維記定真光好呀？

chowhui97

回復 Parisienne 的帖子

敢問你的小朋友係邊間幼稚園讀??

我相信揀得維記的家長, 係有要求, 想小朋友學好 LANGUAGE, 讀得開心, 第時去考直資/私小, 唔想等大抽獎, 等運到.

我好唔滿意香港的教學制度, 好想小朋友愉快學習, 好討厭填鴨式教育, 亦唔喜歡俾小朋友學十樣八樣興趣班, 日日做N樣功課, 除咗移民, 請問有咩好方法?

我唔想COMMENT有啲學校幾個月OR一出世就接受申請, 香港要排隊的方特別多, 我知有間學畫廊要學畫畫都要排二年, 但係又好多人去排......... 平常心啦, 我唔覺得維記係"神校", 亦唔覺得某人係"fans", 而你, 又無需要為咗一個朋友而另你對維記有咩特別的睇法, 有時耳聽未為實, 眼看未為真... 你的朋友只係維記家長中的萬分之一...............

Parisienne

回復 chowhui97 的帖子

我朋友可能是冰山一角但也屬事實，我只是講出自己對一出世就要排隊的現象覺得好商業，況且我一直都話維記是好學校，唏！點知咁都得罪人，真係唔知邊個需要平常心？
都係charlotte_mom 版主醒目，早早離場作罷。
我想我也要學乖，好聽的說話先好發表，否則會變箭靶。
還是消失吧，多多得罪了！

P.S : 我小朋友也是讀私校，我也是一個想逃離香港K形現象的一個努力家長，但我無打算移民。Sorry ,要排兩年的晝班從我主觀的眼中看來是很離譜的，無論它有幾神級，不知你是否同意？(不喜勿插 !)

Charlotte_mom

Parisienne 發表於 12-7-7 18:26
回復 chowhui97 的帖子

我朋友可能是冰山一角但也屬事實，我只是講出自己對一出世就要排隊的現象覺得好商 ...

HI, 見你提我個名, 於是我又出現了
不過今次黎, 我係想講, 今次係我最後一次入幼稚園版了, 學你話齋, 我係真心分享, 可能我有唔清楚講錯既地方, 我致歉, 自問從來無去踩任何一間學校, 縱使有d我真係好睇唔過眼既, 最多我私底下pm講, 不過最近發現, 算了
我唔會放棄ek的, 不過幼稚園版..............我放棄了

大家繼續傾得開心d

Parisienne

回復 Charlotte_mom 的帖子

多謝你再次現身！

算啦，都無乜大不了，討論就是會有不同論點，有時未必百份百同意，但能夠有些少反思總好過無。如果最終得益的是小朋友，又何樂而不為？香港現象千其百怪，我話人哋主觀的同時可能自己都唔夠客觀，唯有盡量提醒自己係討論，唔係辨論。

家長嘛，我覺得幼稚園階段愛得最盲目，我經常形容自已和囡囡現在是〝熱戀期〞。
幾歲的孩子可塑性最高，家長期望也最大，為孩子選擇時都特別緊張，自然好難接受不同意見，熱戀期主觀一點也正常，所以幼稚園版最惡哽！

再睇吓小學版，孩子性格和缺點慢慢浮現，討論的問題也開始多了。從前種的因，現在有了果，明白好壞參半也是人性，家長反思得多，包容度也就更大。

到了中學嘛，回想一下自己就知道，父母除了包容還能怎樣？所以，我是好好珍惜同阿囡這段熱戀成長期的！
希望繼續會在不同版面見面啦

zzzchow

回復 Parisienne 的帖子

十分同意

lucacheung

回復 Parisienne 的帖子

我一直有follow呢個thread，睇住佢變咗質，你簡直說出我嘅心底話！