請問有冇N1D1(PM)同學仔

媽珠

Hi! loloyen,

你實係好忙喇! 今日有冇還書呀? 阿女星期一晚已經自動將本書放落書包. (可能  Miss Lam 叫啦, 睇完可以還返先, 阿女話好多人唔記得還) 不過佢放錯咗響圖書管借嘅嗰本書 , 所以尋晚自己又要再放返本o岩嘅落書包.

媽珠

Hi! loloyen,

噉你忙你嘅搬屋工程啦! 唔得閑就唔好答我啦! 但都要上o黎睇睇 啲最新消息, 我會提下你之後有啲咩活動o架喇!
15號星期三 : 要著便服(紅, 綠或彩色--要有聖誕氣氛嘅), 影相o架, 同你 BB 著得SMART 啲呀!
16號星期四 : 帶聖誕禮物 (價值 $20 - $30), 用o黎 20 號交換 o架. 最好唔好買食物及易碎品. 有時間包裝一下及寫啲祝福語啦!

媽珠

Hi! loloyen,

傢俬要平就要買現貨 唔好訂做啦! 因為我想同阿女執過間房, 所以都有keep 住睇傢俬. 之前同個傢俬鋪店員傾開, 佢話而家啲小朋友鍾意嘅公仔太多, 啲傢俬要畫返出啲公仔出o黎, 效果唔係太好. 所以佢提意做白色, 返屋企自己貼貼紙(即係透明貼玻璃嗰種)
興趣班呢次我都唔 join 啦! 因為冇時間.
便服日如果唔著聖誕老人衫, 著返紅綠色嘅衫囉!

媽珠

Hi! loloyen,

噉祝你搬屋順利, 快啲搬完安樂過年啦!
你係咪搬得好遠呀? 駛唔駛 check 下校車路線呀?
我都冇買禮誕衫比阿女著, 因為佢唔會鍾意著, 我會同佢著紅裙+聖誕帽. 前日已經襯咗比佢睇, 阿老細都OK 咗啦!
你記得買禮物呀! 我怕自己唔記得, 所以前兩個星期行街時已經買咗. 係玩具嚟o架. 如果你冇 idea, 你可以去文具鋪睇下, 因為我覺得嗰度有好多嘢都好o岩小朋友, 好實用.

媽珠

Hi! loloyen,

比聖誕老人嘅信上星期五做完功課阿女自己跟手寫咗. 我教佢要畫啲聖誕節嘅嘢. 佢就大筆一揮畫咗好多佢識我唔識嘅嘢. 而 merry christmas 同佢個英文名就係我寫響張白紙到叫佢自己抄落去. 佢重貼咗好多貼紙話要送比聖誕老人o添. 上星期六跟手寄埋, 怕自己唔記得,
今日好 , 昨晚已經同阿女講好要著down jacket 返學. 點知頭先著衫時左扭右扭先著.到著鞋時又要著波鞋, 我都費事同佢糾纏, 由得佢著囉. 好在學校對服飾唔係好嚴格. 如何唔係.....

原帖由 loloyen 於 10-12-14 00:08 發表
hi!媽珠
我本來都有考慮搬去遠啲,不過諗深一層我係呢區都住咗十年,買餸同啲檔口好熟,重成日吹水咁 ,又有價講!所以決定搬番呢區,阿仔重可以繼續搭同一架校車,因為阿仔好like個校車ee,不過要早一個站上車同落車 ...

媽珠

Hi! loloyen,

係呀! 前兩日下午都出咗去, 所以冇上嚟.
今日我都唔去接啦! 因為 , 又唔知C6 去唔去, 我唔想 重行同條毛毛蟲(阿女件 DOWN JACKET 係長身草綠色o架) 行去又一城.

媽珠

Hi! loloyen,

重有呀! 呢兩日阿女成日講 "  I love you" , 又話做咗張咭比我同 C6....
今日派咗張 CD 同 halloween 班相, 個個都影得好靚

原帖由 媽珠 於 10-12-17 17:28 發表
Hi! loloyen,

係呀! 前兩日下午都出咗去, 所以冇上嚟.
今日我都唔去接啦! 因為 , 又唔知C6 去唔去, 我唔想 重行同條毛毛蟲(阿女件 DOWN JACKET 係長身草綠色o架) 行去又一城.  ...

媽珠

Hi! loloyen,

我就覺得你仔仔響張相到好cool, 幾型仔細 !! C6見張相就問點噉少女仔??
佢哋班真係有個女仔叫 Minnie, 上星期佢哋玩雪球大戰, 阿女有兩次同佢做 partner. 佢哋玩得好開心.
阿女一講起 Minnie 就會話佢個英文名同 Miss Lam 一樣都係叫 Minnie .

