大家講吓今年(１st) interview 情況

LVictoria

• 今 日10月9日(星期六)interview真係好多人呀!!!

• 我哋in 3:15pm, 叫家長2:45pm報到...
  我哋2:25pm到,已經好多人响斜路等梗啦!!

• 到2:45pm準時開閘比我哋行上去 (所以其實唔駛咁早排定隊!!準時到就啱啱好,又唔駛曬咁耐,同比蚊咬)

• 到我哋in完4:30pm走果陣, 見到仲有最後一批人入去排隊登記 真係好利害!!

• 其實話就話穿輕便服去面試就可以....
  但我覺要得尊重個場合都係著返西褲恤衫好d囉!

• 如果大家都1st in哂先討論內容啦~!唔知下星期會唔會仲有其他人(1st)interview呢??

• 唔知通常等幾耐先會通知2nd interview呢?係咪有冇得in都會書面通知架?

• 今日見到劉坤銘同羅霖帶阿仔面試後好開心咁離開學校

[ 本帖最後由 LVictoria 於 11-10-9 04:02 編輯 ]

LVictoria

我個仔話上到一個課室, 2個老師(其中一個係阿sir)
大約16個小朋友坐一張大枱上 畫圖畫 , 首先要用原子筆畫outline,然後先可以用木顏色筆。仲有要在畫紙上寫自己中、英文名。其間老師會周圍行來行去睇佢哋畫咩, 阿sir有問我仔畫咩，同叫佢解釋吓幅畫內容。〔佢話畫咗個火山爆發，直昇機用水淋熄ｄ火，但太熱D水蒸發哂。〕

之後响同一個室，但另一邊玩lego, 1個阿sir同埋1個呢度的學生哥哥睇住。 我仔話玩玩下,提議同隔離位小朋友一齊合併砌一架海盜船,果小朋友好開心話好呀,就一齊玩，然後阿sir問佢哋砌咩.....


之後經過廁所到另一個室，佢話有(1個老師同埋校長...唔知係咪真係校長) 3個小朋友一組、分別坐唔同的枱，我仔坐左邊第一個位，枱上有d咭(原來係uno) 佢話有6,9....跟住唔知佢玩咩啦? 仲有一個遊戲,
枱面上有d圖卡, e.g香蕉, 梨、西瓜、橙 , 同埋d英文字母咭eg: M、A、G、H....... 我估係配對掛???
另外有問問題：問佢叫咩名、同埋 application from number (都唔知係咪真架??)


最後又返去玩一陣LEGO,同埋睇一陣THOMAS就走.
睇DVD其間有個小朋友聊我個仔講野，果個小朋友即刻比個哥哥鬧

-------------------------------------------------

我哋家長响斜路等開閘接仔，好多野咬呀。校工叔叔好準時開閘比我哋入去, 其實接仔唔駛一早响度等,準時返上去就得啦!反正學校會安排家長企哂响籃球場等老師、工友帶小朋友落嚟，一個一個叫number 家長舉手行到中間接仔走, 其間(我看職員牌寫住的)MR. LIU 話唔可以向正在等候的小朋友揮手,怕以為你係接仔.

走果陣我聽到有好幾個小朋友話好悶但我個仔話好開心WOR,因為有lego好好玩同有DVD睇
----------------------------------------------------

面試安排方面:
其實我覺得學校已經做得好好,準時開閘比家長上去。
至於有家長話排好長隊好曬.....其實間學校响半山上面,一個都算好近大自然環境的學校,附近冇石屎建築物比你遮蔭好正常呀!!同埋張form已經叫咗你呢個時間去架啦,亦有媽咪响度提醒過準時到便可....所以大家都唔駛因為排好耐而勞氣 !有時唔咪學校造成的,係(部分)家長過份緊張而造成的!!

另外,小朋友唔比去廁所問題,如果大家站响學校方面諗就唔會咁嬲架啦!! 學校一早叫你哋自己去咗廁所先去interviwe架啦!   每場面試都有咁多小朋友的話,去廁所(可能)會令考試時間推遲,變相下一場面試要遲開閘或者唔夠時間比老師考核小朋友lor,咁下場家長咪仲嬲?! 再者,咁多小朋友去廁所,衛生問題都好重要....如果好多小朋友唔沖廁,搞到臭氣沖天的話,家長又會話[ 嘩.......]。 另外,小朋友洗手一定會弄濕地面,咁多小朋友咪會勁濕,,地面滑萬一發生意外點算?? 仲有,d工友已經安排哂接待家長、小朋友的工作,如果再放多幾個人手响廁所清潔或看秩序的話,實在唔太合理lor!

所以大家...平常心啦!
























[ 本帖最後由 LVictoria 於 11-10-10 17:13 編輯 ]

Queenielam88

你個囝囝都好叻呀, 可以講到咁多野出來!係呢我想請問下你個囝囝有冇默書呢一part呀, 我個小朋友話佢要默一句中文句子喎, 都唔知係唔係呀?

