聖羅撒vs聖家

cameo

所以勝算,其實係入到一間適合自己o既學校,雖然我女性格唔合SRL,但事實入面亦有學生讀得好順,所有家長的意見都會係主觀(無必要客觀吧),所以入邊間都唔好單視乎機會率,將心儀學校放喺首位,入唔到入到都甘心啦^^(除非兩間同時一樣咁鍾意又另計啦)

cameo

原帖由 overview 於 11-8-24 00:52 發表
但我朋友話聖家(九龍塘)好似女子監獄咁嚴! SO間間學校都會有好有唔好.

所以咪話每人都提供"主觀意見"下,閣下就要自行分析!!
我女女本身唔合SRL,所以最終無選直屬中學,而我都有聽聞聖家喺升中手法同SRL差不多(自行時交2份表格俾中學部),感覺上亦唔係自己杯茶,最終我轉左校網,無喺九龍城網選中學!
當然校內師資呢點可以有途徑去check到,但個別老師問題,個別學生問題點去處理,2校有咩分別,真係要深入多了解先清楚!
唔好單睇一間係衰,另一間係好,,,我身邊讀SRL的,佢地唔係對學校100%表示滿意,但大前題始終係小朋友讀書,佢個女啱讀,讀左6年喺SRL好順,所以好自然喺校內的小問題唔放上心,,,,
我覺得一間學校作風合唔合自己係好重要啊~~

cameo

原帖由 overview 於 11-8-25 01:23 發表
又或者可能你識得名校唔多, 有好多都唔係咁對自己學生. 會盡量幫學生爭取上其附屬中學, 亦 唔會好似聖家咁一科唔合格要人留班,( 仲係第一次失手), 學生改什麼英文名都要批評.
人地家長都係將事實講出來, 咁都叫冇修 ...

唔緊要啦,平心而論,我女只係讀左6年SRL,都無讀過名校,所以我都唔識名校,上嚟只係抱住分享心態,輕鬆閒聊,無諗住要表現得幾有修養,幾咁高貴(又可能根本扮都扮唔到,,hahaha~)
其實去到邊間學校都有不同類型家長及學生,我都會在意小女身邊同學,但只於SRL家長,係咩一回事又無資格評論嘞,反正好與唔好,都唔到我去選擇!
還好,就係想嚟BK可以有得揀,啱傾就傾多2句,分享多2句!而o個D文縐縐o既挑釁字句,真係睇唔明用意何在??分享??

cameo

原帖由 天瑜 於 11-8-27 05:17 發表
Cameo,

再次恭喜你和囡囡！

我大女小学时代也有被老师作出不合理对待的experience.

我感谢上天安排，小五学期末和上述老师一次见面中，老师对我女所说的不是，我也有为她据理力争。（我真系觉得自己非常勇敢！）

到了小六，上述 ...

thanks天瑜^^
老實講,無論係我當初第一志願的HTC,或是而家入左o既OLR,都係一間令我及小女感覺好舒服o既學校!
老實講,我自己都有D唔習慣,以往喺SRL聽個talk好似被訓話咁,有乜問題都係推向家長及學生,到左而家,小女都慣性老師係咩形象,佢今日返OLR迎新,見到大姐姐,第一個最重要的問題,係問呢度D老師惡唔惡=.=
老實講,惡老師可以係好老師(小朋友會接受嗎?),但好老師唔一定係惡老師(小朋友係咪易接受得多呢?),小女都要重新適應咩係"老師" !
我亦要重新去適應,做校長唔一定係滿口官腔地訓話,今日聽左成朝OLR教職o既說話,佢地會喺家長及學生處境去著想,提出好多假設性問題及方法俾家長去作好預備,提供好多溝通渠道俾家長去聯絡學校及了解學校,,,,,,
以往喺SRL不愉快已算過去咯,我當時無能力去為小女力爭到D咩,因為小女性格實在會同有關教職員鬥氣,試問一個十零歲小朋友又點夠一個成年人"鬥"呢?有關人物總會識得喺灰色位置去"處理"小女的小問題,將之放大,對人唔對事o既手法亦令我唔理解佢為乜要從事教育???
或者呢d都算係陰影吧???所以喺升中選校時,我不時周圍問人請教,希望唔會再搵錯學校俾小女,唔想佢再受罪多6年,都要再多謝你,當時喺我最緊張無助之際,你俾左好多有用意見,及安慰^^ 再講,雖則我當時唔在乎學校喺升中上的協助,但事實佢地係零協助!

cameo

原帖由 天瑜 於 11-8-28 00:13 發表
CAMEO,
您所說的，我身同感受!
我現在回想番自己小學二年級，(好似沒有老師緣似的)，我又因為一些誤會被老師罰。
如果不是我姊姊一次忘記攜帶家中鎖匙前來找我求救，才發現此事!  
因為父親愛女心切，他為我出了頭，寫了手冊待我 ...

