香港基督敎服務處大坑東幼兒學校

lutang

我仔仔都收到offer, 其實我都想知美孚宣美好唔好,因為8號先in,但大坑東7號要註冊,仲話要訂校服,所以心大心細。
不過我有去過佢地既開放日,上次interview時都覺環境同老師都好好,不過唔知全日制小朋友適唔適應呢?

lutang

其實當我參觀過佢地學校之後都幾喜歡,因為我覺得佢地唔止教課本既知識,亦會關心時事,亦有好多資助,我之前都問過校長,佢話午睡時老師會逐個「暗」佢地瞓,又話差唔多三個月小朋友就可以成功戒片,而且聽我d朋友講,佢有d教書朋友都俾佢地既小朋友讀呢間,相信都係一間唔錯既學校,雖然唔係太多人識。
不過之前好似有報道話學校曾經爆發手足口病,呢樣係讀全日班既弊病（容易交叉感染）,而且之前有網友話學校會因應全班小朋友既程度嚟教書,即係如果你讀嗰班d學生聰明,佢地會提高d程度,相反,如你個小朋友叻,但身處一班較差既班內,佢就可能冇得發揮,被迫將程度降低,所以真係冇十全十美,亦都唔知係咪真確。但身為全職媽媽既我,返全日又確實會多咗時間。

lutang

YBBYBB:
我之前去佢地開放日,聽到校長話所謂既資助例如相機（俾學生課外活動時用既,好似一人一部）,顏色筆（嗰隻顏色筆係外國學校會用,香港係冇既,個捐贈者淨係俾呢間學校,所以喺課室有好多呢D畫具）等（如果有錯漏麻煩其他媽咪補充）。佢地亦會將基教幾間學校學生畫完既作品結集成書,用作慈善用途!至於一班眼見大概二十人內,冇認真數!而學生上課時都玩得好開心,仲有去完濕地公園既討論活動添。
chanwendy:
佢地有天台,一邊有車仔坐,同大肌肉運動鍛練;另一邊有個泳池仔（不過而家冇開,因為有流感喎）,英文老師會喺呢度上堂,都幾得意,雖然唔係net,但個老師好好笑容,我行埋去時,佢係同我講英文架,仲拖住學生一路行一路唱歌添!你可以上學校個網就睇到!
咁你地有冇其他學校offer呀?會唔會知美孚宣美好唔好?我聽大坑東個校長講,佢地d學生好多派去大坑東宣道小學,因為關係好,叩門會易d,但我想小朋友派去荔天or瑪利諾神父（宣美去荔天多d）,所以唔知點揀好?

lutang

loklok0104:
你大仔以前讀呢間,咁你對呢間學校有咩睇法?佢地一般係咪都會派到頭三個志願架?

lutang

我嗰次去參觀又唔覺全班有成40個小朋友咁多喎!我諗註冊嗰日應該要交留位費,如果唔係註冊嚟做乜,仲話可以訂造校服、床墊和被添,不過我打去學校問,佢話未必要嗰日俾錢,但因為假期,所以阿姐姐叫我遲d先打去問清楚詳情。
咁究竟有冇家長知道美孚宣美同呢間比較邊間好d呢?若然大坑東註冊嗰日要俾咁多錢,我就放棄宣美喇!

lutang

YBBYBB:
荔天真是比較like收宣美既學生咩,但宣美係咪一間好學校呢,論環境佢唔及大坑東好,隔離又係馬會,唔知佢地既程度會唔會好過大坑東呢?我之前打過電話去查詢小朋友戒片問題,但我feel到佢地既態度唔多好,又主張你戒咗片先,因為驚阿姐兼顧唔到咁多小朋友,如果俾佢讀全日,唔知佢地照唔照顧到小朋友喎?我之前有去佢地既開放日,有d老師都好好,不過主要係玩攤位遊戲,唔係參觀上課,所以唔知佢地教成點?
你知唔知瑪利諾神父會鍾意收邊間幼稚園既學生呢?我心儀係呢兩間小學,不過我覺得瑪小比較難入,所以要叩門有把握先得。
我上次visit大坑東,聽佢地話之前有參觀濕地公園,之後會同佢地討論做練習,我只係睇到佢地一d作業,並非現場討論,所以唔清楚教得好唔好?我當日較長時間留意故事堂,因為佢地真係玩得好開心。

lutang

佢地講故仔時,學生都好投入,聽得好開心。我唔記得係音樂堂定故事堂嗰陣,佢地仲會一個搭一個膊頭咁轉圈,有d又跟唔上甩晒手,笑到卡卡聲,好搞笑!

lutang

我今日打過去大坑東問7號註冊嗰日要帶d咩,佢話只需交二百一十幾蚊訂書包和被費,至於註冊費就遲d先通知過數交,而校服可以當日訂或遲d自己去買,都好,豈碼唔使又要即刻俾$1000留位費。
其實我都仲係心大心細,始終美孚宣美比較大機會派去荔天,真係唔知點揀?

lutang

YBBYBB:
我上次去註冊嗰陣,問過隔離位家長,佢個女係細女,而且當日表現唔係太好,但佢地都收咗!有D就話係睇你早唔早交表決定,所以真係好難講。

lutang

YBBYBB:
我諗都係揀基教,基本上由開放日開始,我對佢地既感覺都好好,反而上星期去完宣美in,始終覺得環境冇咁好,我嘗試問in我嗰位miss,如果小朋友開學時未戒到片會點,佢都好強烈要求最好返學前好搞掂,就算唔得,返學一個星期都要戒到。老實講,我都擔心佢地唔會太有耐性去處理小朋友既自理問題（可能我多心啦）!
查實我都有向其他學校詢問過呢個問題,佢地一般都好nice咁話,唔緊要,到時我地會有嬸嬸幫佢地架嘛,唔使擔心!感覺好好多,始終印象都好緊要,而且宣美n班係半日,要k1先返全日架!

lutang

隔離嗰間係邊間呀?冇留意到添!

lutang

見到大家對呢間學校既評價,我都好開心小朋友可以成為學校既一分子,雖然之前仍然會心大心細,但係最終我都係以學校整體既表現嚟取捨,亦因為咁而放棄咗宣美既offer,希望決定係正確啦。

lutang

我個仔係JNC2上午班。