想同哥哥轉校, 請幫忙給意見.

kc1016

佢而家小二, 讀傳統學校, 成績就中上, 佢有時鍾意手多多, 鍾意D堂會好專心, 唔鍾意就有D攪攪震, 同同學相處有時就好好, 有時佢同人玩, 但係人哋又唔鍾意, 佢仲玩, 所以可能有D社交問題, 想問下甘有邊間學校可以接受衣D小朋友.

Yanamami

為此而轉校???? 還是應該教導他與人相處之道更實際?  況且情況不嚴重吧, 很多小男孩都是這樣, 我女班中也有不少.

kc1016

但D家長已經開始有微言, 話佢影響晒全班上課, 今日又話個仔唔知點, 攪到佢個女連小息都無得休息, 叫我番去話下佢喎, 如果佢聽教我就唔駛甘煩啦.

HTLT

如果小朋友係咁, 就算轉了校都會出現同樣問題, 有沒有同學校社工傾過?

pooh仔

父母角式是從旁引導而不是比錯誤信息佢哋去逃避又或任有得他們去重犯！
放且七八歲人仔在社交上未完全領悟，正所謂＂己所不慾勿施於人＂！
而家唔好好教導令佢哋明白轉校都會再有同類事情發生，這樣的話又「又轉」？

Lilo

我估仔係咁，小童群益會有個訓練課程係教小朋友要control自己，唔可以隨心所行，訓練埋佢地嘅專注力，上過ok㗎，樓主你可試下，不過要排

kc1016

我係一個全職媽媽, 日日都同佢講道理, 又用獎勵計劃, 又成日同佢睇D教小朋友道理的故書, 又找心理輔導同佢傾. 你哋明唔明, 日日都比老師和家長的指責, 真係好難受, 日日以淚洗面, 真係好大壓力. 甘

kc1016

回復 Lilo 的帖子

我都打去問過, 佢話好多都係要confirm咗係有問題的小朋友先可參加, 你講果個係咩course, 咩名呀, 等我直接問下有無衣班. Thanks.

tko-parent

應該不用轉校吧，因問題不是轉校就可改到。

試下去參加外面情緒、相處的 course 吧，平的，衛生署及一些青年中心、社區中心都有。

貴的，那些有教育心理學家坐陣的教育中心亦有。

kc1016

有介紹嗎?

Charlotte_mom

(個人意見)小朋友可以有D非典型自閉或者專注力問題, 我仔就係咁, 醫生解釋, 人要靠自己本身去社交黎學會咩應該做咩唔應該做, 如果專注力出左問題, 就唔可以從當中認真學習
至於咩叫非典型自閉....自閉就聽得多, 網上都有好多資料, 我唔講了, 而非典型就即係話, 小朋友無所有自閉元素, 不過有其中一D, 例如我仔, 佢有朋友架會一齊玩, 亦唔排斥社交, 不過骨子裡其實對社交/親情等要求唔高, 譬如小息會同個唔識既同學玩, 玩完唔會理人地叫咩名, 亦唔CARE下次會唔會再一齊, 咁當然亦唔會太CARE同學點睇佢, 所以有時唔在乎做D好討人厭既野

要搵專業判斷, 唔易的, 我俾瑪麗醫院精神科個電話你, 你打去問下新症點排期2255 3067(唔同區要去唔同醫院), 政府資源短缺, 你預而家起碼排2年........另一方面, 你可以帶小朋友去上一D EQ/社交課程(FOR ADHD/自閉小朋友或者普通小朋友, 你可以問下社工意見), 小童群益會唔錯的, 都係AROUND $120/堂, 價錢非常合理, 你去上下堂, 一黎小朋友學到野, 2黎亦可以等社會初步估下小朋友係咩問題, 同埋教你應該做咩訓練或者去咩機構跟進

轉校方面, 暫時見到家長問題多過學校問題, 你可以同班主任傾傾點幫到小朋友, 例如掉佢坐前面, 或者左右隔離安排D定D既小朋友, 分組時同學仔點MIX等等

Lilo

kc1016 發表於 12-2-24 11:46
回復 Lilo 的帖子

我都打去問過, 佢話好多都係要confirm咗係有問題的小朋友先可參加, 你講果個係咩course, ...

個course個名已經唔記得，因為都幾年前，好似係叫EQxxxx，我當時走上去centre問，佢話已做評估或學校轉介會快d，無就要排佢有位先上去比佢評估，我地有心理醫生信都等左差不多半年。你可試下打去留電話，佢地有社工會覆你，你同佢講講你仔情況，佢應該會有個初部概念知道你仔應該要上邊類課程。加油！

kc1016

我剛剛幫佢參加了青蔥計劃的課程, 4月中開始, 希望對佢有幫助. 不過另我都想有2手準備去轉校, 如不轉當然係好, 但如要轉我都要寄定D資料比學校, 因插班唔易.

甘你哋覺

kc1016

甘你哋覺邊D小學合這些小朋友呀?

miriam

轉左校又發生同樣問題你會點做??? 又轉校咩!!!!

好多問題都係由家長而起................佢地認識了解有特殊問題小朋友既情緒行為問題, 問題真係會少好多.

好記得舊年囡囡畀隔離班同學 "兜巴星", 我接囡囡時同校車既同學即時同我匯報, 到我問返係邊位同學時, 我即時嬲唔落, 因為我知佢真係唔想, 只好叫囡囡見到佢開始發脾氣時去通知輔導主任或老師, 等佢地處理, 千祈唔好再行埋去影響同學情緒, 亦都有同囡囡講呢位同學真係唔想架, 佢有少少問題係控制唔到自己, 叫囡囡唔好嬲.

事後我反而同呢位家長講唔好鬧, 我清楚係咩問題, 總之學校處理左就算.

shirleycnf

miriam 你好有愛心呀

miriam

shirleycnf 發表於 12-2-27 10:54
miriam 你好有愛心呀

我唔係有愛心, 而係 "上心".

係學校做義工時接觸唔少特殊問題小朋友, 身邊包括自己囡囡都係, 好明白有時佢地都唔想, 但自控能力無乜時, 自己囡囡就話睇住黎教, 但其他小朋友我鬧同嬲又有何用, 不如減輕對方父母壓力先係上策.

snowvw

回復 miriam 的帖子