媽珠

Hi! loloyen,
封信我未收到呀! 因為我唔記得寫地址, 尋日先補返比Miss Lam. 希望 Christmas 可以收到啦! Miss Lam 應該教佢哋 寫咗 " I love (heart shape) U" 響上面, 你細心啲睇下.
張相我都收到呀! Yvonne係佢同學，Tracy 係佢姐姐. 上次睇話劇佢哋兩姐妹都有嚟. 因為 上次 Yvonne 同阿女一齊坐, 所以我有印象.
係Yvonne 送出嘅文具套裝. 佢嗰份比個男同學抽咗. 我問佢哋用咩方法交換, 阿女話係每人自己抽number, 但如果抽到自己嗰份就再抽多次....
尋日佢哋玩到癲晒, 連功課都冇時間做. 好在阿女生性自動做晒.
尋晚阿女又提我好多次今日要著靚靚返學, 佢好祈待今日, 因為又有得玩. 所以今朝好早就醒咗等返學. 氹佢瞓返之後竟然唔起身, 要我12:00 收佢先起身.
今日我要去接阿女, 因為我改咗今日見家長.

原帖由 loloyen 於 10-12-21 00:25 發表
HI!媽珠
我都冇留意到男多過女,你真細心,原來真係有MINNIE呢個女仔,阿仔成日講嘢都唔清楚,都唔係好知道係未真有其人,現在知道明白晒 !今日我都收到一張聖誕咭係郵寄,係之前阿仔係學校做個信封,原來入面係
MIS ...

媽珠

Hi! loloyen,
我都好開心 , 呢班同學啲 daddy & mommy 同好 其他小朋友. 好似聖誕老人筆由 Ted 媽媽送出, 而棉花糖由另外兩個小朋友( 唔記得個名) 送出.雖然係小禮物, 但我覺得好warm.
你幾時家長日呀? 尋日放學順便見埋唔駛又去多一次. Miss Lam 比阿女嘅評語都唔錯, 因為始終係大B, 又讀過 PN 班. 見到阿女平日上堂啲圖畫同勞作真係圖中有物 , 我特別安慰 . Miss Lam 話阿女響音樂同繪畫都有啲天份, 可以比佢發展下. 不過情緒方面要注意下, 因為起伏都幾大. 尋日一落車就 . 因為尋日佢 12:00 先起身, 為咗快我就放茶點盒時順手抽咗啲書出嚟. 可能上咗校車佢自己先記得冇執書包, 睇睇下唔見晒啲書佢怕Miss Lam 唔開心所以咪 .
前兩日玩得太開心啦! 所以今日起身佢自己記得唔駛返學又 . 真係 .
放假啦! 大家都忙啦! 可能要下年先見喇! Merry Christmas!!

媽珠

Hi! loloyen,

阿女會予1月22日開生日會 , invitation card 今日請Miss Lam 派給小朋友, 希望你哋如有時間請抽空出席. 雖然阿女識晒各人名字, 但我怕 寫錯名所以問Miss Lam, 但佢答覆話同學名字係私隱 唔可以比我. 所以我將halloween 張相小朋友個樣剪出嚟貼上去. 希望你唔好介意.

媽珠

Hi! loloyen,

因為我哋太遲 book房, 好多時間都比人hold 晒. 所以 party room 只有1:30 - 2:30 給我們用. 跟住每個小朋友會有1袋禮物包, 入面有遊戲劵同 代幣. 各位就可以係響出面自由玩遊戲. 多謝你們答應來, 我會留一袋禮物包比 Lincole. 我相信佢一路排隊都見到同學仔佢實會覺得又出其 又開心 .
唱 birthday song 就留返響學校生日會一齊唱啦! 我諗1月份應該會有生日會. 我估唔係21號就係28號啦! 因為31號都放年假囉. 1月份除咗阿女重有Michelle都係主角, 尋日見到 Michelle 婆婆, 佢同我講o架. Michelle 你應該見過, 日日都係公公婆婆接放學o架, 即係張相最後排, 中間位著snow white 裙嗰個女仔, 短頭髮面尖尖好易認.
阿女都話 Minnie 佢好朋友, 如果冇記錯. Minnie 就係 Michelle 同阿女中間嗰個女仔.

媽珠

Hi! loloyen,

paper 上第一張相阿女話小朋友在玩水, 隔離嗰張在哭. 講真句, 佢唔講我真你睇唔 到個公仔做緊咩! 希望佢無聽錯啦!

