煩惱沒完沒了......

701003

容許我呻下好ma
我仔已經S.2啦，經歷咗小學最難搞ge階段，以為亞仔"正常"番啦，點知又有新問題出現
中學唔知我仔係資優，只知佢曳，唔尊重老師，唔交功課......我平均每星期收到3至4次各科老師投訴電話，呢個我都習以為常，但今次因為多次欠交功課而記咗個缺點 亞仔情緒又再自我封閉 甚至唔想返學 班主任叫佢見社工，亞仔逃避，多次no show，
其後不了了之！！跟住又再激嬲音樂miss，搞到miss打電話鬧咗我一餐 一放低電話我就喊咗出黎

701003

原帖由 Jackeylwfd 於 11-3-23 12:32 發表
唔尊重老師，唔交功課...... 這與資優有何關係?

難度學校知道令公子是資優就可以容忍他唔尊重老師，唔交功課......?

恕我直言，今天的情況，是自幼不恰當家庭教育做成的。應立刻去找專業CP幫忙處理令公子之情緒及行為問題， ...

雖然你唔知頭唔知路咁回應，OK，我恕你直言 我承認自小管得亞仔太嚴，佢形容係屋企好似軍訓 返學先係最開心，小學有d老師對佢好好，有d老師當佢透明人，初小時見輔導/醫生(係我見,唔係亞仔)，佢哋叫我由佢自我成長，唔好咁嚴，高小時亞仔情況已大大改善！估唔到升上中學，問題又出現，我認為每天上堂發夢、唔交齊功課(有做但唔帶/交)係唔負責任同唔尊重老師ge行為，主動叫老師記佢缺點 其實，我唔覺資優有咩咁好，所以唔想講俾學校知，想亞仔係學校同同學仔融和！！
不過幾廿歲人俾亞仔miss鬧，好唔開心，上bk向同道中人呻下囉 咁啱miss鬧我ge內容大至上同jackeylwfd的見解差唔多，我無怪年青又有氣質的miss對我ge誤解，因為我知我仔有心激人果陣係幾咁惡劣~~~~唔搏咀、唔俾反應、唔出聲、當人透明.....

[ 本帖最後由 701003 於 11-3-23 17:22 編輯 ]

小謙伯伯

唔好意思, 由於呢度的家長子女大多都屬學前至初小階段的, 甚少有資優中學生家長現身, 所以一定要把握呢個機會問一下.

請問你兒子作為資優生, 這些年來在小學學習的表現和成續跟一般同學有甚麼不同呢? 學校能從他的學習表現察覺出來嗎? 有沒有跳級之類的安排? 謝謝.

原帖由 701003 於 11-3-23 10:09 發表
容許我呻下好ma
我仔已經S.2啦，經歷咗小學最難搞ge階段，以為亞仔"正常"番啦，點知又有新問題出現
中學唔知我仔係資優，只知佢曳，唔尊重老師，唔交功課......我平均每星期收到3至4次各科老師投 ...

701003

原帖由 Jackeylwfd 於 11-3-23 21:15 發表
看完你所寫的補充資料更加肯定做成今天的情現是你不懂管教孩子，在你軍訓式管教下，孩子年幼時可能因懾服於權威下而表面聽話，但內心埋藏報復及反叛之心，如今羽翼長成，要管也管不了。

行為及情緒問題不是資優生獨有，也不是只 ...

我仔口中的軍訓，只不過係放學回家要換衫換鞋，書包擺入自己房......諸如此類ge正常規矩
我無話過資優有幾特別wor，我係bk識咗不少同類家長，我出post唔係曬命bor，只係呻下！！
post咗之後亦有幾個bk mami打電話同我傾謁，我哋幾年前已經係bk認識同互相交流啦！！專家、課程我哋都知唔少，以前幫過我哋ge專業人士比較理解做資優家長ge心情，唔似有d人一味靠片面之詞批評
上討論區呻，係因為坊間太多對資優家長ge誤解，正因為我哋唔想講比朝見口晚見面ge人知，才隱身上bk傾謁！大道理搬字過紙好容易，做得到、做得好談何容易？？

[ 本帖最後由 701003 於 11-3-23 22:21 編輯 ]

701003

原帖由 小謙伯伯 於 11-3-23 19:01 發表
唔好意思, 由於呢度的家長子女大多都屬學前至初小階段的, 甚少有資優中學生家長現身, 所以一定要把握呢個機會問一下.

請問你兒子作為資優生, 這些年來在小學學習的表現和成續跟一般同學有甚麼不同呢? 學校能從他的 ...

我仔小學無跳級，佢成績飄忽，時好時壞，字體樣衰，表現無心向學，學校只要求佢做評估是否讀障、自閉 政府排期好耐，我自費揾專業評估，結果亞仔無讀障，又無自閉，係資優mouth:" />
資優唔一定成績好，但好少會考最尾
bk有d資優小朋友已經大學畢業，果d父母先係過來人，我只屬小兒科

[ 本帖最後由 701003 於 11-3-23 22:26 編輯 ]

小謙伯伯

咁借問知唔知那些真真正正係品學兼優o既資優生, 佢地求學o既過程係點o既呢? 就咁年復一年同那些智力和學識遠低於他們的平常人坐在課堂裏熬?

