迦南N1

carrie1023

我都係今日in, 我諗我個仔fail  
我個仔23個月, 平時係屋企乜都講, 一出街乜都唔講, 去到迦南都ok, warm up玩玩具仲好好, 同其他小朋友玩, 但佢一入到課室in果時就拉住我要走, 好彩佢無喊, 只係扭抱, 又唔肯拉櫈, 又唔肯自己坐, 佢要我抱住坐, 我為咗佢唔好喊抱佢一陣, miss問佢叫咩名佢唔講(因我個仔仲未識講自己個名), 我嘗試叫佢自己坐櫈, 佢唔肯, 我唯有叫佢企係度, 好彩佢肯咋. 跟住miss叫佢推架車俾我又唔肯做, 玩顏色叠高做到, miss收埋顏色玩具, 佢居然扭要點都唔肯放手, 我即刻同亞仔講, 如果想要點講, 好彩佢仲識得講"please"(係屋企同佢講簡單英文), miss都肯俾佢拎住, 但因掛住玩顏色玩具, miss叫佢拼圖佢居然唔理miss, 仲自己係度玩, 我唯有同亞仔講要佢玩拼圖, 佢好唔願之下都拼, 初時佢唔知係乜(我無同佢玩過), 我話俾佢知係飛機, 叫佢睇吓右上角張圖係點樣, 跟住放, 好彩佢做到, 當miss俾禮物佢, 佢無講"thanks you", 要我叫佢先識推櫈, 同埋同miss"say bye bye"