Oral 我明天問下阿女先, 但我知考咗唱歌. 佢哋自己唔知  考試o架. 因為阿女話幾個人一齊對住老師唱, 我都唔記得問佢嗰日唱咩歌o添.

今個星期佢哋 revision 緊中文字. 阿女由上個月只識3成字, 變到尋晚問只錯1個字. Miss Lam 真係好勁 呀! 我知佢哋用象形文字方式+遊戲教小朋友. 阿女入晒腦. 之前我自己都係用象形文字方法教阿女, 但成放冇 Miss Lam 教噉好. 呢幾仟蚊真底 比.

媽珠

Hi! miuc888,

唔緊要啦! 下次有機會再玩過啦! 不過如果你有時間多啲上嚟傾下計啦!

原帖由 miuc888 於 11-1-9 22:33 發表
[quote]原帖由 媽珠 於 11-1-9 00:19 發表
多謝你邀請Donald Wong 去你女女個party,但因為我個日要返工所以來不到,真的好抱歉呀! 下次有機會再一起 ...

媽珠

Hi! loloyen,

Oral 應該考咗喇! 過程應該係 Miss Lam 請幾位小朋友一齊唱一首歌比佢同Mr. Win 聽, 之後就由 Mr. Win 向每個小朋友續一問問題, 阿女話淨係問字母 -- Which one is "p" / "s"......

媽珠

Hi! loloyen,

其實第二張相我都覺得係洗面, 但阿女話喊就由得佢. 如果真係錯咗等佢下次小心啲囉!
你都唔駛太担心, 其實佢哋嘅考法都同平時上堂差不多, 你BB 又唔係唔識, 只係睇佢開唔開口答. 我相信 Miss Lam 實有方法令佢答嘅.

原帖由 loloyen 於 11-1-10 00:40 發表
HI!媽珠
個張功課第一幅我當係洗手,第2幅應該係洗面,不過個圖畫都幾蝦人睇mouth:" /> !
原來已經考完ORAL,唔知阿仔得唔得,不過都係唔得架啦!你知阿仔表達能力比較差,唔好咁大希望 !
我都好佩服學校 ...

媽珠

Hi! loloyen,

尋日落街接車, 問阿女Miss Lam 有冇問佢中文字佢又唔講. 到同佢沖涼佢先話茶點時食咗個麵包兩啖就放低. Miss Lam 問佢見唔見到個麵包(未食完). 佢就 . (話 Miss Lam 罵佢) 今日唔肯返學, 我同佢講Miss Lam 唔想佢肚餓又唔想小朋友浪費. 所以先提佢要食多啲. 之後又教佢同Miss Lam 講SORRY!! 同陪佢返學一齊講. 沿途都好開心, 到學校同 Miss Lam SORRY 完都冇嘢. 點知我多手同佢 BIG HEART + KISS 完佢即刻 . 喊到主任同副校長都嚟睇佢咩事.
.... 下次都係唔好噉多事喇

媽珠

Hi! loloyen,

真係好無奈, 成日無端端響度扭計喊 . 喊極唔停..... 而家又扭唔肯上溜冰堂 .
你BB上星期畫圖畫畫咗落枱度, Miss Lam 叫咗佢都重畫落枱上面, 所以Miss Lam 比tissue 佢叫佢清潔返. 可能 係呢件事啦!
你嘅搬屋工程進度如何? 有時間先覆我啦!
星期六 改咗 2:00 開始, 因為下家 confirm 咗時間放返啲位出嚟. 希望大家唔駛太趕.

媽珠

重有呀! 尋日阿女放學話 monitor . 要好乖聽 Miss Lam 話先可以做o架!! 我問佢  monitor 要做啲咩佢又唔知 , 但問佢想唔想做佢又話想 .

媽珠

Hi! loloyen,

呢排都唔係好得閒上嚟! 上星期攬阿女 birthday party攪到 . (希望大家都玩得開心啦!)又要同佢買中國服(做格格). 今個星期又要大掃除過年   . 你搬好未呀?
呢兩個星期阿女成日問我哋有冇揮春? 有冇全盒? 今日又問我哋有冇團年飯?而家叫緊我一定要貼揮春, 如果唔係年獸會嚟我哋屋企  .....

希望嚟緊呢幾日個個小朋友都玩得開心啦!!

原帖由 loloyen 於 11-1-18 15:46 發表
hi!媽珠
個件事阿仔都係咁講,自己話畫落枱到,昨日阿仔冇返學,有小小鼻水,今日好好多,所以我唔知乜係monitor,sorry!睇下今日阿仔返嚟有冇講啦!你女女睇嚟幾情緒化,要慢慢教 !
呢排真係好忙,入箱入箱入箱入箱 ...