蘇浙，白白看著好夢成空，想哭!

Jas-MaMa

其實你轉到你心宜的幼稚園你已達成夢想，如要小朋友一改再改來為你最現你的夢想(記著這可能只是你夢想) 可苦呢?而且小孩都已習慣到現在的校園生活，讀是又是同一間幼稚園何必要再轉呢? 住新界而去蘇浙返學已經不是易事，返下午還合情理，返上午班就真係太苦孩子了!一但令佢對返學產生恐懼，後果可能更嚴重!  作為家長我覺得最重要是孩子健康快樂地成長，學業是重要，但小孩身心發展也很重要。我曾經聽過一位名校的院長說: 讀下午班並不如一般家長所想的不好，反之, 她觀察到下午班的小朋友情緒較上午班的穩定，因他們有足夠時間準備上學和午膳對身心都有益等好處，我聽後也覺合理。請你再細心想想吧! 夢想,其實是誰的夢想!

monchuBB

我相信你個仔都適應左下晝班既生活模式,其實下學期都係得幾個月,不如下年先轉啦! 冇校車冇褓姆車,難道日日自己送佢返學? 大人細路都會好勊喎~

yfchoy

明白妳的煩惱，但正如之前的媽媽話，不是每個家庭的小朋友都適合返上午班。讀下午班可能真喺在於小朋友來說，小咗時間學其他嘢。但換角度來說，尤其是樓主住得咁遠，妳跟老公都要返工，就算準時放工，回到家最小都7點 (除非喺隔離返工)。小朋友要返早上8點，車程連起身食早餐，整埋都要5點多便起床。哪夜晚要幾點瞓呢？如果小朋友已習慣夜瞓會更頭痛。你哋跟本冇時間同佢接觸，便可況說親子玩樂，教功課(除非找人代替)？另外，一旦轉班，小朋友又要重新適應，如果佢現在返得很開心，轉班後可確保佢一樣咁開心？相處了一年多，小朋友可能已經有了固定朋友，到時會否困難些？老師唔同咗，會否像以前的好(假設)？

本人經驗之談，我一直都想找上午班，諗住時間會好用啲，但最後小女讀咗下午班。現在就算自己晚了放工，仍可跟到小女功課，同佢玩一陣(我十分幸運，公司離家只有10分鐘以內的步行時間。)早上又可同佢接觸吓。雖然佢好似冇時間上課外活動，但有時不能完全忽略親子時間。

開心小花

我地都係因為搬屋放棄龍校. 雖然好唔甘心, 不過唔想小朋友3歲就要搭成個鐘校車. 而且如果升到小一要6:20AM上校車. 小朋友太辛苦了. 我依家選了屋企附近的幼稚園. 仲要因為遲報名, 由AM變成PM. 不過, 為了阿囡唔好咁辛苦, 無計啦!

jvcfamily

eschung 發表於 12-2-5 23:22
真的唔明. 1)住新界, 何必讀蘇浙呢?年紀小小要每天長途跋涉, 值得嗎?  2)住得遠讀下午班, 不是時間更充裕嗎 ...

係wor,, "年紀小小要每天長途跋涉",, 大人都頂唔順啦, 係唔係應該以方便小朋友為出發點??...如果安排得好, 下午班一樣可以讀得好開心, 只是很多父母覺得時間唔好用而已...你轉班前無做過research 咩...唉, 與其辛苦小朋友, 又搞到C6唔高興, 不如維持現狀啦...你不如調節下自己心情, 唔好一定要AM, 甘會唔會結果係3win 呢.....

iamadc

唔好玩啦，我住港島都厭蘇浙遠，唔就腳，你住新界都返北區、、、
比返多點時間你小朋友啦

josechan

我當年覺得美孚去蘇浙都太遠﹐而選擇了搬﹐適應咗下午咪繼續囉﹐做乜要咁辛苦個小朋友？有冇諗過超早起身+ 每日兩次long traveling 對學習既影響？

feipo

多謝哂咁多家長意見，其實我都15，16幾晩都訓唔著，你地講得啱，其實我個心都好肉赤，好既然係咁，為了小朋友著想，就讀番pm啦!

csadmin

feipo 發表於 12-2-7 08:56
多謝哂咁多家長意見，其實我都15，16幾晩都訓唔著，你地講得啱，其實我個心都好肉赤，好既然係咁，為了小朋 ...

