiece

原帖由 kelvinkmchoi 於 12-11-05 發表
請問如果是band1成績，想去搏保一、協和, 但最後吾收, 咁係吾係聖母都不保留直屬位給小朋友架? ...

無錯，首志願搏保一、協和，就無權用保留位。不過這樣唔代表聖母唔會收妳。因為黃大仙英中位應該是夠的，所以如果妳是band1成績，首志願抽唔到保一，只要二三志願填返聖母同德愛，我相信多數無問題。
唯一有問題的應該是marginal跌落band2成績，但搏自己係band1填保一或協和第一，那樣由於抽獎會跟band2抽，所以排聖母第二就好可能入唔到喇。

其實如果係邊緣人，最好還是保守D，盡量在自行報band1C學校，統一就填返聖母，損失只係無得入保一、協和，就唔會無英中讀。

felix753

原帖由 onepiece 於 12-11-05 發表
無錯，首志願搏保一、協和，就無權用保留位。不過這樣唔代表聖母唔會收妳。因為黃大仙英中位應該是夠的，所 ...

言下之意謂：聖母書院排名在保一，協和之後？

onepiece

原帖由 felix753 於 12-11-07 發表
言下之意謂：聖母書院排名在保一，協和之後？

如果用近年公開試成績去排，的確係，好多人亦係望住公開試成績去選學校，這種想法忽略了學校是否對學生增值(DBS就是大家熱講的減值例子），但這種想法亦很難擺脫。其實中學公開試成績好壞，最大關係唔係學校教得好唔好，而係＂收生架構＂。保一、協和，收的全是band1學生，就算無為學生增值，公開試出來的都會係band1成績。但聖母是直屬學校，自己學生無論什麼能力什麼band都會照收，雖為學生大大＂增值＂，最後平均成績也佷難有保一、協和噤好。
近年越來越多家長選校硏究的已是＂增值＂程度，而不是公開試的absolute成績，至於究竟協和增值高定聖母增值高，大家可自行判斷。

felix753

謝謝詳細解釋。 Many thanks!

k_lego

原帖由 felix753 於 12-11-07 發表
言下之意謂：聖母書院排名在保一，協和之後？

一向都係亦不是B1好耐

onepiece

原帖由 k_lego 於 12-12-02 發表
一向都係亦不是B1好耐

大家要update 吓喇，聖母不單已回復band1水平，2012年HKDSE 3322%有67.8%, 明顯比可立的60.1%高。跟其他直屬中學相比，3322%也高過男拔、高主教、九華、瑪利諾神父等有名直屬中學。