培正小學vs農圃道官立小學，你會選那一間？

mazda5

大家姐正在讀培幼K3，九月會直升培小。兩個孖妹妹正在綠楊幼稚園讀K1。現農圃小學收大家姐讀小一，為了妹妹順利上官小，應否放棄培小？

mazda5

多謝各位家長嘅分析和意見!一方面其實都想大女留係培小，佢自己當然好想上培小，又如Karenlam338所講私少有自主權挑選學生，整體質數上絶對會比官津優勝！主要考慮都係從孖妹妹出發，兩年后報直資私小，以我所知一般都睇個人表現個別取緑，即係好大機會同好彩的話收一個吾收另一個，如果三個分別讀不同學校肯定應付吾到！即係要玩派位，但自行連首名分又冇，到大抽獎萬一派吾到理想學校，到時叩門要兩個位我諗機會真係微乎其微，所以宜家農圃官小叩門成功真係十五十六....但羲牲大女嘅選擇權自己又好難受....下個星期二要決定接受或放棄...

mazda5

回復 LittleButter 的帖子

係呀培幼吾俾大抽奬，所以叩門後備生位囉。

mazda5

睇完好多家長嘅分析和意見，今日最后都係忍痛放棄注册農圃官小。其實前两天我地好認真跟大女解释要轉校嘅時候，見佢吾多出聲過多—陣已经一邊忍泣一邊沬眼淚，我就知道結果係点。當然做父母要霸王硬上弓係得，但始終佢真係咁唔願意，到時令佢對學校產生反感咪又弄巧反拙。我亦都同意有家長講到同—間學校都適合每個小朋友，因為吾想博大抽奖，變成妹妹硬要跟家姐入讀—間學校又末必係件好事。宜家想法可能揾個好嘅校網34，11網，等第日妹妹抽到好d嘅學校啦！