係囉,小朋友返左成年,唔好轉啦.

jelly-pudding

Charlotte_mom

feipo 發表於 12-2-7 08:56
多謝哂咁多家長意見，其實我都15，16幾晩都訓唔著，你地講得啱，其實我個心都好肉赤，好既然係咁，為了小朋 ...

大家都係為小朋友好姐, 你明就最好喇!

feipo

其實當初我咁堅持申請 當中也有原因, 小兒專注力較弱, 心很散, 什至有輕微讀守寫困難, 在同班小朋友當中, 他是最差的一個, 講真, 我真的很焦急, 很擔心, 轉上午班, 主要是可以下午放學後可以去參加一些訓練 (問過很多團體, 都只有下午的訓練班) , 以免他日後上小學PICK UP唔來, 很辛苦!

但考慮了大家的意見及種種因素, 都是以不變應萬變好, 終於今早打去學校想繼續留在下午班讀, 可是已經沒有位置了..... 怎麼辦??

gwlam

開個post問下有無現任k2 pm 家長下年想轉am, 揾到就同學校講，但要make sure依家pm仲有校車

feipo

算吧啦!已經跟學校說了不轉了，覺得不好意思!
阿仔方面唯有自己的起心肝train佢，希望他慢慢進步!
家長們，請問哪裡可找到專注力不足的訓練資料呢?

Charlotte_mom

feipo 發表於 12-2-7 16:53
其實當初我咁堅持申請 當中也有原因, 小兒專注力較弱, 心很散, 什至有輕微讀守寫困難, 在同班小朋友當中,  ...

想當初我睇到你個topic: 白白看著好夢成空，想哭!
我唸起我自己, 當年我真係喊左
當年, 我仔考到一間所謂名幼稚園, 當我滿心咁去舖路既時候, 政府醫生証實我仔有speech delay(正確講係mild global delay), 建議我排秉收位(即有政府訓練既非牟利幼稚園), 當然個心15,16, 心唸我只排一間, 排左至算啦(有d斬腳趾避沙虫既心態)
點知又真係排到wor! 當時個心好亂, 我當然想佢讀間出名既(第2時仲要考小學架), 又知道其實佢需要其他support, 最後我放棄左名校, 決定去秉收位, 心情真係好down
當我親手去交放棄留位信時, 見到人地d學生開開心心咁返學, 個心真係好up
再up既事仲有黎: 當日下午, 另一間名校打黎話waitlist有位, 我一口拒絕話唔需要喇將個位俾其他小朋友, 擺低個電話, 忍唔住喊到收唔到聲 (點解要咁玩我, 我要既時候就無, 我唔要得就打俾我)

我唸我明白你心情.......

最後我個仔o係果間秉收學校讀左3年, 而家讀緊一間活動教學既一條龍小學, 我k2時有問過老師, 應該轉傳統嗎? 老師話我仔唔係要"夾", 佢要包容同耐性, 我仔而家讀得都ok (偶然有d令人嘔血既事啦, 不過老師好照顧佢, 同我溝通亦好足)

我仔而家進度已經追上了, 不過有專注力失調問題(所以我話我明白你心情), 我會建議你認真唸清楚, 應該揀咩學校俾佢, 好似我仔, 唔專注既時候, 真係夠膽屎唔寫唔做, 如果老師頂唔順淨係識掟返個波俾你, 你都幾煩, 我知蘇浙係學術好強既學校, 但有其他考慮你要同時唸清楚

btw, 小童群益會既專注力訓練小組, 唔錯的

gwlam

Upset to hear that. 想請問點樣發現小朋友有speech delay? 自己observe or 老師都會留意到？如果得一個小朋友冇得compare未必知佢有speech delay bor...