請自重，確保小朋友有一個公平既interview

cmt1010

遲點才討論當然可以，亦是我第一次看這帖子時的想法，但話討論的人是出貓，是錯就有點過份。如果說是為了有些家長會心裏好過些而閉口我會贊成，但如話這是出貓，是錯，教壞細路，所以唔應該講，我說恕難認同了。

meloeskie2

原帖由 carriebaby111 於 12-08-30 發表
看來野蠻的品性是這樣培養出來的,正義的超人樓主

完全同意

joeram

回復 gigayan 的帖子

正是,既然有人(不只一人)感到不安,就留待interview完結才討論吧.
去年也是這樣的,為什麼今年不可以呢?

smallfoothk

"養兒一百歲長憂九十九"父母想知道多些資料是正常的,先表明我冇小朋友升小一,全幫朋友一問,那裹是自由講,想知就可問,唔想答可不答,或答者佢想幫其它小朋友(擁有一棵冇私之心),準備足夠,當然是好事,方間邊有咁多面試班存在,校長眼光是雪亮的,是龍是鳳校長心裹有數....

Parisienne

樓主，呢個topic太大。

雖然我也認為原則上在未in完就問試題係唔公平，但絕對講原則的人真係好少囉。

例如，在大陸坐公車，ｄ巴士永遠都唔對準個站頭停，如果你乖乖排隊，係永世都上唔到車！所以，當公車駛埋嚟時，群眾已開始對準目標，打尖推撞。即使你初時好守規矩，第一架車唔上，第二架車唔上，到第十架時可能你都要爭。

公平嗎？唔公平。

原則上錯嗎？唔守規矩當然錯。

但守規矩你能上車嗎？不能，除非識功夫，平時練開鐵沙掌，有信心能一個打十個。

那麼你話是不排隊的乘客錯嗎？佢地答 : 「唓！守規矩點上車！我要揾食！遲到被炒邊個可憐？而家打尖啫，又唔係打劫，犯法呀？人人都咁架啦，你講咁多道理做乜！」

那麼是巴士錯嗎？司機答 : 「停得準仲死！而家停遠少少等d人跑吓有助舒援。」

錯？邊個錯？

大家各出奇謀，三幾千人爭上果幾架細巴士，可能都只因為佢係〝冷氣巴〞！條路咁長，希望阿囝坐得無咁辛苦。就算冷氣巴收得貴，都值得。

其實，如果有多幾部〝冷氣巴〞，大家咪happy囉。

香港教育整體都嶇型，如果有高官上嚟EK，實陰陰嘴笑，因為佢個囝係坐緊私家車，有專人接送。

以上例子雖然未能百份百套用在interview問題，但學粵語殘片講句 : 「都係社會嘅錯。」

但我個人依然偏向in完後才公開試題。咁樣對d唔想公開的家長會公平d。

carriebaby111

其實，由此至中關於面試的內容，我本人都是採取，不會主動同人講亦不會問人，因為我相信，不是知道了面試內容就一定收，唔識答的小朋友就一定唔收，但如果朋友問到，我會叫兒子自己去講，由個仔自己發揮，至於人地信不信和背後如何有陰謀我一概不理，亦不是到我去理的範疇。

至於為什麼這個題目會引起頗大的爭議呢？就因，有人覺得，他們自己是何等正義，因而去指責別人，將一些頗大的罪名加在一些只因為著緊自己兒女的家長身上，其他說到底，這些家長都和你我一樣，緊張自己的孩子，若退一步想，你自己的孩子不是第一天考，而是考較後的日子，你作為家長，你真的一點想知道內容的興趣都無嗎？，將心比心，大家多一點體諒，包容一下和自己有不同看法的人，這個世界會和平一點！

carriebaby111

還有，何謂  正義，公平？？
在我出來這個社會工作後就發現，這個世界的所謂正義和公平，只是用嘴巴講的，誰人講得最多呢？就是政客

cmt1010

原帖由 carriebaby111 於 12-08-30 發表
還有，何謂  正義，公平？？
在我出來這個社會工作後就發現，這個世界的所謂正義和公平，只是用嘴巴講的， ...

超like你Li 句

ZZdaphne

其實响討論區討論事情,
只要表達自己立場即可,
如果不停指責對方不是,
上綱上線,  最後就會演變成罵戰.

lutang

回復 Parisienne 的帖子

其實有人問有人又肯答，呢個係冇問題既問題，我之前都講過，係因為大家都太緊張自己個小朋友喇，所以先會咁激動．我睇完你呢個公車比喻，我只可以講，呢個世界執輸行頭慘過敗家，因為幾次上唔到車而令自己都變成佢地一樣，當然咁樣係冇錯，所謂適者生存，要改變呢個做法，係要由細教起，甚至係整個社會既教育先可以做到．
好似樓主所言，唔希望大家咁早講個答案，係基於尊重別人，但係尊重呢種行為亦需要長期教育，依家喺度討論根本唔會有答案，而且亦無得分對與錯，因為社會既改變，令大家既睇法唔同咗，價值觀亦有不同，有人會覺得係自由分享，係言論自由，亦有人覺得係唔公平，係歪理，講到尾，係香港成個教育既問題，如果唔係咁大競爭，大家亦唔會咁緊張，但我地可以做既就只有平常心吧！

aknchan

fion_yinyin, 原則上支持你。

可能有些人很不高興你把"套料"定位為"出貓，教壞人"，所以先會咁激動。
我自己的定位可能輕一D，接近:"搵JETSO，茅"。

至於某某自認"常常都會有辨論"的人，理據薄弱，邏輯犯駁，可以一笑不理。

我建議有機會3rd In見校長的家長，請校長評一評，看看她認為1st in完成前公開題目有沒有問題吧。

cmt1010

原帖由 lutang 於 12-08-30 發表
回復 Parisienne 的帖子

其實有人問有人又肯答，呢個係冇問題既問題，我之前都講過，係因為大家都太緊張自 ...

