你地係點幫小朋友揀學咩樂器?

Freesia_cat

宜家小朋友越來越細個開始學樂器，但咁細個你地係唔係俾小朋友自己揀，定係家長幫小朋友決定呢?

講真樂器好似鋼琴呀，小提琴呀，二胡呀等等，都唔平，最怕買左小朋友無興趣學，但咁細個小朋友真係好難講有無興趣，咁你地會點做呢?

同埋你地個小朋友係幾歲開始學樂器? 我仔宜家2.5歲，上緊一些音樂啟蒙班, 想遲d俾佢學樂器, 但唔知幾歲好, 同唔知學咩好, 所以想知其他人是點做呢?

lillymarie

原帖由 Freesia_cat 於 10-12-6 07:16 發表
宜家小朋友越來越細個開始學樂器，但咁細個你地係唔係俾小朋友自己揀，定係家長幫小朋友決定呢?

講真樂器好似鋼琴呀，小提琴呀，二胡呀等等，都唔平，最怕買左小朋友無興趣學，但咁細個小朋友真係好難講有無興趣，咁你地會點做呢?

...

等我講下我細仔. 我發現佢細細個就會不其然咁跟住音樂舞動, 好似有些少音樂感. 所以我心裏打算讓佢學一樣樂器. 我睇書話幾時開始學樂器, 有兩種理論, 一係就等到7歲或以後先開始. 一係就以suzuki為主, 認為早到2歲都可以開始, 但媽媽亦要全情投入. 當然, 個D音樂神童就好早已開始學, 但呢D並唔係一般情況. 我當時諗: 我唔想瞓身陪個仔一齊學, 都係等佢大D先學好了.
我另一個考慮係唔想細仔同佢哥哥一樣學鋼琴, 所以要揀過另一樣樂器. 於是我就諗下自己鍾意咩樂器既聲呢? 因為佢一學就學幾年, 即係我要聽個樣樂器幾年喎. 有D樂器又好貴, 老師亦難找. 最後我諗到係小提琴或大提琴, 都係我可以接受日日聽既樂器. 我問過人, 話小提琴最好5歲開始學. 於是我就俾我細仔聽下小提琴和大提琴的演奏, 問下佢鍾意邊樣. 佢話鍾意大提琴. 我跟住就嘗試睇下大提琴要幾錢, 同埋搵下有無老師. 誰知原來好難搵, 同時我買咗隻關於大提琴的DVD, 裏頭有位演奏家話撘飛機都要買多張機票放個提琴. 自己心裏計下條數真係唔簡單! 咪直接同細仔講, 學大提琴貴好多, 說佢不如學咗小提琴先, 等將來有機會先再學大提琴. 咁細仔話好喎, 就開始學小提琴啦.
我覺得要小朋友有興趣繼續學, 最重要的人係佢既老師.
希望幫到你啦.

Freesia_cat

原帖由 lillymarie 於 10-12-6 08:38 發表

等我講下我細仔. 我發現佢細細個就會不其然咁跟住音樂舞動, 好似有些少音樂感. 所以我心裏打算讓佢學一樣樂器. 我睇書話幾時開始學樂器, 有兩種理論, 一係就等到7歲或以後先開始. 一係就以suzuki為主, 認為早到2歲 ...

多謝你的分享, 其實我兒宜家只係2.5歲, 我想開始發掘下佢對咩樂器有興趣, 然後幫佢搜集多些資料先. 我自己頂唔順鋼琴及二胡, 我估我都唔會叫小朋友學這個, 而鋼琴外最普遍的應該是小提琴吧!

如果我俾佢睇管弦樂團等大合奏表現, 是否可睇出佢較喜歡邊類樂器? 我兒宜家有上音樂啟蒙班, 都有接觸下不同類型樂器, 佢就好似樣樣都喜歡囉!

其實如果你細仔想學大提琴又怕貴, 有無想過試試音統署?

lillymarie

原帖由 Freesia_cat 於 10-12-8 09:05 發表


多謝你的分享, 其實我兒宜家只係2.5歲, 我想開始發掘下佢對咩樂器有興趣, 然後幫佢搜集多些資料先. 我自己頂唔順鋼琴及二胡, 我估我都唔會叫小朋友學這個, 而鋼琴外最普遍的應該是小提琴吧!

如果我俾佢睇管弦樂團 ...

我起初都係買些DVD俾佢地睇, 一邊聽, 一邊話佢地知邊種聲音係邊種樂器. peter and the wolf都係一個好好的音樂去介紹. 另外, 亦係youtube搵不同既樂器片段俾佢地睇. 夠3歲, 小朋友又接受到的話, 可以考慮暑假的"合家歡"節目, 有時會有啱小朋友的演奏會.

