要一間愉快學習有愛心的學校，播道俾到你。播道的校長和老師出名有愛心，善待閣下子女，這不容懷疑。想學習沒有壓力播道亦做得到。但這是否適合所有小朋友呢？答案一定是否定的。因為無可能一間學校能適合所有人。
站在小朋友的角度看，緊係好啦，無人俾壓力我，又有人錫，唔會俾人鬧。唔交功課又得，唔合格好似有無什麼大不了。每天開開心心地上學。但這會較適合自律的小朋友，或是有強烈鬥心的學生。否則，家長要付很大很大的努力去促使子女去學習。 人總有惰性，沒有合理的壓力而使一個小學生能明白讀書是自己的責任，要自律努力讀書你真係講到口水乾佢都係唔係好明。再加上見到其他同學搗蛋，唔交功課好似都ＯＫ喎，咁點解我要每天交齊功課。今天唔記得交咁明天交囉，再唔係下個星期交都好似得喎。個仔咁同你講你又要花一大氣力同佢講一大輸道理，到最後佢都交齊功課。但佢心裡仲係好唔明媽媽為什麼咁緊張。 如果子女跟得上還好，如果跟不上就很麻煩。
播道的功課都不易做，家長一定要從旁指導。 播道的英文是可以的，但不是想像中英文小學的好。而普通話就唔係好得，如果想小朋友有好的普通話水平播道俾唔到你。你要出面搵普通話老師。
課外活動學校不太重視，如果孩子在體育或其他方面有過人之處多數都係要出面自找地方學習。或者說在校中能給子女發輝的機會唔多。
最後我諗播道較適合自律自發的小孩，而學習能力亦中上的學生。
又或者對小朋友的學習沒有特別期望，只想可以快快樂樂地過十二年校園生活。成續不計較的話播道更是一流。
以上只是小小意見，最清楚閣下子女的人是你，閣下想想是否適合。
| 
發表於 11-11-1 11:19
