去到今日,個人真的好灰!

kathykat

我無你地咁努力..我只係幫阿仔叩一間..失敗左..其實眼見身邊d 人叩門叩到/ 派到第一志願..個人真係好灰..唉..但都無計..已成定局..唯有八/九月打去問問有無位/ 下學期/P2 再打去問

kathykat

其實自放榜咁耐..我無一晚訓得著..晚晚都諗點算點算..但奈何依個遊戲規則係咁..改變唔到d 咩..只可以接受..我仲為左咁要辭埋份工..希望九月/下學期/小二有位可以插班..請真..真係人都癲..小朋友感覺唔到失敗感..但我totally 感覺到..幼稚園已經係咁..小學升中學..中學升大學點算?? 唉..有排煩..

kathykat

初頭我同大家一樣..好擔心..但依家慢慢諗通左..其實..或者未常唔係一件好事....

經過左依件事..我辭左職..暫時做全職媽媽教小朋友..知問係一個eq 非常低既人..以前無咩點關心個仔..只係要佢學依樣果樣..以為咁樣係對佢好..加上我又對佢好惡..搞到阿仔好驚我..雖然我依家仍然對佢好惡..但只少依家佢寧願我教佢都唔想daddy 教..改善左大家既關係..我覺得依個係我自己賺左既!!

雖然我知道打好個底係好重要..所以首先我會要求自己盡可以教好佢..唔理係做人定讀書..或者佢係依間學校表現好好..學校俾有好多機會佢去發揮..而如果係一間競爭好大既學校..佢有可能會被忽略..咁樣效果可能差好遠..所以我叩門只係叩左一間..叩到當然好..叩唔到就俾個仔試下讀..效果可能無我想像咁差..好多野都好難講..如果到時發覺教既內容淺而個仔仲有空間接受更多既野..我會下學期或二年級幫佢試下轉..雖然見到唔少家長話放棄左我心儀果間學校既學位..我亦有諗過好唔好打去問..但咁樣我覺得只會增加自己既壓力..所以我選擇聽天由命..

第一round - 唔公平既玩法..但教育局的確要set 規則俾家長玩..
第二round - 聽天由命..睇下黑仔定唔黑仔..好似買六合彩..我買左十幾次..都未試過中二十蚊
第三round - 叩門..選舉..選唔中唔代表個仔唔叻或註定永遠失敗..

最好既學校係家庭..最好既老師永遠都係父母..

浪費了大家既時間真係唔好意思..只不過係想借個位黎同大家分享我既睇法..大家都知依個世界唔會有公平..亦唔會個個考第一..所以大家唔好再唔開心..畢竟已經過左一個月..而且會好影響小朋友..希望大家加油努力!!

kathykat

原帖由 Gradies 於 11-7-9 00:04 發表
Agree! 我最近發現囡囡將入讀的小學在上年最後入讀的學生只有49人。我都係打算俾佢try下。唔OK先再考！不過擔心都會有,因為驚殺校.

我個仔入果間係連續三年得一班小一..小一至小六得十一班..不過佢有成差唔多40 年歷史..唔知係唔係因為咁..所以地方細加無乜人想去讀掛 @@

kathykat

原帖由 kellylau79 於 11-7-9 16:38 發表
今日去派到既學校開家長會，我一路聽個校長介紹一路好想喊！我究竟做錯左D乜野？個仔要甘慘！

校長講左d 咩令你想喊?

kathykat

原帖由 kellylau79 於 11-7-9 23:50 發表
今日去到學校排隊時見到大部分人廣東話都講唔正我已經情緒低落，之後阿仔去考分班試，我去開家長會。家長會上校長講解分班試份試卷，程度係阿仔K2果時學既野，聽完我個心又一沉。之後D人開始議論份卷太深，怕小朋友分到唔好既 ...

其實你應該諗你既小朋友好叻..到時好大機會可以做班長..風紀..將自己識既野教同學..代表學校出去參加比賽...試讀幾個月或一年..如果真係唔ok..到時幫小朋友轉校..當然..到時就要靠小朋友佢自己既實力..總之無論去到咩學校都好..都唔好太過依賴學校同老師..

kathykat

原帖由 kellylau79 於 11-7-10 03:23 發表
其實程度底唔係主要問題，因為呢樣我可以補救。我擔心既係，假設你前後左右都成績差，上課唔專心。試問一個只有6歲既小朋友點會唔俾人影響到？過去呢幾年我好努力甘幫阿仔打好基礎，只怕道幸一朝喪。 ...

其實你可以當一個training..睇下小朋友既專注力..加上如果真係有問題..老師無可能唔會做野..畢竟老師都要交功課..如果佢見到你小朋友係得既..一定會好好對佢..保護同愛惜佢!

其實有時可能唔小心對某些人士有偏見..唔少內地小朋友好勤力架..普通話又勁..數學又好..可能到時你既小朋友教佢地英文..佢地教你小朋友普通話..會係雙贏既結局! 未試過又點知結果唔好?

kathykat

原帖由 Jasmine-4711 於 11-7-10 15:49 發表
KathyKat:"最好既學校係家庭..最好既老師永遠都係父母.."

唔知你是安慰大家定講真.並非人人可afford做全職媽媽去教小孩中英數常,亦非個個家長qualified去教英文及普通話.一所好学校可慳在職家長/上補習社好多時間.
...