贊成你所講要互相尊重，但這是互動的，如果一開始就唔尊重對方，又怎能期望會受人尊重呢？

sissysze

原帖由 cmt1010 於 12-08-30 發表
贊成你所講要互相尊重，但這是互動的，如果一開始就唔尊重對方，又怎能期望會受人尊重呢？



  ...

chapter

以logic講, 我讚成"確保小朋友有一個公平既interview"論點. 睇論點成唔成立, 就要知有冇"唔公平".

如有人分享係可以構成"遲考可以有機會知道題目", 而第一輪係冇機會做到. 咁 - "不公平"就可能成立. 題目真確性或對之後考生係正面定負面影響唔係關鍵.

至於一d理論上第一輪係可以做到, 好似面試班/舊試題.. 咁"不公平"就不可能成立. 所以亦唔係關鍵.

但人情上,

如果我係第一輪, 擔心自己子女叫人地唔好分享無錯吖, 大條道理係我到...

如果我係第一輪又鐘意分享 - 我冇簽NDA又冇犯法喎. 連學校都冇提醒話問題啦...

如我係第二輪更唔駛講, 我有比effort上bk喎. 如有違背bk原則, 版主早就聲明啦. 同努力識人/掙錢一樣, 都係想比子女comparative advantage啫...係合情合法既情況下好難要求自己做"富貴直中求"既人...抽到第二輪係幸運, 而幸運實力既一種.

所以, 贊成樓主咪照做, 反對咪照問. 香港人應該清楚點樣做一個君子, 亦理解香港唔係一個陪養聖人既地方...

Parisienne

回復 lutang 的帖子

Hmmm… 你話〝..有人問有人又肯答，呢個係冇問題既問題.....〞

我對呢句有保留。

都未必係你情我願就無問題架。如果只關乎兩個人都仲話，但同時牽涉其他人利益，人哋的確有權反對，是否過份緊張就大家標準有別，即使講同聽嘅人覺得問題不大。

carriebaby111

aknchan 發表於 12-8-30 11:46
fion_yinyin, 原則上支持你。

可能有些人很不高興你把"套料"定位為"出貓，教壞人"，所以先會咁激動。

基本上正義的樓主出發點是沒有問題的, 因為個宗旨是這裡是一個開放的平台, 有言論的自由. 但樓主出得呢個POST就預了有不同的聲音出現,包括你和我....但現在樓主是要真正知道自己究竟在發表的是什麼, 如果開一個論壇出來是要指責別人, 硬要安一些罪人落別人身上就是不尊重別人, 我在這兩天一直保持理性的討論,一點個人感覺也沒有加上, 目的是希望大家接受不同的聲音, 不喜可不看, 但不可以冤枉別人. 我再重申一次, 如果連自己發表緊的內容也不是太明白和理解(如我之前一直問緊的問題), 怎樣去令人明白呢?

可能有些人很不高興你把"套料"定位為"出貓，教壞人"，所以先會咁激動。
我自己的定位可能輕一D，接近:"搵JETSO，茅"。

都是個句, 你有你的自由, 你可以認為你這樣表達是正確的, 但出貓和教壞人, 是不能接受的, 因為出貓是真的可以定為犯法, 你試下去考公開試, 出貓是刑事罪行來的

fion_yinyin

真好笑，出貓要「同一份卷的時候才能成立」。用某些方法去預先知道題目，然後取得更高分數的行數不是出貓是甚麼？是溫習啊？正如之前既家長講，連tip 題、預備等等既概念都搞唔清。

好鐘意以上既「公車比喻」，呢個社會總有一小部份唔守規矩。不過呢個社會好得意，守規矩既人多數唔會當面指責打尖既人。若真係有一次有人終於當場話打尖既人唔岩，咁打尖0個個就會聲大來惡咁黎"兇"呢個守規矩既人。打尖既照打尖，但就唔俾人話佢打尖，甚至唔俾人用「打尖」兩個字，咩道理？怡家係呢到真正正發生發呢件事，真可笑。

同意「呢個世界執輸行頭慘過敗家，因為幾次上唔到車而令自己都變成佢地一樣，當然咁樣係冇錯，所謂適者生存，要改變呢個做法，係要由細教起，甚至係整個社會既教育先可以做到．」所以某d套慣料既父母唔等於一直套開料就代表你既行為岩，人打尖你又跟住打尖，你唔係唯一一個做錯姐，但絕對唔等於你岩。另外，我地父母更加要身教，教小朋友咩叫岩咩叫錯，出貓更加係大錯特錯﹗

超like「至於某某自認"常常都會有辨論"的人，理據薄弱，邏輯犯駁，可以一笑不理。」你呢句

carriebaby111

我尊重這裡的所有家長，的確，面試內容公開了可能會引起其他家長的顧慮，畢竟會擔心會影響了自己的孩子，我是理解的，從個人立場上，就如我之前所說的那樣，本人是相信小學自己是有一套收生標準。

基於人性是自私的，這不是對與錯的問題，我自問我不是清高的人，我有去看那些post，請問這裡有人真的可以大大聲地講，我冇看過？！既然這是樣，為何指責其他人呢？假惺惺，矯枉過正難道是正道？

fion_yinyin

我真係可以好大聲咁講，我仔仔唔係第一日interview，但我in之前無上黎睇，我係in完1st round之後上bk至見到有人未in就走上黎問之前既面試題目﹗﹗

不過，出左貓又唔俾人講「出貓」兩個字，我講左我in前無上黎睇，d人又可能會咁問：「有無證據啊？」or「鬼信你啊，得你老公信你嫁咋」