崇真幼稚園

SPL

真係好唔公平呀!!!! 之前已經局住比留位費同轉上午班信比校長話我一定唔會比個仔讀下午主流班, 希望可以有位比我轉上午主流班, 等到過左註冊日都冇消息!!!
請問點解唔係比下午班嘅同學仔優先呢????? , 我都識有人waiting 或 reject左都已經收到電話收佢讀上午主流班, 叫佢6月x日去註冊!!!! 對呢間學校行政好失望, 就算宜家比我個仔轉上午班,我都唔會讀喇!!!!

SPL

係!!! 報主流上午班!

原帖由 evacalbee 於 11-6-5 12:47 發表
你原本報上午班?

SPL

唔比留位費就9成9冇機會, 當時已問過話比留位費+轉上午班信, 到時有位會按申請次序處理! 但佢冇講過會留比reject左小朋友先!!!! 按道理應先比下午班小朋友轉先, 很多學校都會咁處理, 所以我覺得呢間學校行政上好有問題, 咁小事都處理不公, 點放心比小朋友交比佢地教呀!!! 好失望!!

原帖由 silvia_ng 於 11-6-8 21:19 發表


其實你見佢收下午班, 你都肯比留位費既? 如果係我就唔比, 因為都唔知係咪肯定轉到, 同埋又唔知佢用咩準則去決定比唔比人轉喎?!

SPL

宜家個問題唔係書記問題, 最主要係間學校做事手法好唔公平, 事實係佢地係會將位比reject左小朋友優先,先比下午班轉上午班!!! 你唔好同我講呢d係佢地內政,要接受佢地呢d唔公平做法, 甚至同我講對六四事件或二十三條惡法唔好出聲,唔鐘意咪離開, 當同政府冇緣吧....!  

原帖由 silvia_ng 於 11-6-12 00:15 發表


呵呵...放心...書記係唔會出黎教會既
ANYWAY...佢所講既申請次序真係唔知點計, 可能大家解讀唔同。就算同TT冇緣吧。

SPL

算吧啦! 我都知有好多TT代言人/Fans係BK度說話, 你都唔洗再幫呢間學校解釋咁多喇! 宜家唔係得我一個係咁喎! 而事實就係擺係眼前!　唔通我打去學校發爛渣後比我轉到上午班就冇問題嗎? 而我亦都冇諗過為呢件事去唱衰佢, 但如果呢個咁唔公平嘅遊戲規則唔公開, 日後一樣會有其他家長中招, 白費心機、時間同金錢! 明嗎?
最後, 如有得罪之處, 敬請見諒!

原帖由 silvia_ng 於 11-6-12 21:14 發表


當你發覺有求位生收到上午通知,你有冇問過負責既主任? 佢點答你? 漏左? 唔想你比讀上午? 你要求既理由唔夠人地咁必須?

無啦啦講六四+二三條....關咩事, 你個比喻都好差! 再者你而家唯恐天下不亂, 好無聊! 你唔讀 ...

SPL

明白! 謝謝你～

原帖由 evacalbee 於 11-6-12 21:39 發表
小朋友成長的路仲有好漫長，無謂由幼稚園開始動氣。
既然學校的遊戲規則如此，都無辦法啦。
未來要遇到覺得對自己不公平的事會更多，relax relax...


...

SPL

Thank you for your comfort.

SPL

唔好意思, 我想各人有自己想法及需要,為小朋友選上午班亦都係有我特別需要, 再者什麼是"好"的幼稚園, 你我睇法及準則我想亦有不同, 如好多人/Fans話好=好? 又或者多Net多課外活動=好? 甚至唔理學校用咩手法, 最緊要幫小朋友讀到心目中啲名校=好....?
而我覺得如一間掛正非牟利及教會背景啲學校, 都係利字當頭, 小事上都不公, 就算幾多人話幾好幾正都係假, 佢都唔係我杯茶! 點放心將小朋友交比佢地教呀? 一兩個老師問題都由佢, 宜家係間學校行政好有問題, 見唔到啲都唔知有幾多?! 千祈唔好同我講好多學校都係咁而黎同佢淡化個問題!唔通人地衰=佢都可以一齊衰咩?

原帖由 baba987 於 11-6-13 20:15 發表
唔好意思，想問閣下取決小朋友上下午班仲要啲，還是應比小朋友有間好的幼稚園仲要呢？
（只係討論下，並沒有惡意的！）因為當年我有好幾間好好的幼稚園係手，當中有上午亦有下午班，但係我取決小朋友讀書重點係間學校質數，並唔會睇上下 ...