我聽細仔既琴老師講, 原來學咗小提琴, 就不宜學大提琴了, 因為握弓的方法不同. 幸好, 細仔現在好鍾意小提琴. 我自己懷疑大提琴都唔啱佢, 印象中大提琴的歌一般都好sad, 起碼把聲拉出來, 一般都較幽怨. 我細仔其實好怕sad stories, 最近學緊一首歌, 老師講咗個關於首歌的sad story, 本意係希望幫佢投入首樂曲度, 誰知佢唔鍾意個故事, 就連首歌都唔想拉, 學咗快三個月都未拉好! 上次老師咪鬧佢: 做乜拉到咁鬼悶, 無黎味道?! 我昨日先同細仔講, 快D搞點首歌咪唔使對住佢囉, 老師話: 唔鍾意個sad story, 就自己作個開心既故事啦! 所以, 細仔話佢呢首歌係打仗歌喎, 希望下一堂老師收貨啦.

share123

原帖由 Freesia_cat 於 10-12-8 09:05 發表


多謝你的分享, 其實我兒宜家只係2.5歲, 我想開始發掘下佢對咩樂器有興趣, 然後幫佢搜集多些資料先. 我自己頂唔順鋼琴及二胡, 我估我都唔會叫小朋友學這個, 而鋼琴外最普遍的應該是小提琴吧!

如果我俾佢睇管弦樂團 ...

身邊有d家長3歲開始俾小朋友學小提琴,4歲學鋼琴,不過家長一定要同佢地一齊學,或者本身有音樂基礎,甘先會令小朋友無甘容易放棄.呢方面你自己可以衡量下.

horse_mom

我都覺得學鋼琴係基本的，我囡囡除咗學鋼琴之外，仲學緊琵琶，因為我個女細，進度係慢D，但佢好有興趣學，見到佢練中國兒歌都好好聽呀!

Freesia_cat

Peter and the Wolf 是DVD嗎?

原來學左小提琴就唔適合學大提琴, 真係要諗清楚囉!

原帖由 lillymarie 於 10-12-8 09:30 發表

我起初都係買些DVD俾佢地睇, 一邊聽, 一邊話佢地知邊種聲音係邊種樂器. peter and the wolf都係一個好好的音樂去介紹. 另外, 亦係youtube搵不同既樂器片段俾佢地睇. 夠3歲, 小朋友又接受到的話, 可以考慮暑假的"合 ...

Freesia_cat

我本來都想同阿仔一齊學, 但時間唔許可. 慘, 我淨係食唱K, 樂理等咩都唔掂, 咁係咪會影響我小朋友學習樂器呢?

原帖由 share123 於 10-12-8 09:42 發表


身邊有d家長3歲開始俾小朋友學小提琴,4歲學鋼琴,不過家長一定要同佢地一齊學,或者本身有音樂基礎,甘先會令小朋友無甘容易放棄.呢方面你自己可以衡量下. ...

Freesia_cat

Sorry, 我唔知邊度有得學二胡, 幫唔到你.

原帖由 woowooma 於 10-12-8 10:23 發表
請問邊度有二胡學?

Freesia_cat

係咪真係要學琴先? 但我好唔鍾意琴, 而且我見朋友個仔都無學琴, 直接學小提琴, 都好似無咩問題呀!

lillymarie

Peter and the wolf 彼得與狼
係一首樂曲，說一個簡單的故事。當中用不同的樂器扮演不同的角色。例如絃樂樂器是彼得，巴松管是彼得的爺爺，長笛是小鳥，clarinet is the cat, oboe as the duck, French horns as the wolf and the drums as the hunters.

應該唔難搵，我屋企的是sesame street VCD, and a CD with Harry 哥哥做旁白。

你小朋友咁細個，最好係搵你自己最鍾意的來聽或看，佢地好受媽咪影響的。唔使現在決定的，忍耐下先，如果係佢自己想學的話，會少好多磨擦。我自己覺得5歲之後好些，5歲個人定好多，亦較知自己想要乜。你亦會更了解佢既性格係點，乜野啱佢多些。

Freesia_cat

咁我去買隻Peter and the wolf 俾阿仔試下聽先，係咪普通如hmv都有得賣? 謝謝!

原帖由 lillymarie 於 10-12-8 21:31 發表
Peter and the wolf 彼得與狼
係一首樂曲，說一個簡單的故事。當中用不同的樂器扮演不同的角色。例如絃樂樂器是彼得，巴松管是彼得的爺爺，長笛是小鳥，clarinet is the cat, oboe as the duck, French horns as the wolf an ...

lillymarie

原帖由 Freesia_cat 於 10-12-9 10:27 發表
咁我去買隻Peter and the wolf 俾阿仔試下聽先，係咪普通如hmv都有得賣? 謝謝!

HMV, 香港唱片, 或者大衆書局可能會有. 我好多年前買的. 阿仔最鍾意"芝麻街"個VCD, 到今朝我係youtube搵到條片俾佢聽, 叫佢估係咩歌時, 佢第一個反應仍然係: 芝麻街!

得閒上下youtube都搵到好多寶架.

另一首樂曲我覺得幾好既係:
pictures at an exhibition
youtube有好多, 你可以去睇睇呢條片:
http://www.youtube.com/watch?v=pa1kTx6rx7Y&feature=related
據聞作曲家參觀佢身故朋友的畫展後有感而作. 音樂述說佢睇畫展的過程, 當中用音樂描述幾幅圖畫. 好精彩!