我個人認為係最好既學校係家庭..最好既老師永遠都係父母..做父母既..唔一定要教小朋友英文/ 普通話..有好多野可以教..特別係品行 (我係注重品行多過成績)..如果近墨者黑..小朋友對父母既時間一定會比同學多..所以父母係小朋友學習既對象..而且我個人覺得教導子女既責任唔可以全部交哂俾學校同老師..所以我之前放工會即返屋企..食埋飯後..就會睇小朋友功課..同佢溫書..講故仔..由於我屋企仲有一個未夠八個月既小朋友..依個暑假我唔想我媽辛苦..所以索性休息一陣..盡可能教到幾多得幾多..畢竟開支大..待小朋友返o返學..就會繼續做野....其實為左小朋友..講真..真係無乜私人時間..想同朋友做餐飯都唔得...

其實學校教完就要睇小朋友既吸收同理解能力..返到屋企當然要溫書..但好多人既天性係懶惰的..只係有d 比較嚴重..有d 輕微..可唔可以慳到時間同補習社既$..我個人認為未必..因為正如頭先所講..好睇個小朋友..畢竟依家好多小學既功課..默書太多..唔少讀好既學校既學生..晚晚都要做功課做到十點..有時仲未計溫書..試問大人可唔可以晚晚ot 到十點? (佢地八點幾就上堂 @@) 有個家長既小朋友因壓力太大..晚晚發夢都話未做哂功課..不停磨牙..即使入到一間好既學校..都未必一定會係一件好事..因為真係要好睇小朋友佢自己本身..

正所謂一種米養白種人..碩士生都未必一定可以搵到工..知識係無限..學無涯..永無休止..加上依家好多人..唔好講小朋友..大人都有精神問題..如果真係處理唔好..人生仲有幾多個十年??

kathykat

原帖由 kellylau79 於 11-7-11 01:56 發表
如果可以用考試黎做報學校既條件，相信好多人都唔洗甘無奈了！可惜唔係呢！無奈ing！

其實人生真係有好多無奈..好多唔公平......畢竟我地係凡人..係煩d 架啦..哈哈

kathykat

原帖由 smsss 於 11-7-11 16:16 發表
Quote

如果真係連官津校都要用考試來做入學條件
咪等如返去以前舊路
每個制度都有人歡喜有人愁
如果叩門都叩唔到的話
用番考試制度咪更唔洗旨意入到
到時考唔到d人又調番轉頭話要用抽獎制度先公平 . Unquote

雖然 ...

所以對住依個制度..我都好無奈..畢竟父母是否曾經讀過..哥哥姐姐係果度讀緊咁又點? 咁就代表o岩個小朋友讀?
如果睇個人好唔好彩..咁我肯定話我運行..好黑仔..所以我既小朋友入唔到好既學校係理所當然?

kathykat

原帖由 kkhon 於 11-7-11 16:32 發表
agree,按學生程度入讀不同學校最公平，尤其想入名校的家長，想入咪從小崔谷小朋友Law.如果到時考唔入即係小朋友未夠班，心服口服，好過而家唔知衰咩。 ...

其實我依家知道衰咩架..就係衰在自己黑仔囉...中如咁多人做六合彩頭獎..有人第一次買就中幾千萬..自己買咁多次就二十蚊都未中過

kathykat

原帖由 crystalwsm 於 11-7-11 23:58 發表
如果小學就已經要按能力入學校，又要考試又要呢樣果樣，咁幼稚園咪已經要崔谷，小小年紀已係學呢學路，咁細嘅年紀已經要受呢D咁嘅壓力，對小朋友又公平咩？對家庭經濟能力差的小朋友，無$學呢樣果樣的小朋友又公平咩？其實而家直資/ ...

其實有唔少幼稚園開始谷緊..雖然唔係用黎for 大抽獎..係for 叩門......我幫小兒叩門果間小學..即使小朋友唔著校服..佢地大約都知道果位小朋友係邊間幼稚園讀....

其實叩門除左睇小朋友既能力..仲好睇佢有無學課外動..

kathykat

原帖由 kellylau79 於 11-7-12 02:09 發表
其實我無唸過公唔公平，我只係無奈自己唔係運氣好果個。怨既只係自己應該文采唔夠好，未打動到校長。我知我個仔係唔叻，如果唔係佢點會一間直資\私校都考唔到。只係佢好鍾意讀書，而又讀得到。但始終年紀細，我怕佢會被影響。 ...

我聽過一個家長話..佢既小朋友讀名校...就黎放暑假..同學就開始講自己會去邊度旅行...

同學a: 今年我會去澳洲
同學b: 上年我已經去左..今年媽咪話去歐洲
同學c: 你地就好..我媽咪只係帶我去東歐..
然後同學a, b, c 問佢朋友既小朋友今年去邊..朋友亦一早安排左小朋友返鄉下探親..所以小朋友回答: 中國..

我亦識得曾經係名校任教既老師..佢話小一學生第一日返學..會問其他小朋友: 你屋企有幾多個工人..我屋企有三個..一個照顧我..一個照顧我細佬..另一個做家務..

我自己親身經歷 - 上年大緊肚..湊哥哥放學..咁o岩架lift 約有5~6 個人..有一個係本區就讀其中一間好既學校既小朋友..佢見到我同我個仔入lift: 就話行快d 啦..阻住哂..阿..好迫呀..想迫死人咩..真係好鬼迫..迫就唔好入黎啦..迫到我啦....我由入lift 到出lift..佢全程係度好大聲講好迫.....所以本來果間學校係我既心儀小學..但後尾我對果間學校既印象大打折扣..選擇另一間.....每一間學校都有好學生同壞學生..我唔知我小朋友將會讀果間係好定壞..我亦唔望小朋友會成龍..佢唔成蟲我已經好開心..