SPL

Sorry,一位話自己唔係TT Fans嘅家長, 唔該可唔可以先睇清楚我之前啲post內容呢? 定係我表達唔清楚呢? 我之前係話"...當時已問過話比留位費+轉上午班信, 到時有位會按申請次序處理!按道理應先比下午班小朋友轉先, 很多學校都會咁處理....",  為何只選擇看後面果句而看不到前面果句重點呢? 公唔公平真係咁難分咩? 公道自在人心, TT Fans真係咁難接受嗎? 況且我之前已講過唔會讀祟真, 下午班個位亦已放棄, 同埋想帶出TT呢個咁唔公平嘅遊戲規則唔公開, 日後一樣會有其他家長中招, 白費心機、時間同金錢! 明嗎?  Relax~

原帖由 ireneyklo 於 11-6-15 04:11 發表
我囡囡是讀TT的，我同蕭亞姨都是一個用家而不是一個Fans。
...
另外，學校收生及轉班的準則，每間學校都有不同，點解一定要TT跟隨其他學校的準則，才能叫公平和學校行政才算好呢？
我都想提醒以後報讀幼稚園的家長，如你對所報讀的學校在未入讀已經有不滿及不開心的地方，你們就不應該讓孩子入讀，不要對住一間自己唔閞心的學校三年之久。

SPL

賽翁失馬, 焉知非福? 賣花讚花香大有人在,每年Fans一發功, 就有數千計新家長(包括我)冒名而來報名, 報名費都收到笑呵呵! 現在諗深層咁"好"啲學校,為何會有好多人選擇放棄學位而唔讀呢? 我想有以下幾點可分享:

1) 我想現在TT(幼稚園+小學)少了一班主要客源---公務員子女, 學位便多了出來, 因很早前新入職公務員大多數應已沒有子女特別教育津貼可報讀私小, 所以如你考TT k1時,有機會被問到閣下有沒有子女教育津貼, 如有, 我相信收啲機會有90%, 除非你子女當時表現衰到貼地啦!

2) TT報名及面試k1日期比大多數幼稚園早開始(這是很聰明啲"商業"行政策略, 點聰明? 自己諗吧!), 所以會有很多就算TT唔係最心怡啲家長都會去報考, 一來可以讓小朋友當熱身,二來當收錄後可當作backup, 報名費當然就要乖乖交出來唔慳得啦! 但當心怡學校收錄小朋友後, 學位就自自然然放番出黎...

3) 羊群心態, 仲未諗到邊間係最心怡啲學校, 只聽到其他家長/學校Fans讚就去報左先, 但當成功考到幾間後, 發覺TT唔係佢杯茶,又或面試過其他學校發現其他學校好, 又或地點環境唔係咁好及其他因數(包括我)等而放棄學位....

當然我咁講, 實有人話唔係得TT一間係咁, 而係我想對每年正煩惱為小朋友找k1啲新家長講, 唔好被花香冲昏頭腦, 期望越大,失望越大, 考唔到都未必唔係好事, 亦都唔洗覺得係世界未日, 比d信心小朋友, 就算屋村學校都有好多有愛心有質素啲老師及教學方式,甚至比所謂出名啲學校好,更合適自己小朋友!

原帖由 kwboy 於 11-6-15 17:13 發表
分享多少少呀, 我家庭是基督教的, 最近聽了一些道, 話神其實已經幫所有人安排好晒所有野, 同埋有好多野唔係你想點就點, 可能你想食橙, 但佢覺得你食香蕉好d, 佢就唔會俾橙你, 所以只好亞Q 精神咁諗, 崇真不開門給您, 但總有其它路俾你行, 可能條路仲好行, 人是很衰的, 如果手上有間好過崇真的就唔會想入崇真的!! 我現在手上這間沒有人講, 所以我怕不是那麼好!!

SPL

ktgps,不過其實照你所講咁睇, 那職員都未必係欺騙你, 或許答案你自己都已經講左, 除非佢六月初致電比你話國際及主流上午已full了, 同時致電比你鄰居話國際班有位比佢....., 不過我都聽有d類似你情況家長講, 話佢有fd5月尾收到電話話有pm班,但個家長因手頭有其他學校offer,所以唔要, 之後過多兩日再打黎話有am班...! Anyway, 都多謝你明白我啲感受! 唔似有d家長是非不分, 針唔拮到肉唔知痛, 講極都唔明, 真係話不投機半句多! 嘥氣!

原帖由 ktgps 於 11-6-16 09:49 發表
SPL,我好明白你的感受,因為我也有少少類似你的情況,我仔仔原本是被reject的,但6月初收到電話會收小兒pm主流(但我interview是國際的),不過職員要我即日答覆讀唔讀,並強調國際及主流上午已full了,那我便於9/6註冊了主流pm,誰不知過了數天,我鄰居的囝囝在14/6收到TT電話收他國際班(相信是9/6有些家長放棄了學位吧)我知道之後也覺得那職員欺騙我,又話國際班full了,為何在我9/6註冊後又有位呢?所以我好明白你的感受 ...