[ 本帖最後由 lillymarie 於 10-12-9 11:12 編輯 ]

Freesia_cat

多謝賜教，講真我對音樂真的不在行，唔係好識分邊樣係邊樣樂器。

另外我想問，有人話管樂唔係個個能學，而係要睇肺量，要夠氣吹才可學，唔知係唔係呢？好似又有道理咁.......

咁弦樂又有無咩限制呢？我聽人講學小提琴需要小朋友先明白三維，才適合學。

原帖由 lillymarie 於 10-12-9 10:54 發表

HMV, 香港唱片, 或者大衆書局可能會有. 我好多年前買的. 阿仔最鍾意"芝麻街"個VCD, 到今朝我係youtube搵到條片俾佢聽, 叫佢估係咩歌時, 佢第一個反應仍然係: 芝麻街!

得閒上下youtube都搵到好多寶架.

另一首樂曲 ...

*~heARt~

您們好!
我亦想將我的經驗與你們分亨.

我覺得小朋友從小開始引導他們對音樂的興趣是有必要的, 因為音樂隨了令人陶野性情外, 還可以令人舒緩壓力.

為可我用”引導”呢? 因為不是每個小朋友都一出生就喜歡音樂. 要決定他們幾歲開始正式學音樂, 是取決於從小觀察他/她當聽到音樂時的反應是否強烈. 例如當聽到音樂時手舞足動等等…
如反應強烈者, 則越早接受正式學習越好.
如果無什麼反應者, 則無須花費太大, 在小學階段中參加不同的樂器班, 從而選擇他喜歡的一種樂器, 再加上平時多帶他聽”小交嚮樂團”專提供給兒童的音樂會便可以了.

我兒子就是這種沒有音樂天份的人. 他在小一時與我一起參加親子小提琴班, 我當時亦以為有家長參與一起學是最能幫助小朋友投入興趣, 但原來不是這會事的, 每個小朋友都有不同的性格, 當時我的進步比他快, 他就越來越無心機繼續學下去, 半年後, 最終大家都放棄了. 但我仍然不斷帶他聽”小交嚮樂團”的音樂會. 直到小四, 校方開了一個管樂團, 不須買樂器, 每年付HK$200.00以作租金, 但基於衛生問題, 樂器嘴就要自費. 因不是太昂貴所以我再次游說了他學Saxophone(即鍾鎮濤吹的樂器一樣)---這樂器與小提琴一樣, 可以作主音及個人獨奏, 如一個人開心或不開心時, 可以獨奏以作平衡心靈之用都幾好的.

由小四至中四咁多年的學習過程中, 我總覺得他都不太投入, 而且更不用說考幾多級樂理. 不過我是過來人….知道陪育小朋友是不能強迫的, 只能耐心引導. 直至今年暑假, 經同學半推半就下參加了一個樂團, 由於Saxophone已人滿, 要他改吹單簧管, 雖然他從未學過(吹嘴是一樣的), 他亦很快上手了, 3個月後還可代表樂團出席表演. 我曾向他打聽他想法…..他表示非常認真及心情興奮. 我覺經此一戰之後…….可以說是直到今天他才真真正正的投入音樂. 我的引導亦原滿結束.

lillymarie

原帖由 *~heARt~ 於 10-12-11 13:59 發表
您們好!
我亦想將我的經驗與你們分亨.

我覺得小朋友從小開始引導他們對音樂的興趣是有必要的, 因為音樂隨了令人陶野性情外, 還可以令人舒緩壓力.

為可我用”引導”呢? 因為不是每個小朋友都一出生就喜歡音樂. 要 ...

多謝你的分享! 很佩服你的堅持和耐性!

lillymarie

原帖由 Freesia_cat 於 10-12-11 07:42 發表
多謝賜教，講真我對音樂真的不在行，唔係好識分邊樣係邊樣樂器。

另外我想問，有人話管樂唔係個個能學，而係要睇肺量，要夠氣吹才可學，唔知係唔係呢？好似又有道理咁.......

咁弦樂又有無咩限制呢？我聽人講學小提琴需要小朋友先 ...

賜教不敢當! 我只係分享我所知, 務求拋磚引玉咋!
管樂, 有難吹和易吹的樂器, 簡單講, 管越粗越簡單越容易吹. 難: 圓號--------->低音大號: 易. 不過銅管樂器都幾大件, 起碼小學先考慮.
三維係咩黎架?

Freesia_cat

三維是指3 Dimension，我聽人講鋼琴較易上手，因為鋼琴彈奏的動作只是兩維，但小提琴彈奏的動作則屬三維，因此小朋友較難學習。

我一直以為管樂是越大越難吹，原來剛剛相反，咁就知我對音樂有幾多認識啦!

咁學樂器是否須同時學樂理? 但會唔會好悶?

謝謝你呀!

原帖由 lillymarie 於 10-12-11 18:07 發表

賜教不敢當! 我只係分享我所知, 務求拋磚引玉咋!
管樂, 有難吹和易吹的樂器, 簡單講, 管越粗越簡單越容易吹. 難: 圓號--------->低音大號: 易. 不過銅管樂器都幾大件, 起碼小學先考慮.
三維係咩黎架? ...