LVictoria

聽其他媽咪講,係有部份小朋友有默句是: [我是一個xxxx ], 不過我個仔話佢冇默句子呢一part wor

其實第3part 見果個真係校長,我再問佢時佢形容咗一次比我聽,可以肯定係。
不過果part 我仔講到一舊舊都唔知考咩? 仲有問四季係邊4季.....

gizmoko

I think the arrangement is not so good. The school can let the parents to stay in the court of the school instead of queuing along of the slopes. And I don' t think that it' s  a good arrangement when they announce one by one the number of the kid after the interview, because each session there are around 150  boys I think, and the numbers were not sucessive...
They had better to release the children by group of 10 and name the group by an alphabet and ask the parents to queue according to the group.

My son does not tell me so many details.

Now I 'm wondering when the 2nd interview will be held.

LVictoria

學校考慮的問題:

- 如果比家長响court度等, 一嚟會好曬辛苦了家長
- 學校都想比個安靜的環境比學生面試
- 家長在校等,難免要去廁所....衛生問題
- 試想吓男生係比較活潑多野講,一定會好嘈,為咗秩序和安靜問題,少不免會話一兩句甚至鬧吓(鬧=大聲d叫小朋友安靜....等等), 咁如果有咁多家長响度的話好難控制呢d場面wor!?
- 到最後睇dvd,一定係成大班人睇,坐的位置唔一定跟返groupA,B,C...咁坐!!所以放仔果陣唔跟GROUP叫No. 好正常!如果再幫佢哋分返group的話又會浪費時間。
- 如果安排坐椅比家長坐,到最收後拾會好辛苦,場地可能會有垃圾,唔通每場打掃一次?都唔夠時間啦,已經又有第二批人要嚟interview啦?如果有人手去清潔場地,不如用這些人手來接待小朋友安全仲好啦!

我哋家長係成年人,行上行落都ok啦,一次半次 d工友同老師都好辛苦,睇諒吓佢哋啦

- 2nd面試大約在11月15~30日, 不過幾時會寄信通知就唔知啦! 我都好心急呀~~~

[ 本帖最後由 LVictoria 於 11-10-10 18:23 編輯 ]

Queenielam88

吓!乜真係有呀!佢話要默一句"我有一個快樂的家庭",真係俾佢激死佢唔識寫"快樂家庭", 我地就諗住算把喇, 點知我地响佢本工課簿度發現佢下一課就會剛剛教寫呢一句呀.....真激死....係呢都唔知佢學校點樣分組, 要默書真係嚇壞人喇!

LVictoria

我問咗個仔幾次都冇話有默書wor!!!

我估學校面試咁多年,都會分返相同學校讀嘅小朋友同一組或同一批來面試, 學校都知d幼稚園大概咩程度,會相應比返d同程度的問題考佢哋!

好似國際幼稚園的小朋友咁,學校會考吓佢哋英文字同圖片配對,講吓自己英文名,寫英文句子咁。

讀開九龍塘幼稚園果d小朋友平時都操練開寫字,所以面試果陣要默句子唔出奇。

至於我個仔係讀屋村果d開心幼稚園,冇寫字操練, 我仔面試時就冇默句子呢一part啦!

所以我估因為以上原因先有唔同的面試情況出現!

[ 本帖最後由 LVictoria 於 11-10-10 23:18 編輯 ]

Queenielam88

你好勁呀, 佢真係讀St. Cat, 而家响到等信真係好心急呀!

LVictoria

   其實大家都好心急，包括我在內 聽有位媽咪講１１月頭就會有信通知...但呢段時間簡直折磨呀

Derek_Mum

應該係先有電話，再收信。
如果妳電話來電係31594200。
咁恭喜妳喇，2nd in見。
祝好運

LVictoria

原來有電話通知
多謝你嘅提醒呀~~

LVictoria

有冇人可以話我知 係咪個個小朋友都要interview 3次? 定係大部份2次已經得啦?
many thx~!

Derek_Mum

點解要in3次?2nd in 後已經有結果，冇記錯好似聖誕前有信accept or reject/waiting.

stliu

如果係waiting, 係有可能見多過兩次的.

LVictoria

  唔該哂大家的回答 我就係見有D人話要IN 3次所以有D出奇lor.....原來佢哋本身係waiting
明白哂了~~~thx~~~~

[ 本帖最後由 LVictoria 於 11-10-15 05:55 編輯 ]

LVictoria

唔好意思呀~其實我都係估架咋!
見咁多家長同小朋友講嘅都唔同。
不過我都認同 每組的題目可能會唔同, 但類別應該差唔多

原帖由 cat_tam 於 11-10-14 14:36 發表
面試內容是否有這樣明顯的分別呢?  我明白每組的題目可能會唔同, 但類別應該差唔多呢!  

DonaldTsang

原帖由 LVictoria 於 11-10-09 發表
我個仔話上到一個課室, 2個老師(其中一個係阿sir)
大約16個小朋友坐一張大枱上 畫圖畫 , 首先要用原子筆畫o ...

我想請教下係第二個Post我看到面試語言是可以選的，但在見校長前是畫畫和玩遊戲，請問在這遊戲環節已經是用你所選的語言來進行嗎？請問到見校長時是一個小朋友還是一組人的？謝謝