啟基學校： 點解d人話這校程度好淺，真的嗎？

angel-papa

我想亞仔將來入這小學，所以同佢準備入這幼稚園，（應該會易入d小學？）因個個家長都話d仔女好鐘意返學，好開心。
但另一方面，d朋友又話這校程度好淺，將來好難跟得上，真的有咁淺嗎？

kapapaka2012

啟基所用課本與全統的小學相同，唔覺特別淺喎!
如果比較一些教高半年級或者一年級的學校，咁就會覺得淺吧!

ms09hk

正如一個硬幣有兩面, 亦可以講某d小學課程太深了. 當有人向前走了半步, 總有人認為不跟上那半步的就是傻子...
(你已經OT到7:30pm, 但你旁邊某同事總又是再晚過你才下班, 那麼你又跟他再晚下班嗎??   - 可憐的是我那腦細總是認定最晚下班者~"勝"!.... 喂~~ 不是要看質量的嗎??)

kapapaka2012

說得很有道理和深度呀!

a_for_apple

我老公就係唔明呢啲道理囉。。。。

pak_sang

同一般小學完全相同，考試卷亦相似，有補底班(每週一堂)及拔尖班(每週一堂)，每週一次中默及英默。小一冇咁多。同其他小學比較，默書範圍就少很多。

0203Ma

默書範圍真的太少, 仲要講明默課文中邊幾個詞語及邊一段.
我個女讀傳統學校, 常識及數學用的課本與啟基的一樣, 可以這兩科比較.
常識個人認為出得較淺, 因沒有 long question, 很多是非題都是用四幅圖要"剔"或"叉", 填充亦供詞, 我個仔初時唔係幾認字都輕易取得高分. 我女果間要背晒所有大小總結.
數學我女果間感覺是教得淺出得深. 再加很多"陰"小朋友的題目.
個人認為啟基出得正常, 教小朋友的, 就考返果D, 冇轉彎抹角. 挑戰題亦是能力範圍, 好好呀, 不過淺.

Juliaqq

回復 angel-papa 的帖子

樓主, "準備入這幼稚園" 你指啟思? 雖然它倆都是趙校監,但啟思分校多,去年我都識人入唔到,要留意啊!

angel-papa

多謝你的提醒。都只是想試下會唔會大d機會入啟基小。