如你知道有人"叩後門", 你會點?

Rattie

阿女仲晌我個肚裡面已經有親戚話幫佢報讀某名小學，我當時欣然接受。人算不如天算，阿女 k3 時名小學校長夠鐘退休，後門無得叩，我於是努力叩前門，叩入一間我覺得唔錯嘅次選。
名小學因為校長退休入讀無門，反而叩入嗰間嘅校長係收完我女之後就退休，很有趣嘅安排。
大約一年後，親戚舊事重提，話可以揾修女入小二。我做哂阿女嘅 cv，最後都冇行動。理由係阿女嗰時嘅成績只屬中上，名小學晌九龍我住香港，路途遙遠我有猶疑。
低小叩後門係可以唔需要睇成績，但以佢當時嘅成績要叩前門入自己間小學都相信冇機會。一動不如一靜。
我唔知道當初嘅決定是否正確，轉校後是福是禍。
阿女現在讀中二，安慰係成績可以接受，係佢能力範圍之內。