一條龍

hotdogpapa

「一條龍」學校名單 2004/05

(1)中華基督教會方潤華小學( 下午)/中華基督教會方潤華中學~元朗
(2)中華基督教青年會小學/中華基督教青年會中學~元朗
(3)順德聯誼總會伍冕端小學/順德聯誼總會翁祐中學~元朗
(4)天水圍循道衛理小學/天水圍循道衛理中學~元朗
(5)香港教育工作者聯會黃楚標學校/香港教育工作者聯會黃楚標中學~離島
(6)嗇色園主辦可譽中學暨可譽小學~離島
(7)靈糧堂秀德小學/靈糧堂怡文中學~離島
(8)東涌天主教學校~離島
(9)佛教黃藻森學校/佛教正覺中學~西貢
(10)東華三院王余家潔紀念小學/東華三院呂潤財紀念中學~西貢
(11)英華小學/英華書院~深水

hotdogpapa

按立人的網頁，“一條龍”定義解釋如下：(部分學校資料可能未update)

一條龍制及直屬和聯繫學校
結龍中小學必須符合三個原則， 最棘手的為：

第一： 資助模式要相同， 而私立和直資會被等同。 現時， 天主教教區和天主教修會內有六間學校均是中、小學同一學校舍， 可能會最快結龍。 不過， 部分學校的小學部屬私校， 中學部屬政府資助，故先要解決資助模式不一的問題！

第二： 中學學額需超逾小學， 據規定中學須全數收取小學所有小六畢業生， 在減去5%留級學額後， 還要保留不少於中一學額的15%(新校為20%)， 供其他學生循自行收生或統一派位入讀， 但香港華仁現時中學學額不足以全盤接收小學學生， 故要尋求解決方法， 包括撥地另建小學， 縮減小學班數或擴大中學校舍等。

直屬和聯繫學校符合該三項原則，最遲在2005年5月31日要表示願意結龍， 並在2006年9月開學的小一採用一條龍辦學， 即是如果該條龍為私立或直資而附設幼稚園的話， 則在2003年入讀K1的孩子可循一條龍辦法升中 ， 即小六畢業生可選擇直升中學， 或經自行分配學位， 申請其他中學， 如不獲得其他中學的自行分配學位後， 仍可參加統一派位(可選擇原屬一條龍之中學) 。 但不轉為一條龍的話， 要在2005年中宣佈解除直屬或聯繫關係， 在升中時， 即2012年9月， 按當時的升中收生機制辦事， 即是中學只可在自行收生中名額中有自主權。

直屬和聯繫學校未能符合該三項原則，則最多有十年時間考慮， 如不轉為一條龍， 最遲需要於2012年中解除關係， 並於2019年9月升中時， 按當時的升中收生機制收取中一學生， 即是中學只可在自行收生中名額中有自主權， 如轉為一條龍， 則在2013/14學年的小一開始一條龍模式， 死線為2012年， 這類型直屬和聯繫學校為數不少(其一為ST_ PAUL'S CONVENT), 絕大多數是私小和津中， 而其中部份的私小設有幼稚園， 即最遲在2010年9月入讀該等幼稚園K1的小朋友就被影響。

在此之前入學的幼稚園生， 皆按現有的直屬和聯繫學校機制升中，即直屬中學在扣除重讀生及校方自行分配的中一學位後， 可保留最多至餘下的85%給其直屬小學學生， 聯繫學校則為最多至25%, 而在直屬和聯繫學校就讀的小學生， 如以直屬和聯繫中學為第一志願時， 而該小學生為第一或第二派位組別時， 便有資格獲派其直屬和聯繫學校。
為什麼學校要參加一條龍呢?
因為不願意轉為一條龍學校的直屬和聯繫學校， 須由2012 / 13學年開始解除連繫關係， 按一般公營學校的收生機制分派中一學位， 即是說沒有選擇， 不是轉為一條龍， 便是解散， 再不能保持目前的關係。

部份傳統學校都是完全符合一條龍三個基本要求， 有條件轉為一條龍的：如喇唦、 瑪利諾、 香港華仁、 聖羅撒、 聖保祿、 聖瑪利、 聖心、 瑪利曼、 瑪利諾神父、 聖家、 拔萃、 協恩、 聖士提反女校、 循道… 等等。 其中部份需解決中學學額不足以全盤接收小學學生的問題， 例如香港華仁書院與番禺會所華仁小學。

亦有部份決定不會轉直資， 亦不會實行一條龍的辦學模式， 四所真光中學及書院會利用自行收生學額取錄來所屬小學的學生， 位於大坑道的香港真光中學及九龍真光中學設有私立聯繫小學， 而鴨脷洲的香港真光書院則申請開辦一所直資小學， 但九龍窩打老道真光女書院未設有聯繫小學。