見到你放小忌廉做頭像,真係令我懷疑我同你係同年,,,hahaha
其實我女問題已經唔似單單係陰影,係佢將某D事當作"平常地負面",幼稚園時期佢係大女(1月出世),讀書各樣稱心如意,剛SRL小一時,亦期望自己有機會做班長,亦樂意做組長收功課,,,,,時至今日,只要小小風吹草動,佢都反應過敏,特別有關老師,學校評價大多偏向負面,甚至可能太多我無機會見到o既校內生活,都影響住佢諗法 !
諗多左,諗錯左....
e.g今日OLR個TALK開場時,副校長只係輕鬆叫小朋友問問身邊媽咪一個小問題,我女坐定定無反應---->慣性一動不如一靜,佢一D都唔輕鬆!
e.g佢地見完班主任後,阿女話老師唔覺意露左口風,5/9先收暑期作業---->人地都唔係露口風,本身就係話你知無咁急1/9要交,俾多幾日你地做又有乜所謂???但佢唔慣老師o既好意!!!
e.g今日安排校內大姐姐同佢地迎新,喺本新生小冊子為佢寫上評語,大姐姐形容小女係"一個冷靜的小妹妹" --->阿女話好好笑,叫我睇=.=佢慣性受罰受鬧,唔慣有心熱心去對佢!
e.g早2日喺OLR上一個drama lesson,個老師揀左小女做helper,全堂主力幫老師--->阿女唔慣被重視,一放學即以出奇o既態度去講呢件事!
講左咁多,都唔係想加深去抹黑SRL,當你有幸喺5歲時就搵到一間作風理念完全合小朋友o既學校時,當然可以心安理得讀夠六年就升中,不過,當有一個學生喺小一派位入左嚟,佢性格唔合你地學校,佢想咩??家長想咩??可以話咁易轉校咩??可以話咁易去轉變一個小朋友性格去迎合你地學校咩???
小女唔合學校,當然唔係要間學校去改變遷就,但唔好針對,唔好同一個小朋友鬥氣,做家長實在好難坐喺屋企去解釋校內o既事俾小朋友知,,,,
e.g上運動課,掉豆袋!小女一掉出,正好吹雞要停,咁對面同學無用手接到,就誤掉中頸,小女即時睇對方有冇受傷並即時道歉,當時根本在場老師都無見到!! 但當大家已落堂上樓梯回課室,老師知道此事就大為緊張,叫小女及當時人出去問,再去操場案件重演,再電我,叫我去學校一次,,,,我開初重以為小女有意去攻擊同學呀(因為老師語氣真係令我有誤解!),我更以為對方受傷,對方家長要求見我???原來全部都唔係,,,,,,,,,,,,佢叫我返去睇吓操場個地下,佢用筆劃底左當時我個女喺邊個位掉豆袋,對方企邊個位被掉中
我自己花左好多時間去為小女解釋(事實係被針對),對方無受傷,亦唔係主動向老師投訴,對方家長當然無投訴(根本只係小事),而呢位老師亦親口講左當時有請教校長點去處理,,,,
我想講,有時間請花喺認真教學方面吧! 3次呈分試完晒,當時我個心真係好想快D畢業,因為再返學真係唔知為乜??

cameo

原帖由 天瑜 於 11-8-28 18:53 發表
redknoi 兄/姊,
我只是說了一句: 我冇! (傾計)
被針對 / 被屈的感覺是很難受的!  "解釋"對該名老師來說，簡直是"慌話"/"掩飾"，再罰重d!   (因為我有解釋，所以罰重左。可能老師沒有下台階，都係蠢左!)
同期，隔離班仲勁，一位 ...

我當年有被老師打過呀,我由細父母都無打過我(喺我有記憶以嚟),,,
老師小學時期屈我自己改默書簿,又要見校長又要見家長,我真係無做過,佢反問我咁係邊個做??其實當年我唔識駁咀,講真,我鬼知咩,佢收左本簿,責任似乎喺佢度喎,,,
到中學,我被玩得重勁,,,但呢間中學係而家頗受歡迎的band1中學,唔係SRL呀,,hahahaha

我都希望阿女唔會好似我咁慘,我細個讀書唔太差,不過因為返學唔開心,無再讀上去咯~~~

cameo

原帖由 kls12 於 11-8-30 18:46 發表


往年，甚少有人談及SRL.
今年，有幾位家長就有一些較負面的消息。

你喜歡那一個現象呢？
是否不應說不好的東西呢？

或者，有沒有SRL家長可說一些優點出來呢？ ...

