犠牲的定義

conconma

犠牲的定義, 不同的人有不同的看法, "犠牲"是比"付出"再高一個層次, 故此, 不要貿然用上這個詞語...在信徒眼中, 上帝犠牲耶穌的生命來拯救世人; 在凡人中, 有消防員奮不顧身, 甚至犠牲生命去救一個素未謀面的傷者...但共通點係, 他們都冇想過有回報...因最近有一個媽媽, 她患上了抑鬱病, 她經常哭訴, 自己犠牲了很多時間, 精神, 甚至辭去工作去教自閉症的小朋友, 可是他的進步仍然很少...

所以, 她對比自己犠牲的, 跟回報不成正比, 她就開始埋怨不公平(為什麼那個媽咪沒有辭工, 沒有陪小朋友做訓練, 他小朋友進步這麼大)...當然我也認識許多媽媽, 辭去高薪厚職, 去照顧小朋友(亦包括我在內)...但她們是快樂的, 因為她們真的無私的"付出", 而冇計較結果會如何...當然我亦明白這媽媽的心情, 但沒有人說過, 你付出越多, 收穫就會越多...難道上帝會認為犠牲耶穌后, ⋯⋯全人類就必然會歸信?

經濟學, opportunity cost(機會成本)的定義係指你因為選擇某一樣事物／行動，而
放棄其次合意的事物／行動所可能獲利的機會。但是, 付出精神與時間比自己小朋友, 又何來計算?

況且, 凡事多角度去睇; 每人一天有24小時, 為什麼你覺得自己的24小時比你自閉症兒子的24小時重要呢? 因為我們套用了$=時間, 但你有否考慮你的母愛, 親子的愉快時光, 教導, 個人的經驗=小朋友每天一少少進步...

所以, 嘗試在付出及犠牲時, 不去想回報, 因為這不是投資項目(即使係, 我們的項目必然不是增長速度快的(或許是隻不錯的藍籌); 小朋友有進步是bonus, 冇進步或進步慢也不是某何人的錯, 或許有一天時機會成熟, 我們就去收成...就耐心去期待

kelvin_hmlau

雖然你講的很合道理, 但只管付出, 不問收穫又有佢做到!?

根據我參加過多次A仔家長聚會得知, d c9 確係教A仔教得好沮喪, 樣子好殘, 白頭髮多了很多, 夜晚瞓唔着, 坐係度哭, 投訴c6 幫唔到手, 好耐無去short trip...

再加上d 專家冠上甚麼黃金期(3,5,6,7,9,13歲我都聽過), 主流融合小學課程又深, 壓力真係幾大...

Capricorn2521

conconma，你講得好好呀。我就係一個膽小的例子。我做不到這樣偉大。當年我衡量過，我接受不到失去工作及收入後，(時間多了，可帶小朋友上不同訓練)，又有這樣巨大額外的開支。萬一小朋友在主流k1有投訴，跟不上，我知道我會時常不開心。(因為當時自費治療師及導師建議既然有主流幼稚園接受我繼續讀k1，叫我排e位，辭工自己湊)，但是我不甘心多年的事業就此完結，我是自私，但我認為這是對我同小朋友身心都有保障。小朋友在s位可以受到全面的訓練，1-2年後可以回歸主流。當然，除上班外，認酬近乎0，其他時間一定是比小朋友的。有時老公都會呷醋呢！

好多事情，要trade off，針無兩頭利。雖然對小朋友的期望不要有投資的心態，但做決定時就要有投資的想法，要評估一下自己能接受的風險及後果。有了心理準備，減低失敗時所承受的挫折。

[ 本帖最後由 Capricorn2521 於 11-10-27 11:29 編輯 ]

conconma

我0地都係普通人, 唔係聖人...你以上講的, 我和許多媽咪都正面對, 壓力的確令我0地透不過氣...(不要唸, 你講就緊係容易, 做就好難...的確真係好難0架...)

http://blog.yahoo.com/_QHS5BHPEDXIFAEAJTUKVETEJVQ/articles/93125/uncategorized

我的意思係, "盡量"唔好唸咁多, 因為唸係冇補於事, 有一位媽咪就因為越唸越唔開心, 最終自殺死了...

所以先去想, 為仔仔做的, 不是"犠牲", 而這種"付出"是值得, 因為會見到仔仔慢慢, 一少少進步...那麼自己都會開心一點...

都係0個句:[笑亦要做人, 喊亦要做人]

[ 本帖最後由 conconma 於 11-10-27 11:43 編輯 ]

conconma

我不是叫所有媽咪放棄份工, 當然我0地要量力而為...自閉兒開支是很大, 如果貿然quit 0左, 家庭負擔多了, 未必一定係好事...

只不過, 我想講, 如果巳決定及衡量過唔做0野, 全職去教小朋友, 就必須先調整自己心情及轄出去的心態...不然就好似我所講的媽咪, 每天都覺得自己在"犠牲", 但"犠牲"過后, 回報卻很少, 於是抑鬱鬱不歡, 每天以淚洗面...

都係0個句冇人話, 付出越多, 收穫越多...自閉兒兒每個能力都不同, 他們的進步是需要時間...我只知道, 不付出=冇收穫

[ 本帖最後由 conconma 於 11-10-27 11:44 編輯 ]

Capricorn2521

自殺 ????

原帖由 conconma 於 11-10-27 11:22 發表
我0地都係普通人, 唔係聖人...你以上講的, 我和許多媽咪都正面對, 壓力的確令我0地透不過氣...

我的意思係, "盡量"唔好唸咁多, 因為唸係冇補於事, 有一位媽咪就因為越唸越唔開心, 最終自殺死了...

