2010 小一新生家長報到！

yipsfamily

終於都係派到第二志願～ 明天就去注冊啦！有冇其他家長係度呢？

梁小既家長一直都係唔多上嚟呢度既～ 希望新一年，大家都多點上來分享，也可互相關照一下～ 尤其係我地呢D小一家長，多D人參與討論，熱閙D又知多D！！　

yipsfamily

哈～ 我又冇諗過自己帶返學，而放學就坐校巴喎～ 不過咁樣好似唔抵。。。 校巴來回月費好似係 $260，包括預埋課外活動之後先回程！ 因為我住第一城，所以都會自己帶返學，又或者叫工人帶，放學就只能由工人接啦～～ 不過好似而家30多度既天氣，一早行返學校（都要15－20分鐘）都肯定會身水身汗！ 啱啱買書個日已試過。。。 入到學校真係大人又濕，小朋友就更加濕。。。 所以我都考慮緊大熱天既時候坐濱景花園專車送番學！ （本來都有諗坐校車來回免麻煩，但要 7 點左右就上車。。。。 咁近都要咁早，實在好難接受～

係啦～ 你都係會送飯定會 order 陽光飯盒？

原帖由 ckyc403 於 2010/6/17 10:22 AM 發表
PM過你知吖...呢豎太open...了.
不過,我哋好like行路,所以半個鐘的"行"程對於我哋兩母子嚟講唔辛苦.:loveliness:  

yipsfamily

之前 donnelgirl 話問過校方，佢地話 7:45 前入到校門就得啦～

至於下星期 19-21/7, 個位主任話不用著校服，只需要戴證就得（10/7 回校買書買校服時派個張）。

原帖由 nat2004 於 2010/7/13 12:20 AM 發表
請問下星期一至三返學校時, 係咪要著運動衫啦!!!!

yipsfamily

哦～ 入學註冊個陣時，位老師都係話要著校服，佢仲話到時應該已經可以買到。。。不過買書時主任就話唔駛著校服～

其實校方似乎在處理事情上，確係有點混亂，亦好似冇乜系統。。。唔知點做好！ 好似入學註冊，當你去到禮堂，冇人話你知要點做，只見有位就坐。。。。 其實佢地搵個姐姐或老師在禮堂門口，叫D家長攞份表格坐低填（仲要冇枱～），然後順序排隊等交收咪得囉！

到10/7買書間課室亦係咁。。。冇人管理排隊問題。。。往往令到你都唔知要做乜。。。又唔知要先在主任處攞完名牌，先再在另一邊等俾錢買書。。。

真係希望校方在管理流程上可以做得好一點～

原帖由 nat2004 於 2010/7/13 10:56 PM 發表
我見張通告話要著運動服同運動鞋, 所以, 咪唔知佢係咪要著學校套運動衫, 定係自已衫

yipsfamily

哈哈～ 係呀？ 其實我覺得都OK。不過關鍵係 "冇咩人", 好 smooth；否則，一定會出現混亂！ 當然，佢地在課室外既指示的確係好清楚，不過內裡就唔係咁細心咁囉～ 因為我兩日都見到其他家長一入到課室／禮堂，都同我一樣唔知跟住要點，所以我都有話比其他家長聽，應該到那裡攞表格、到那裡排隊等。。。或許這只反映梁小不是太有經驗去處理人多既情形。。。 話時話，唔知到底而家小一收生既情況係點呢？

原帖由 ckyc403 於 2010/7/15 12:04 AM 發表
噢...原來你哋係話"入學註冊". 我嗰朝又係晨咁早9點去到,冇咩人,又係好smooth.

yipsfamily

你好～我係 1B 班家長！我個仔都算習慣，不過要適應早起、書包重、上堂上到倦、有各樣不同功課做。。。咁囉。。。 你呢？

係啦，你地有冇幫小朋友報乜野課外活動？

原帖由 cherriecherrie 於 2010/9/8 05:10 PM 發表
大家好! 我係1C班家長, 多多指教! 開左學喇, 大家既小朋友習唔習慣呀?

yipsfamily

我個仔以前都係 8 點先起床，而家就 6：45，乜你個女要咁早 6 點就起身？你地住好遠架？ 功課方面而家都算還可以，不過佢就比以前疲倦左～  課外活動真係得好少選擇。。。 同兩間呂明才冇得比。。。 我冇同佢報到呀，因為佢而家以經有 3 樣課外活動學緊，不過全部都係外邊上，有動（swimming)、有靜 (piano）、有學術（珠心算），下年先睇下有冇邊樣啱個仔學～ 話時話，我好奇怪校方連足球同籃球都冇。。。。 佢個校舍比一城呂明才大，反而呢D球類活動你地有佢就冇～

原帖由 cherriecherrie 於 2010/9/9 04:20 PM 發表
我個女都係唔習慣早起身, 以前幼稚園可以訓到8點先起身, 依家要6點起身, 佢痛苦時我又痛苦

功課都ok, 係學校都完成得7788, 返到屋企可以好舒服咁睇電視.

課外活動佢話要報水墨畫, 因為每樣都係得好少位, ...

yipsfamily

去呀~~~ 帶埋囝囝一齊返去玩下囉~

原帖由 HaileyDaDa 於 2010/9/28 09:44 AM 發表
12開放日你地返唔返學?