對唔住我問得好似比較弱智, 但事實係唔知點解呢度一直都好似只有資優生的家長們在呻他們的子女如何有問題, 如何難搞, 好少話佢地點樣百尺竿頭, 更進一步的.

原帖由 701003 於 11-3-23 22:07 發表

我仔小學無跳級，佢成績飄忽，時好時壞，字體樣衰，表現無心向學，學校只要求佢做評估是否讀障、自閉 政府排期好耐，我自費揾專業評估，結果亞仔無讀障，又無自閉，係資優mouth:" />
資優唔一定成績好，但好少會考最尾 ...

701003

原帖由 小謙伯伯 於 11-3-23 22:34 發表
咁借問知唔知那些真真正正係品學兼優o既資優生, 佢地求學o既過程係點o既呢? 就咁年復一年同那些智力和學識遠低於他們的平常人坐在課堂裏熬?

對唔住我問得好似比較弱智, 但事實係唔知點解呢度一直都好似只有資優生的 ...

收pm講比你知！
我果d小兒科資優生，呻下已經被人誤會啦，真正品學兼優的資優生，點會呻呀？

小謙伯伯

多謝分享!

原帖由 701003 於 11-3-23 23:22 發表

收pm講比你知！
我果d小兒科資優生，呻下已經被人誤會啦，真正品學兼優的資優生，點會呻呀？

baubaulee

Hi, Jackeylwfd,

如何教導有情緒及行為問題之孩子?

My son is 4 years old.  I let him to join some class in Links but seems no improvement.  
Please share more.

Thanks,

原帖由 Jackeylwfd 於 11-3-24 09:17 發表
**係因為坊間太多對資優家長ge誤解，正因為我哋唔想講比朝見口晚見面ge人知，才隱身上bk傾謁！大道理搬字過紙好容易，做得到、做得好談何容易？？**

是你自己對資優生誤解，以為資優生的情緒及行為是難於處理、情有可原、及可以容 ...

701003

原帖由 Jackeylwfd 於 11-3-24 09:17 發表
**係因為坊間太多對資優家長ge誤解，正因為我哋唔想講比朝見口晚見面ge人知，才隱身上bk傾謁！大道理搬字過紙好容易，做得到、做得好談何容易？？**

是你自己對資優生誤解，以為資優生的情緒及行為是難於處理、情有可原、及可以容 ...

誰罵人？？不停批評別人的是誰？？網上交流，為何如此？？你有好方法可以向大家分享一下，何必動氣？？
關注資優生、教育資優生的專業人士，和資優生父母的心態肯定有分別，批評聽得多就變得順耳，我也經常向別人取經！洗耳恭聽閣下的高見 我三個孩子，只有兒子難教，所以改當全職媽媽努力求教，練得一副厚臉皮。兩個女兒都品學兼優，兒子學習成績也不錯，對人亦有禮，我只想他在學校別惹老師討厭mouth:" />當媽的自作業沒關係

[ 本帖最後由 701003 於 11-3-24 12:03 編輯 ]

rbaggio74

原帖由 Jackeylwfd 於 11-3-23 21:15 發表
看完你所寫的補充資料更加肯定做成今天的情現是你不懂管教孩子，在你軍訓式管教下，孩子年幼時可能因懾服於權威下而表面聽話，但內心埋藏報復及反叛之心，如今羽翼長成，要管也管不了。

行為及情緒問題不是資優生獨有，也不是只 ...

我認同，行為及情緒問題，不應分開資優、資劣去教導。

我承認，資優孩子是會產生一些其他問題，如難以融入同齡孩子的圈子之類。

但，這並不是家長們推掉孩子品德教育方面的責任。

要知道，你的孩子已是中學生，最佳的品德培育時機已過，假如你再不好把孩子的問題修正，怕會更影響孩子日後的發產。

我明白在論壇訴說問題是想找個認同，但，我也真的希望以《忠言逆耳》的方式，讓大家多思考問題的根源。

既然你認定孩子是個資優人士，請盡家長的責任，讓孩子在適當的領域上發揮所長！

已過去的，就讓其過去，好好把握現在，計劃將來，才是對孩子最重要的！

傳統的品德價值觀念，相信，對孩子日後的發展無往而不利，請及早跟孩子商討解決問題的辦法吧！

rbaggio74

原帖由 baubaulee 於 11-3-24 10:46 發表
Hi, Jackeylwfd,

如何教導有情緒及行為問題之孩子?

My son is 4 years old.  I let him to join some class in Links but seems no improvement.  
Please share more.