而其中擁有不小私立學校的天主教教區雖然反對直資， 但為了解決結龍的相同資助模式， 讓部份天主教傳統名校維持學校質素， 脫離政府的教改政策， 也逼不得已不反對它們中約十間可能轉為直資的意願。 但亦有私小的直屬或聯繫中學決定不會轉為直資， 如聖母小學及德貞小學。 但仍希望和現時的中學保持關係， 聖母小學正積極尋找新校舍， 希望將小學部轉為津貼， 以便能與聖母書院結龍， 德貞小學則至今仍未有所決定。

以往小一入學時校長擁有的十分恐怕不能復辟了， 而現時的小一入學暫緩機制亦恐怕沒有太大的修改， 因此不論現在將來， 沒有足夠分數和運氣的小朋友， 最好選擇質優的私立或直資小學， 最美滿是還有直屬中學， 該等學校之幼稚園勢必成為家長的目標。在2003學年入讀K1就要留意報考的中小學是否結龍， 因為符合三項條件的直屬和聯繫學校的結龍死線是2005年5月31日, 如不符合的， 則還有十年時間考慮， 即2010年入讀K1的小朋友。

hotdogpapa

哈哈…好多時見到一o的“官樣”文章，全部係中文，個個字都識，但就是不明白，有時我都要消化好耐好耐先至明白！
都係用“熱狗式”解說，希望大家容易明白一點：

一) 唔結龍有咩問題？解散而家“中小學”之間唔湯唔水關係，(有o的小學為私校，中學變成津校…)以後收生再冇得揀！政府俾咩你就食咩，鬼叫你同我

hotdogpapa

kimmandy：

哈哈…好多謝你o既讚賞！
丫…你係唔係寫開“笑話”話架？如果唔係點會同“熱狗”開咁大個玩笑？
一)        讀書唔多o既“熱狗”邊有資格爬格仔呢？而且“熱狗”只是粗人一個，客氣說話唔識講(成日得失網友…)、口快心直(打完就出街，成日講錯野…)、水平偏低(唯有加o的白話搭夠…)…目的只係想爸爸媽媽們、娘親老爹們放鬆一點去討論小朋友升學o既問題！(好鬼認真~~o既哈里波波唔好話我“哂命”啵！)
二)        社評係一間報館o既“靈魂”，亦都係一個好嚴肅o既作品…只係同才子有關…

hotdogpapa

lamba：

所謂“上有政策，下有對策”，如果中學因“全收”而出現素質下降問題而不能退貨！又要保住百年老店o既聲譽！冇得篩選可以挑選嘛~在小一收生時作出嚴格挑選，保證六年之內必定可以成龍/鳳者才收！
又或者到時候在小學玩下“金字塔”也未嘗不可！
放心啦....有辦法o既！

hotdogpapa

vicky99 ：

暫時未知，因教署結龍期限又改了~~將順延至二○○六年五月三十一日云云...

俾學校諗清楚結龍好還是直資好~信之結龍惡，還是直資好？

似乎而家流行直資多d啵！

一登龍門，升價十倍？

聽講一間等執粒(殺校)小學一改直資立即全院滿座！

信耶？

hotdogpapa

Virgokaren：
“熱狗”很少入屯門，不過該校只是一間八十年代建築學校，並不算“古色古香”！未知Virgokaren所說為何校呢？只知佢“殺校”時攪過：一人一電話、靜坐抗議、家長支持信…俾李局長，局長日理萬機(錢！錢！錢…)當然唔會蘇佢…校長死死氣為了飯碗…唔係一隻啵，係過百隻！(幾多人跟佢搵食？主任、教師、書記、文員、校工、校巴、印刷商、膳食商、電腦商…)星島日報十一月十一日報導：《該校同PLK合併後立即除衫(變身)成直資小學，即時成為家長熱門之選，去年收生只有二十人，今年已聲價十倍，接獲二百二十份申請表，平均一點八人爭一個學位云云…》
點解“直資”咁吃香？純粹係“熱狗”之個人睇法，如有雷同，純屬巧合：
優點：
一)        直資有收生自由：收生時係都要考試丫，家長先鐘意喎，吹咩李局長！
二)        收費自由：平民化收費，“我個女讀直資架！”幾好聽呀！家長學校一齊哈哈哈！
三)        課程設計自由：市場要法文有法文讀、興講俄文我即刻轉…
四)        校董會組織不受控制自由：校長話“呢度幾時輪到你話事丫？”
五)        聘任自由：最最重要的…是炒一個唔聽話主任級老師(講得唔好聽：有o的仲係解放前思想o既老人家，仲係學校改革o既阻力…)可以請兩個乖乖新老師了…後生仔女點都同小朋友距離拉近一點！
六)        缺點：
一)        以學生“數目”作為津貼：收一個俾一個錢，以前開一班(2x可以開一班？)俾一班錢；不過睇落完全唔使愁啵，睇屯門個間等執粒o既“完亞完”(估到校名未...哈哈！)小學變身後成個咸蛋超人咁掂，仲唔大把人過o黎學野？
二)        老師要求要較高：更加唔使驚！校長話：“邊個仲夠膽同我講“舊屎”點點點…o既企出黎…唔該佢睇下尋日張報紙：《本校誠聘助教一名，大專以上程度，月薪五千元、另校工一名，略懂水電，月薪七千起…》。
三)        自己要控制成本：校長收生都收唔切…書記數錢都數唔哂(可唔可以有bonus o既呢？)…何懼之有？

