推介~屯門裘錦秋中學

adrian媽咪

我個女上年派左屯門最出名既爛仔中學,後來有朋友叫我考慮裘錦秋,我問過好多屯門人既意見,發現呢間中學資料唔多,好低調,無咩評價. 不過唸唸下覺得點都好過譚XXX, 就去左叩門, 成功入左呢間學校.

入左去之後,我非常留意學校既管理, 師資及操行, 唸住有咩唔妥, 就即刻退學轉私校, 但係至今已經讀左一年, 呢間學校令我好感動, 學校好積極咁去發展所謂既德智禮群美, 佢地真係會幫你管教學生, 我個女而家同老師傾心事多過同我傾........

我衷心將呢間學校推介比一D派唔到心儀中學既家長, 我當初的想法是這樣, 個女BAND3成績已經係一個事實, 我唯一幫到佢既, 係搵一間BAND3之中, 起碼安全既中學比佢, 令佢唔好學壞, 唔好被欺凌, 開開心心咁番學, 結果學校不負所托, 我個女相比派起左譚XXX既同學仔, 真係好好多, 起碼我唔駛好似佢地D媽咪咁日日擔驚受怕.....而個女亦因為讀得開心, 人也開始積極, 起碼肯溫下書.

事實證明, 我既想法是對的! 我只有一個原則, 成績唔好, 我唔強求, 不過, 一定要健康快樂咁成長, 當子女有一個良好學習環境, 保持好心態, 成績自然會進步.

我賣哂廣告咁推呢間學校, 並唔係因為我同呢間學校有咩關係, 我只係覺得大部份屯門天水圍元朗既家長, 都忽略左呢間學校, 所以無唸過叩門會叩呢間, 這是你們子女既損失! 我細女如冇意外, 應該也屬Band2成績, 不過, 我也打算比佢入呢間中學, 好多人都話我咁做對個細女唔公平, 不過, 我只肯定一樣野, 呢間中學會令我個女讀得好開心.