全軍覆沒的家長互勉區

yovin

你真是一個好爸爸 , 你囡囡懂得投胎已是擁有無比福氣了ｏ

我兩個仔 , 一個踏入小五呈分 , 另一個k3升小一 , 細仔總被忽略點了。
可惜爸爸在學業上幫忙不大 , 他只會讀答案罷了。
我都係要返工 , 放工又要教仔 , 仲要供樓 , 有時忙到氣都透不到 , 上星期辛苦到肌肉崩緊 , 要入院打放鬆肌肉針同止痛針 , 但只得一天休息時間 , 又再頂硬上。
細仔今天自行寫了[小學]兩個字給我看 , 問我會否有小學收 , 我都忍住眼淚摸摸他的頭 , 叫他要努力點就一定得! 其實我都好耐疚給他的時間不多ｏ
相對地你女兒已比小兒幸福了, 對不?
家家有本難唸的經 , 我們加油吧! 付出的一定不會白費 , 同子女一起閱讀成長 , 我們已賺得親子和諧關係, 他們會永遠記得的。