所以先去想, 為 ...

kelvin_hmlau

你可能唔知, 有d 仔真係好難教, 根本係唔知周圍發生乜事.

你和我兒子有機會去挑戰主流, 已經要感恩了...

conconma

係呀...唉...我聽完之後都忍唔住喊0左出來, 太突然...我又替這爸爸難過, 但唔知點安慰佢...

如果此媽媽早一點呢度, 大家呻下, 傾下, 或許事情未必發展到自殺的地步...現在爸爸要獨力照顧兩個兒子, 他的壓力很大哩...

所以走出來講下, 唔係要話比大家聽我偉大, 我只是一粒塵土, 很渺小...只是想勉勵一下所有父母, 千祈不要唸得太灰...老土講: 窮途未必係末路...死亦解決不了問題...

[ 本帖最後由 conconma 於 11-10-27 12:20 編輯 ]

conconma

生活係難捱,但不要唸得太灰, 鑽了牛角尖就不好...我一灰心, 就記住阿信...

細個時睇過,[阿信的故事], 其實我很喜歡那主題曲...[誰會珍惜 當你還擁有, 將要逝去總想挽留, 想挽留 想挽留 看似荒謬
求今天所得永遠守...命運是對手, 永不低頭, 從來沒抱怨半句, 不去問理由, 仍踏著前路走 青春走到白頭, 成功只有靠堅守信心奮鬥」

conconma

我個仔中度自閉, 有智力問題, 還有ADHD傾向, 唉...我又點會唔知有幾難搞呢...

都話, 你0地面對的, 我每天都面對緊...唔開心係有, 我不是笑匠, 不會經常笑口常開...不過, 經常懷住負能量去生活, 好辛苦哩...自己灰, 亦冇動力去幫小朋友...所以, 喊口號, [振作, 加油!!你可以做到的! 正能量又番來]

kelvin_hmlau

你係未肯定兒子係中度, 我有理由相信有d 仔只是睡著了似的...用傳統的測試工具上好明顯係會攞低分

conconma

瞓0左又好, 醒0左又好, 佢要讀特殊學校係改變不了的事實...但我不會因此而灰心, 或許有天他會"醒覺", 現在或許留前鬥後...

conconma

KEVIN真係好鬼鍾意你講0野, 夠坦白...好喇, 各位 我要陪太子讀書, 加油!

Capricorn2521

唉... 我係亞仔學校見咁多case，點會吾知d仔難教呀，不過見d家長都好積極，好有耐心，沒想到有人因此而自殺呢！

原帖由 kelvin_hmlau 於 11-10-27 11:44 發表
你可能唔知, 有d 仔真係好難教, 根本係唔知周圍發生乜事.

你和我兒子有機會去挑戰主流, 已經要感恩了...

conconma

同這個爸爸傾開, 才知道太太患了抑鬱症...

anan3388

抑鬱症的成因是一種無價值感，若本身的價值建築於工作，轉而建築在個仔，加上身邊無咩支援，好易患上抑鬱症，表面亦未必看得出。總之覺得唔妥，要快些求助，藥物加心理治療，找出成因(其實未必直接因為個仔既，不過呢個都係好大既壓力，容易成為爆發點)，加上家人支持，都有好多例子係好快康復。有機會就放鬆下，找返自己，唔好只係對仔，兩公婆都要抽離下，有返自己，有返兩個人既空間，最終對仔都係好。每個小孩都希望daddy mami 開心，我地既孩子就算唔識講，心底裡都係咁諗。有感而發，希望大家都健健康康，開開心心！

anan3388

kelvin,好同意！本來我都唔信，依家越來越信！：)

cksy_bb

原帖由 conconma 於 11-10-27 12:23 發表
瞓0左又好, 醒0左又好, 佢要讀特殊學校係改變不了的事實...但我不會因此而灰心, 或許有天他會"醒覺", 現在或許留前鬥後...

我都預仔仔有機會入特殊,但又有機會轉番出來,未追倒咩,咪讀多幾年,路是難,還是有得行,或許我是天真,但無人可肯定我孩子沒有"屬於他的空間"最緊要教倒細路要開心,健康,(幾個月前我還是灰暗暗的,但因另一COLUM看見一個有CP孩子爸爸道出自己經歷後(對不起,我感覺有多少冒犯了當時人),原來活著有希望),WHO KNOWS,我對孩子說,就算出到來社會,遇到衰人,笑你,侮辱你,你都要健康開心,因為他們在你世界可能是透明的,(我仔聽到摸哂頭)因為他們不能代你選擇你行什麼的路,你自己卻有能力,換言之,笑你什麼根本不重要,對媽媽來說,你活得勇敢,健康,快樂,已是成功人仕
(((亞Q的我)))

autunmbb

原帖由 Capricorn2521 於 11-10-27 15:04 發表
唉... 我係亞仔學校見咁多case，點會吾知d仔難教呀，不過見d家長都好積極，好有耐心，沒想到有人因此而自殺呢！

個媽咪自殺係因為有抑鬱症，佢唔係因為個仔難教而自殺，係因為佢有病，我有朋友都係有抑鬱症，自殺左幾次，唉～～ 佢地都係身不由己，而且你睇表面係好難知佢有問題，所以呢，如果大家有乜唔開心就過來吹下水，同身邊的人傾訴下，唔好屈住屈住～～

fatpam

在選擇不同訓練上成日同老公有分歧，但唔試又唔知有無效用，有時我都覺得自己大脾氣左，我地以前好少argue，有時人地介紹好的治療師比我佢都唔想試，我會覺得唔開心。

我想教a仔有時真係會搞到兩公婆有精神同感情問題。