官塘區有無好幼兒園?

澄澄媽媽

藍田,官塘,牛頭角,九龍灣都可以.

LA

基督教服務處觀塘幼兒園, 喺翠屏道

澄澄媽媽

仲有無其他意見

newkaka

我個女係觀塘聯合醫務協會幼兒園讀緊，我覺得佢每日都好開心，又喜愛老師，如果你有興趣可致電23472286查詢，我本身是聯合醫院的職員，所以會優先取錄，如果非職員的子女，就要早些報名，都好多人非職員來爭住報名!所以未必有位!

澄澄媽媽

newkaka 寫道:
我個女係觀塘聯合醫務協會幼兒園讀緊，我覺得佢每日都好開心，又喜愛老師，如果你有興趣可致電23472286查詢，我本身是聯合醫院的職員，所以會優先取錄，如果非職員的子女，就要早些報名，都好多人非職員來爭住報名!所以未必有位!

newkaka :
聯合醫務協會幼兒園係邊度黎架?thank you

cheuk_cheuk_ma

請問基督教服務處觀塘幼兒園是否全日制的？
要多少錢一個月學費架？
依家我個仔歲半大，其實幾大個俾佢返學好呢？
如果俾佢上幼兒園的話要幾早前報名架？

dleelm

cheuk_cheuk_ma,

You can apply for 2yrs' old class now. The nursery is full day and the school fee is around 2100 per month.

newkaka

澄澄媽媽:
聯合醫務協會幼兒園在協和街的聯合醫院內，但它位於獨立的大廈內，環境十分優美。
它是全日制的，主要是幫我們在返工時照顧囡囡，放工便接她一起回家。非職員的子女的學費$3450。

cheuk_cheuk_ma

我個仔七月到兩歲，咁幾時開學呀？
幼兒園時否隨時想幾時入學就可以幾時入架？
因我的菲庸到１２月頭至約滿，我想佢返菲律賓時我個仔開學，即係１１月入幼兒園，唔知到時收唔收呢？定係一定要九月開學呢？
仲有，我想問要距離入學前多少個月報名？及需唔需要面試架？
(唔好意思，太多野問，因係第一個bb，乜都唔識，又冇人有經驗，勞煩各位幫幫忙)

newkaka

我估就未必可以隨時入學，因為幼兒園每年都是在八月第二個星期開學，而且你個仔在7月己夠兩歲。

我見我的同事在去年的11月已交了報名表，還進行了面試，但聽D老師講，有很多遲交的申請仍在處理中，所以建議你快上去報名!

如果想知多D，你可致電23472286查詢。

cheuk_cheuk_ma

阿迅媽

妳可以試下牛頭角地鐵站對出, 玉蓮臺花園大廈浸信會幼兒園, 地點方便, 阿迅仔2歲開始入讀, 老師又好人, 全日制, 早上(7:30am-8:00am)及黃昏(6:00pm-7:00pm)都延展服務.

cheuk_cheuk_ma

我剛剛打電話問了基督教服務處觀塘幼兒園，佢話公開面試完了，不過亦可入紙報名，唔建議小朋友插班，學費$2090，開學另加文具費，夏天加冷氣費，收生212人，；另外，問了一間叫基督教家庭服務中心的幼兒園，在翠屏道三號三樓，地方冇基督教服務處觀塘幼兒園咁大，而且學費要$2150，冷氣費（四至六月每月$62），收生126人，唔知邊間好些呢？好頭痛添！我要星期六去報名喇，唔係呀仔冇書讀喇！
遲些又唔知幾時開始同佢入紙報幼稚園添架！死火喇！   

峰仔媽咪

cheuk_cheuk_ma :

我仔仔之前係返3樓o個間，上年8月份開始轉讀5樓o個間，我初初都係因為環境吸引我轉校架，現在仔仔返左半年，都好開心，而且，師資教學都幾好。

cheuk_cheuk_ma

係呀！我媽咪睇過都話好，不過要上五層樓，我就話冇有怕，因現今的小朋友少運動，只怕我媽咪每日帶佢返學時上上落落辛苦唧！明天去報名，好怕冇位唔收佢呀！面試考乜架？爸媽一齊同佢面試得唔得架？要唔要著校服架？哩間有埋幼稚園嗎？直上幼稚園定係要再考架？如果不幸地唔收（要唔要報定多幾間作後備？），仲有冇其他好選擇？勞煩你俾多些資料我丫！Thanks.

峰仔媽咪

cheuk_cheuk_ma

上次仔仔面試我都係同一齊，仔仔考3歲班(c)，考好機本既野，放心啦，當然你唔好題水啦，要著校服架，佢地係直上幼稚園既。

  

mcdullmama

newkaka,

想問下聯合間幼兒園上堂係唔係兩班(n1+n3)一齊上, 事關我上次無去open day, 只係聽講係咁, 好似一班唔係好多人?? and 園內設施如何呢?

你知唔知同觀塘個間基督教服務處幼兒園的課程是否一樣？　因為聯合貴成千多元，　想知係唔係值得？

mcdullmama

由 newkaka 於 2005-01-16 00:26:58

我個女係觀塘聯合醫務協會幼兒園讀緊，我覺得佢每日都好開心，又喜愛老師，如果你有興趣可致電23472286查詢，我本身是聯合醫院的職員，所以會優先取錄，如果非職員的子女，就要早些報名，都好多人非職員來爭住報名!所以未必有位!  

cheuk_cheuk_ma

好開心呀！上星期六11:30同我老公帶呀仔到觀塘基督教服務處觀塘幼兒園度見林副主任，原來當日係登記入學及訂購校服日，星期五晚林副主任CALL我至知，本來仲諗住下午去，好彩佢打來（之前我sent e-mail拿資料），因佢下午會走，到時都唔知點喇！
當日除了我好擔心外，原來我同老公都feel倒呀仔有些唔自然，原來行五層樓都幾辛苦架，好彩有得即時面埋試，考放積木（跟形狀），層層疊，問眼耳口鼻，幾怕佢掉積木，同屋企玩開個款式唔同而唔識放，好彩都一一pass，不過因我們係講”咀”而唔係”口”，佢就唔多有反應，同死都唔肯用手指推積木，不過都冇問題！佢問我想第日至通知約訂校服定係今日訂埋，我更係話即時啦，又等！唔好喇掛！嘩！好甘呀！成$600（兩套校服，一件外套，一個書包，一個chop，兩套運動服，一set被），有冇訂少到呀？其實是否一套運動服夠呢（one time a week only）？返學要著皮鞋�波鞋？唔知冬天又要多少＄呢？ :

峰仔媽咪

cheuk_cheuk_ma :

恭喜你呀 !!!
運動服一套都OK，你可以打電話問下可唔可以退，返學可以著波鞋，佢地返到學校要換鞋，著波鞋會舒服o的，唔好綁帶呀。 冬季校服會貴少少架。

cheuk_cheuk_ma

峰仔媽咪:
Thank you.
咁係咪即係要準備波鞋同皮鞋返學呀？