“熱狗”自言自語道：“見到官津都可以轉直資時，就是香港教育翻身之日！”

hotdogpapa

3G：

有理！
PLK在前、直資在後，家長趨之若鶩！

hotdogpapa

virgokaren：
拿，講明先丫，第日“熱狗”出書(狗都識字，仲唔係天下第一書？)一定要捧場呢！幾時？當狗狗再冇得看門口、當狗狗再冇得擔骨頭、當狗狗再冇人養、當狗狗一分鐘可以打出一百字，當狗狗心唔夠口講得快、口唔夠手打得快之時囉...

你所講o既唔係鮮魚行學校嘛？唔殺得架，梁校長革命尚未成功…同志還需努力…梁校長間學校想轉直資，相信都冇咩人蘇佢！校長孤身應戰，祝佢一路順風...

鮮魚行校長梁紀昌先生係值得“熱狗”崇拜o既教育界人士之一！(看官睇完後，睇法如何？)
佢本來是教統局(前教育署發展主任，當了廿年官，月薪一定多過當窮校校長多多聲，又未到退休/有長俸之年…勇氣可嘉…)睇唔過香港之教改而辭職當校長(其實係佢越做越心驚…)，希望以可以有教無類，春風化雨！鮮魚行是一所破舊不堪o既垃圾學校，(當時似乎冇咩人敢寫信應徵，佢與校董之對話“熱狗”忘記了…一定係感人肺腑！)學生多是低下層一群(新移民、綜援人士…)，佢每日第一個返校、最遲一個走人、朝七晚九、年中無休；任何時間小朋友、老師都可以搵到佢傾偈，問問題！佢為了提高學生閱讀興趣，私下請全年閱讀超過一百本書之小朋友“遊直昇機河”！(好多小朋友從未去過過海，唔好講坐直昇機…)甚至小朋友屋企冇錢交電費都可以同佢借住先…o係佢個人同老師努力之下，學生成績明顯地進步，家長越來越喜歡！咁都要殺，公理何在？唔通高官淨係識得睇數字(23人才開班，少一不可！)做人乎？好彩仲有個甚麼“視學報告”(七間小學唯一合格…)救番學校….仲有人幾萬、十幾萬咁捐款…多謝有心人士支持梁校長教學理念！

Virgokaren問：《但係佢轉左直資係咪大換血呢？如果唔係，果班老師咪即係由【做又36，唔做又36】時代變左而家【為兩餐乜都肯制】時代？果時做唔好，而家又做得好？？？真係唔多明解？》…都是醜陋的中國人，“熱狗”都係唔講喇…

答案：跑馬地的寶覺小學透過興訟而獲准自資辦小一、大角咀的鮮魚行學校則通過特別視學而翻生、屯門的道聯會圓玄小學校則獲准與同區的保良局小學合併為直資小學、大角咀的志潔小學也獲准與將軍澳的優才中學結成一條龍直資學校…

hotdogpapa

virgokaren ：
真係要考慮清楚先好諗出書問題：
一)一本書先值一個幾毫，學霑叔出六十四版都唔掂架~點算呢？哈哈…
二)        寫咩好呢？熱狗學貫中西、樣樣皆能，都係諗下先…哈哈…
今年殺校好似廿幾間(六年之後就到中學了…)，得四間可以生存，可悲！
如果呢幾年唔係多得“國內同胞”大力支持，睇怕香港出生率都接近零；到時殺校可能要二百幾間，點算好？
梁校長要有教無類喎~邊有人同佢傾得埋呢？