由誰決定選校?

Hanayori

女兒今年升中, 小學已有中學接龍, 直升應該無問題, 但因為傳統中學, 怕佢未必接受到催谷文化, 女兒對此亦有點恐懼; 所以兩手準備, 揾多一,兩間近程度的中學選擇. 今日聽第一間簡介會, 基本上我ok可以一試, 但呀女唔喜歡, 勸佢先交表interview, 人家收咗先再決定, 佢都唔肯, 佢提供3個理由, 對我看來都係小事.

當家長心儀學校跟子女意見不合之時, 究竟怎樣取捨? 真係由佢決定嗎? 好矛盾.

Yanamami

3個理由是甚么理由呢?  有時對大人是小事, 對小朋友來說是很重要的.  相信主要不想與同學分開.  書是他們讀, 當然要他們自己喜歡那所學校才可, 但有時大人可能看整件事透切點, 當你覺得你的選擇和他的很有出入且明顯优勝, 便要嘗試化身top sales (別hard sell), 希望他接受吧.

[ 本帖最後由 Yanamami 於 11-11-13 09:35 編輯 ]

kls12

原帖由 Hanayori 於 11-11-13 00:15 發表
女兒今年升中, 小學已有中學接龍, 直升應該無問題, 但因為傳統中學, 怕佢未必接受到催谷文化, 女兒對此亦有點恐懼; 所以兩手準備, 揾多一,兩間近程度的中學選擇. 今日聽第一間簡介會, 基本上我ok可以一試, 但呀女唔 ...

津校的接龍位並不容許另選其他的學校，您女兒不是讀津校？

cameo

我女當時都有直屬學校一定收,但我放棄直屬位,佢個心都會唔捨得,,,(直屬中學作風唔太適合)
我同意...書係佢讀,加上呢個年紀踏入青少年階段會較同父母多意見,,,所以一定唔可以一意孤行,必定同佢傾好,只係呢個年紀好硬頸,難以說服>.<
我自己會覺得,俾佢有份參與意見,即佢自己有一定責任了,唔係買條手巾仔鍾意咩色就買,所以先俾左教局派隻VCD佢睇,只少佢有責任先了解咩係"升中" !!
到佢明白左個遊戲,教佢分析,,,,
e.g佢問我點解人地去面試時,父母教仔女點答,我唔教佢....開始發現佢有興趣去理解升中係咩一回事^^
我估我個女當時理解未必有5成,但似乎一連串機會去俾佢去了解"何為升中"時,佢會開始學識接受父母意見,無咁主觀~~
樓主不妨試試,,,,

Hanayori

原帖由 Yanamami 於 11-11-13 09:29 發表
3個理由是甚么理由呢?  

(1) 該中學是宗教辦學團體, 呀女無宗教信仰, 但因為以前的經驗, 佢唔想再被迫每日數次祈禱; (2) 無學社. 佢見過直屬中學有學社, 互動氣氛好好 (3) 佢話雜費貴.

我知第2, 3係藉口, 主要係第1.  我解釋過宗教對學習過程只佔好少部份, 但佢唔buy.

Hanayori

原帖由 kls12 於 11-11-13 11:02 發表


津校的接龍位並不容許另選其他的學校，您女兒不是讀津校？

對. 現在是直資小學.

Hanayori

如果真係唔捨得同學而選直屬中學, 我就無咁煩惱; 佢只係怕直屬中學傳統教學的催谷文化, 講白一點就係怕辛苦

硬用強權代佢選校, 最后讀得唔開心, 只會破壞關係, 呢樣係我最唔敢博.

Yanamami

那一所直資小學的直屬中學是很谷的呢?

KWT

原帖由 Hanayori 於 11-11-13 17:08 發表


(1) 該中學是宗教辦學團體, 呀女無宗教信仰, 但因為以前的經驗, 佢唔想再被迫每日數次祈禱; (2) 無學社. 佢見過直屬中學有學社, 互動氣氛好好 (3) 佢話雜費貴.

我知第2, 3係藉口, 主要係第1.  我解釋過宗教對學 ...

(1)可能要考慮.以我仔仔經驗(讀宗教學校),祈禱還可以,但要一起研習覺得很辛苦,終於上了幾次(課餘被迫的),佢夠膽同老師講暫時未接受到宗教信仰,不想上堂.此舉有什麼影響未知,但佢真是不再上堂.記得有次他還說,若根據拿亞方舟選取一對動物上船,豈不是全世界生物都是亂倫的......等等問題.

宗教問題都要考慮.

ANChan59

Sometimes, boys and girls complained about the homework or the school ......... they just want us to show sympathy on their efforts and difficulties they faced..... not necessary want a change.

You can ask her the following questions:
1. You prefer the current school or other schools?
2. You know the workload of the current school, do you want a change?

If answers are (1) current school; (2) No. So, no change......

One-Mama

之前我都有類似問題, 當父母與子女對升中抱不同期望.焦點及睇法, 建議可以
1) 嘗試把大家的想法逐一說出, 心平氣和地相討
2) 最理想可以由一些子女信任的人(如老師.長輩.親朋好友等)共同討論, 參取多些不同見解和親身經歷
3) 提供多些學校資料共同比較等等...

孩子已經有一定之了解便會自己從多角度思考及跟別人討論, 學習分析和訂立自己的目標方向, 將來的路如何都學會面對及承擔, 何不是一個好好的人生課程, 父母同仔女都學習和成長!
經歷升中後, 幾個月之間, 我既孩子思想成熟不少, 我最感欣慰是佢很認同當日父母為佢一同面對升中問題.如今每天能開開心心的上學!
希望大家努力共同面對人生寶貴的一課!

Hanayori

多謝各位意見.

女兒態度開始軟化, 唔抗拒討論了, 我表明立場唔係要跟我意旨, 只係希望客觀思考下作出決定, 不要將來后悔.  始終讀6年書係佢唔係我. 我只能尊重.

dickychui

讀書既是你個女, 你可以有時間儘量說服她, 你唔好強行, 比佢入左唔開心, 六年中學生活, 重有佢開始越來越有主見, 唔好比佢錯怪你一世.

Umi

其實你只可以理性分析完比佢之後, 比D空間佢自己make decision la, 因為我見過有D人聽父母遊說完之後違反自己心底裡的意願, 所以咪边讀边怨囉! 咁就費時啦.  始終讀既係佢, 唔係我地父母.

我覺得只要比足夠既資料比佢地唸清楚學校既教學模式. 如果佢唔係揀間差既, 比佢決定都唔係壞事. 你e+係煩近食西瓜定哈密瓜姐...又唔係叫你食桔. 可能你覺得傳統教學唔岩佢. 可能你個女覺得自己受到咪得囉

ALAL

我小三就開始和仔洗腦,所以小六時意見一致

原帖由 Umi 於 11-11-15 23:35 發表
其實你只可以理性分析完比佢之後, 比D空間佢自己make decision la, 因為我見過有D人聽父母遊說完之後違反自己心底裡的意願, 所以咪边讀边怨囉! 咁就費時啦.  始終讀既係佢, 唔係我地父母.

我覺得只要比足夠既資料比 ...