Thanks,

其實，品德培育與及情緒問題，又何需上甚麼課程？

家庭教育，就是對孩子最好的教育方式！

多注重自已的言行舉止，即可讓孩子學習做人處世，多跟孩子傾談，讓孩子多接觸世事！

701003

原帖由 rbaggio74 於 11-3-24 15:28 發表

我認同，行為及情緒問題，不應分開資優、資劣去教導。

我承認，資優孩子是會產生一些其他問題，如難以融入同齡孩子的圈子之類。

但，這並不是家長們推掉孩子品德教育方面的責任。

要知道，你的孩子已是中學生，最佳的品德培育 ...

小朋友是否資優，不是我認定的 我最初上bk係入特殊教育自閉果part，因幼稚園、健康院都話要我仔做學障評估，健康院仲懐疑我仔聾啞 個仔細個唔出聲，好靜，唔似其他bb，做為家長好擔心佢自閉，我梗係即刻排期check啦，排到升小一前才有得評估，check完好彩唔係學障/自閉，不過我都幫佢選咗間關愛包容ge小學。小學時再排政府後又再自費評估咗兩次，才知道佢資優。
我品德培育差？？我要求老師記自已仔缺點，係因為佢唔交齊功課，上堂唔專心，係檯底自制公仔書，唔通咁樣都唔抵罰？應該由得佢咩？？我從來要求仔女一視同仁！我讀唔起國際學校，本地中學根本無多餘資源for資優生，果d資優課程，好多都要學校選拔尖子，我仔數理又非尖子，語文藝術又唔超班，所以平靚正ge課程無佢份！
音樂老師因為合唱團唔夠人，叫我仔濫竽充數，佢其實五音不全，走音而影響他人進度，我寫家長信要求退出，負責miss話我唔俾亞仔挑戰自己 我唔認為我仔唱合唱團係挑戰佢自己，反而係挑戰其他學員ge忍耐力 因此堅持退出，換來一頓大肆教訓

701003

原帖由 Jackeylwfd 於 11-3-24 15:11 發表
不想再跟人作無聊的爭吵不休，我以往已經用不同方式分享育兒心得 (也包括處理資優兒問題) ，所以不想重重複複，以下是節錄我以前分享的一少部份:

「要處理資優兒童身心成長與學習進度之學校教育問題，可參考一些外國做法，外 ...

你講得啱，香港好多人認為資優生係可以操練培養出黎，我唔敢盡信坊間開辦ge課程
既然你有心得，不如教下我有咩方法令亞仔有責任感，依家佢keep得最耐ge責任就係每日定時帶狗散步，而且風雨不改 最慘就係功課做到天一半地一半，我想佢主動完成功課

rbaggio74

原帖由 701003 於 11-3-24 17:17 發表

小朋友是否資優，不是我認定的 我最初上bk係入特殊教育自閉果part，因幼稚園、健康院都話要我仔做學障評估，健康院仲懐疑我仔聾啞 個仔細個唔出聲，好靜，唔似其他bb，做為家長好擔心佢自閉，我梗係即刻排期che ...

在此，我無意冒犯任何人，但，請你先把問題弄清，相信，孩子的問題也能找到解決方法！

首先，<<中學唔知我仔係資優，.........再自費評估咗兩次，才知道佢資優。>>以上，表示你認同了你的孩子是個資優兒，對嗎？

如果答案是對的。那表示你認定了你家孩子的資優特質了。

認定，不代表《確認》、《評估》。

確認、評估，需要專業資格。你跟據專業評估的結果，認同了孩子是資優，那代表你『認定』了，對嗎？

<<我要求老師記自已仔缺點，係因為佢唔交齊功課，上堂唔專心，係檯底自制公仔書，唔通咁樣都唔抵罰？>>
為何你只要求『老師』、『學校』執行懲罰？｛就你的文字，看不到你有否對孩子的行為與孩子討倫，所以用了【只要求..】，有錯請指正｝

要知道，品德培育，家庭是擔當著非常重要的角色！

<<只知佢曳，唔尊重老師，唔交功課......我平均每星期收到3至4次各科老師投訴電話，呢個我都習以為常，>>

『習以為常』表示你認同了孩子的行為而不加以糾正？
還是你認為根本是學校，社會，政府的錯？錯在沒有對《資優兒童》的特別照顧？支援？

不要理孩子是否資優，只要孩子做出以上<<...>>內的行為，相信大部份家長會同意，該孩子應要作出根本的檢討了吧。｛除非能指出，這些行為的背後隱藏了學校，老師等犯了不能容忍的問題在先｝

<<我仔數理又非尖子，語文藝術又唔超班，所以平靚正ge課程無佢份！>>

請問你孩子的強項在何領域？

你應好好與他商量一些改善方法，而非只知道指責學校吧。

<<我寫家長信要求退出，負責miss話我唔俾亞仔挑戰自己>>

我認為上述問題，有點過份，假如你肯定孩子的能力不適合，而孩子亦沒有這方面的興趣，我想，老師方面應作檢討，她/他的處理，如你的描述沒有偏頗，老師是有問題的。

在下多言了！

敬請包涵。

無意冒犯，真誠討論！