想報讀2013/14根德園

kobecherry

根德園家長你們好...我將會報讀2013/14根德園k1班, 有d資料想請教一下, 我剛剛致電學校, 每日英文堂有20分鐘, 普通話要k2才有, 我想問問現任家長20分鐘的英文堂足夠嗎 ?

PPPHOME

你都問得好仔細~我大女讀完, 而家細仔讀緊, 都唔知kv有咁樣編時間~
幼稚園上課時間短, 小朋友專注既時間亦短, 如果中英數3科各20分鐘, 再加大大小小休息遊戲音樂去廁所時間, 我估都算緊湊~

量化既野, 其實唔係最重要~
我仔女去根德, 安心又放心~
唔夠既野, 每日仲有半晝可以出去攪攪佢~

lukimama

回復 kobecherry 的帖子

你真係好彩, 我問老師, 老師都唔答我, 哈哈......

PPPHOME

根德園既英文真係成日俾人攞出0黎講~
其實教育既野, 學校好難話俾到夠, 而係家長覺得點樣至為之夠~

我朋友個仔之前都讀過國際學校, 每日返學3個鐘全英文, 朋友到頭來都覺得唔夠~
識講, 仲要識寫, 識睇, 國際學校講明兩年幼稚園係絕對唔會有任何形式既"功課", 絕對唔會有測驗考試, 所謂既評估係家長唔知道老師幾時打既grade~

我既心態係預左讀邊間幼稚園都會出去學其他野, 豐儉由人啦~
根德響培養紀律方面, 俾左我一百個放心!
我仔好野, 佢響根德無俾老師投訴, 我已經好開心!

stliu

我好同意PPPHOME 的講法, 其實每個人的標準都好唔同, 夠唔夠, 真係睇家長, 我大仔當年在KV, 讀, 英文唔算淺, 我都覺得佢學得唔錯, 冇特別再同佢報外面的英文班. 每間學校都有佢的長短處, 好難搵倒一間perfect school, 真係有,我又未必讀得起.  KV 學費$2477, 慳左的錢, 去學英文或者其他, 我覺得, 皮費都唔算太重.  

PPPHOME

我小朋友都有讀N班, 以我觀察, 大部份KV小朋友來自不同地區既N班, 所以讀邊一間N班其實不太重要!

我俾我仔女讀N既原因, 都唔係話旨意佢地響N度學到乜野, 而係......費事佢地全日淨係對住老人家/工人, 想佢地習慣下外面既生活~太痴老人家/工人, 小朋友好難獨立, 更甚係根本唔鐘意與同輩相處/玩~

Amymichelle

我都認同PPPHOME嘅講法,當初選擇KV其實都係鍾意呢間幼稚園係重視紀律培育!我亦清楚知道呢間學校係冇net嘅,但對我黎講冇所謂,因為我有比佢出去上英文堂!小女今年K1,開學已經3個星期,我發學KV嘅老師真係有佢一套嘅教法,在家比以前更守規矩,亦好開心返學!小女之都曾經讀過一間英文出名嘅幼稚園N班,英文雖然好,但紀律我都係認為KV好d!所以冇嘢係完美嘅!最緊要係家長想小朋友要d乜!!但係$2477呢個價錢有呢個質數對我黎講係絕對超值!