其實對我嚟講,都唔係今年先談及SRL,小女由小一開始,我已用分享心態喺BK聞聊!!!
6年嚟亦因升小升中問題,亦有家長PM,only分享心態,談唔上咩經驗之談,只係唔想有人誤會我為抹黑而入嚟,而且,我相信有興趣入讀SRL的,必唔會單單睇呢個topic,佢地會睇埋其他post ! 喺小學一覽入面一直都有SRL家長傾緊校內大小事項!!!

http://forum.edu-kingdom.com/viewthread.php?tid=600513&extra=page%3D5&page=1

cameo

原帖由 tatasin 於 11-8-31 13:32 發表
睇咗好近期對聖羅撤小學的討論, 我都希望想知有無媽咪可有聖羅撤啲好的地方可分享一下, 謝謝

http://forum.edu-kingdom.com/viewthread.php?tid=600513&extra=page%3D5&page=1

不用客氣,其實bk入面小學一覽一直有各區小學討論!

cameo

原帖由 piggy-ma 於 11-8-31 14:41 發表
Hello Cameo

支持你。

何解說說囡囡的經歷就是抹黑呢？港大生又有沒有抹黑曾偉雄呢？影響曾Sir形象呀！

haha~~thanks !
最重要唔係"言者有無心",最緊要係"聽者有冇意" !
我亦有公開讚過唔少SRL,我從來無講過SRL無優點o架,一間學校好與唔好,要留待家長及學生去發掘! 喺BK又何止得呢一個topic提及SRL呢???

cameo

原帖由 moooon 於 11-9-2 11:28 發表
或者在同學之間有涉及競爭的關係吧！

sure~ 當小朋友上到較高年級時,情況會更明顯!!甚至會因為家長反應,連帶影響到大部份小朋友心態,有人叻唔想認/唔敢認,亦有人差唔想認/唔敢認 !
e.g因到五六年級就無ranking,我女多數派卷時會問幾個同學作比較(用作衡量係份卷深左or自己真的退步/進步左?),喺某一次,有同學仔將此事傳左做有人會周圍收集分數去計人地個平均分,and報告俾班主任!
其實小女只會問幾個相熟同學,並一向大概知對方分數,亦每次先表明用意!!!

我都好同意SRL家長大多都偏向低調,勿論咩原因,即使假設係"敢怒不敢言",佢地都只係為小朋友著想,多一事不如少一事!
而且發生喺每個學生身上都有不同反應,e.g老師全班鬧,我女會視乎係咪關自己事呢??唔關佢事就若無其事做自己野,但亦有唔少同學仔明明唔關事,都會因為氣氛影響到唔開心,亦有同學仔明明係關事,但又若無其事,,,hahaha~~

只要抱住分享o既心態,每一篇留言都係有所價值^^

cameo

原帖由 moooon 於 11-9-2 12:55 發表
一直以來，我見Cameo的發言都很中肯，也很熱心在SRL討論區那邊的分享，到現在放棄在SRL繼續升學，但仍一直關心SRL的討論，看來你對SRL還是有點情。

我記得以前曾經有人和我說過，行上這條路可能是上帝的意思，祂覺得SRL適合我女兒 ...

haha~話晒阿女讀左6年,將心比己,當年升小一喺bk我都受左呢度好多人欣慰及幫忙,每一個pm都係有心人士意見,再到阿女而家升中,亦有不少人喺選校派位上,分享自己經驗,亦pm安慰(我轉校網,實在有一定壓力)~
呢D都係各個家長自己經驗之談,實用程度好過去書局買o個D乜乜升中指南!
對我嚟講,我唔會一面倒只沉醉喺一間學校最好o既地方,好極都有缺點(or唔適合我小朋友o既地方),早知可早有預備嘛!!!
入得SRL,唔係首選,都已係次選,我又唔信放到30志願都派到位呀,即係填表選校時,唔係最鍾意,但點都唔會憎左呢間學校卦?? 既然唔係自己心目中咁差,又派到位,咪當整定囉,,,,我女女升中都派唔到第一志願呀,但第二志願都係我自己喜歡o既中學!
每一間學校都有優點缺點啦,傾好處對我嚟講係分享喜悅o既心態,談壞處亦係想未決定好選校o既家長,可以認真考慮&點去預備預防,始終好與壞都係個人主觀諗法,乜都講吓,咁先係分享丫嘛~ ,,,hahahaha