本帖最後由 橫風王道 於 12-7-5 15:03 編輯
睇到咁多家長叩門成功，特別係 6 月 2 日已開始上黎
EK 哭喪既戰友，真係好戥佢地高興，但同時亦對自己付出咁多努力而落空的境況有點困感，叩門成功率究竟有幾高呢？大家不妨幫手統計一下，若只計心儀學校，即由一間收生不足的學校叩到另一間收生不足的學校不計，簡單 d 講，騎牛搵馬果隻牛唔計，到目前為止，你地成功定失敗呢？歡迎所有報過或未報過憂喜的家長投一投，sample size 大過 30 都會有少少指標作用。 家長可隨意補其他資料，例如是否本區或跨區成功、細仔或大仔等。 Our case：敗，細仔 ============================================================================
於 7 月5 日更新，應該點形容呢？柳暗花明又好，爆大冷都好，尋日真係一個難忘日子！ 正當阿仔見緊一間跨區二線既校長時，收到電話，本區第二志願收左，與此同時，跨區二線校長見完阿仔之後見埋我，話都會收佢，即係沮喪左咁耐既考小一遊戲，特然間好似低位 V 型反彈咁，有點不可思議！開呢個貼， 一路做統計以黎，都覺得有冇攪錯，成功率咁高？但經過尋日既高潮後，而家我相信個統計結果可能真係有指標性… Our case now: 成，細仔。 各位戰友，繼續加油！你地唔需要奇蹟，你寶貝係一位正常可愛小朋友，佢足以打贏呢場仗，唔係風涼話，係想激勵士氣，大家如果有留意我既留言，都知我地條路一直以來有多辛酸…
| 
發表於 12-7-3 12:51
