求救!!我家既小朋友成日哭訴有同學仔"蝦"佢同打佢

ngkongduck

求救!!

我家既小朋友成日哭訴有同學仔"蝦"佢同打佢...( 其實由幼稚班至高班都是投訴同一個同學仔)….. 剛好學校家長日, 已經同班主任傾過,希望校方可以多加留意, 但吾夠一星期我既小朋友又比嗰個同學仔推倒, 撞傷了眼角+嘴角…. 當時我第一時間打電話去學校了解情況, 班主任當然話小朋友係無心只係吾小心(但畢竟已不是第一次了) ….
我們不是追究責任, 只是想校方可以多加留意…. 但學校竟然沒有回覆…請問各父母, 我可以點做呢？

mandy108

小學同中學都有警察公共關系科跟進架，我唔知幼稚園有無
會唔會直接同對方家長投訴好d？

carrieyip_mama

個老師似乎想息事寧人，見你冇再投訴就算！我諗你不如要求老師安排你嘅小朋友坐得遠離那小朋友，和分組時不可將佢地放埋一齊。最了盡量隔離，你唯有教你小朋友好好保護自己不要走近那小朋友，同埋如果再有踫撞一定要大叫老師救助！

CatEgg

第一個感覺係...個小朋友係咪學校職員/老師/熟人的仔女?
如果成日都有肢體損傷,學校唔應該話係小朋友唔小心,第一次唔小心要教,第二次唔小心再教,教到K3都係唔小心??????
同埋,都要教小朋友保護自己,升小學了,都要學下自己保護自己。

ngkongduck

各位:
最激氣係老師回應...
老師話佢地已經分咗吾同組,搭校車是同一條線,同一校車...佢地都睇吾倒咁多, 我回應老師話:我已經叫咗我既小朋友盡量離佢遠D,吾好同佢玩...校車姨姨我都已經通知了....而且校車姨姨都見倒嗰個小朋友成日蝦其他小朋友,所以ｅ個頑皮小朋友坐校車係坐喺校車姨姨既隔離.....唉,但係真係好吾明.....咁吾負責既老師,點可以做老師....

Aamf

如果班主任handle 唔到不如同主任倾

LL222

轉班得唔得呀？

karen55407

叫你個小朋友同佢講清楚，話唔鍾意佢咁樣對自己，如果再係咁，會將事件告知老師和對方家長，亦不會再做朋友。咁樣做，是能教懂小朋友表達自己意願，亦話比對方聽『我不是好蝦的！』況且，小朋友未必知道自己是蝦緊人。另一方面，叫自己小朋友原諒他。我甚至會叫我的子女為他們祈禱，以愛去化解仇怨。

karen55407

回復 LL222 的帖子

我個人覺得唔應該班，這樣是消極方法，該教他勇敢面對，克服困難，如果咗班之後，睇怕以後佢唔敢再投訴，影響深遠。

ngkongduck

多謝各位既advise!!

由於學校假期,我會再同主任傾下,其實我已經將佢Ｄ損傷影咗相...若果校方不理,再有同樣既事情發生,我不再啞忍！因為小朋友話我知,老師係見到佢被那位頑皮小朋友推倒,跌傷的.... 但老師竟然話佢吾小心比同學推倒,撞傷!!

joeytwm

唔係呀, 有無攪錯呀, 咩老師, 咩學校黎架!!!!

babyislove

ngkongduck 發表於 12-1-26 16:19
多謝各位既advise!!

由於學校假期,我會再同主任傾下,其實我已經將佢Ｄ損傷影咗相...若果校方不理,再有同樣 ...

希望你小朋友快D好番。

做媽媽的一定好肉赤同埋擔心。

希望你同o左主任講之後，情況有改善。

p.s. 班主任未必想息事寧人，可能對方家長係惡人

MLKC

已經咁多年, 校方都包庇
你有相, 應打俾該區警處處理, 而不是公共關係科
這樣校方及對方家長才會認真處理

這是必要解決的問題, 否則你的小孩對小學有心理恐懼, 影响是遠發展
不能再容忍

小琥ma

好心痛!!
希望你小朋友快D好番。

可否透露一下, KG既位置係邊區?

ngkongduck

多謝各位!!

見到小朋友傷成咁,做父母一定係好心痛,我只希望不會再發生同樣既事情才是正面既做法....多謝各位關心,我會再揾校方表達....


小琥ma :
我亞仔喺西環讀書,學校喺Kings對面...禮x會幼稚園....

chubbychu

校巴問題不大, 因為巳有EE望實個壞小朋友.  反而係上堂先係大問題, 一班咁多小朋友, 老師真係未必睇得實咁多個.  

俾我會覺得最好係轉班, 減少再受傷的機會, 因為唔希望見到更嚴重的意外嘛.

silee

有冇搞錯？！既然個班主任吾處理，就直接剷入校長房講啦！