每次小朋友在學校....

marcoli8

不論發生甚麼事，老師總是說看不到或唔知道！那作為家長的你，會怎樣辦？

謝謝分享！

samsons09

朋友個小朋友，係學校比人咬，手背，手㬹，手臂同背共四啖，班主任都見唔到，開學九個月喊足九個月，佢媽媽只好同佢轉校，一轉校就冇喊冇扭仲好鍾意返學，而家我地都想幫佢問下可唔可以投訴學校！

LL222

接受唔到D冇愛心老師, 轉校吧

12345BABY

中肯一點來看,很多時兒童不想返學可能有很多原因,尤其上午班的兒童最常的原因可能不夠瞓,再者在家中即使家長單對單對著子女,他們有撞瘀或受傷的情況也未必即時發現,也難怪老師一對咁多學生,作為家長我會教子女有事要主動向老師講.

Manshiu

邊間學校呀？

albb

我仔細個時被同學從坐位推倒地上, 老師知道, 無通知我, 但仔回家跟我講被同學推倒地上, 痛痛, 我仔坐校車返學, 我第日晨早返學校了解情況, 等老師知道家長重視.
到仔大左, 有同學係幼稚園班房周圍撞人, 我唔知會否有其他家人好似我咁會投訴, 但今次撞到我仔心口, 我仔同老師投訴, 個老師話比機會佢喎, 但係投訴後又發生, 今次我晨早返學, 跟老師講, 問埋邊個同學, 親自叫我仔認人, 我就好客氣同佢講你用頭撞我仔個心口會好痛, 大家同學仔, 咁樣玩人地會好痛架, 你下次小心D好嗎?

佢點頭OK... 雖然我唔知佢同學仔明唔明, 但之後都無見我仔投訴. 我都同我仔講人地可能唔小心, 比次機會人地, 如果佢成日都係咁玩就要出聲. 老師唔理我都會返學搵老師傾.

其實唔即時處理, 轉校才投訴, 請問有何用處?

況且你朋友都轉校, 都唔洗怕公開校名啦

albb

好多老師都係多一事不如少一事, 睇唔到係最好最好避責既理由, 而家老師都有好多無責任感, 為份薪水既老師大有人在

SmartCandy

原帖由 albb 於 12-05-30 發表
好多老師都係多一事不如少一事, 睇唔到係最好最好避責既理由, 而家老師都有好多無責任感, 為份薪水既老師大 ...

我學校老師ok wo!我老公話有兩次見呀仔比隔離同學仔攪，第二次仲推佢落地，佢同老師投訴，第二日調左嗰個小朋友到隔離枱。其實佢唔做野我都無符架，不過睇吓老師係咪將心比心。

hesperides_xu

我覺得家長過分保護小朋友未必是一件好事。小朋友小，我們作爲家長要教他們學會如何保護自己，畢竟我們不能一輩子陪在身邊。一方面可以在家裡模擬如果發生不利於自己的事情該怎麼做，讓孩子懂得避開危險，這也是種情商教育；另一方面可以和老師溝通，多說說老師的好話，讓老師感到很受尊重，自然也就對孩子多謝注意了。老公時常說兒子太軟弱，會被欺負，我告訴他與其將來大了在社會上受欺負，不如現在小受點欺負學會保護自己更好，這也是一種學習，很寶貴的學習機會。