優才多唔多人交左form

edea

小小澄清:

1) 平日校舍洗手間係乾淨既, 相信當日多visitor而校工冇在場立刻清理所以變成咁.

2) 坐位問題, so far頭三年都係隨意調動, 等小朋友互相有機會接觸, 冇呢個所謂成績差坐前面, 成績差坐後面既安排.

如果係優才初小家長, 都會知分一group group坐, 好似幼稚園咁, 每隔幾個月調一次位.

唔係幫學校, 只係覺得好感慨, 睇到有家長可以咁用詞去批評一間學校, 丈八燈檯, 照見別人不是, 卻看不見自己問題.... 老話一句, 請尊重別人, 尊重自己, 無論係邊間學校家長, 個人修養及身教都非常重要

以上澄清希望對優才有興趣的家長提供進一步了解.

edea

希望同有興趣既家長作客觀分享:

小女讀左差不多三年. 程度我認為唔算淺, 中文課本用語文新天地, 小一用廣東話教, 小二起所有中文科以普通話教授, 所以普通話都ok, net teacher長駐學校, 旺角兩邊兩個net teacher都係外籍男士, 小朋友都唔會怕同佢講英文, 當然唔會講得好好, grammar出錯, 但佢地勇於用各種詞語去表達自己意思, 唔怕講, 唔怕寫, 初小net teacher係唔會改佢地grammar, 寫作由得佢地寫, 自由發揮, 要等高小先開始執grammar問題, 但我接受得到, 因為小朋友由小二起學tenses, 慢慢開始realise到正確情況應該用乜野字.

要睇下作為家長接唔接受到, english dept係外籍老師主管, 發展方向如此, 唔會制肘小朋友寫作, 由佢地發揮創意, 寫寫寫, 如果家長覺得睇唔過眼, 要勤執grammar, 要十全十美, 優才未必適合.

edea

簡介會我冇去, 唔知個presentation係點, 我亦都承認我個人對中學部認識唔多, 故此no comment.

小學部同中學部今年分開左有唔同校長, 中學部未有公開試成績睇到, 呢樣係家長要考慮既要素之一.

edea

老師方面的分享:

暫時只認識旺角老師, 因為囡囡初小.

好坦白講唔會有完美老師, 之前都見過有家長對老師有少少意見, 但經同校方溝通後, 情況改善.

整體而言, 老師都好nice, 冇一個老師令我覺得有問題, 佢地都好有愛心, 有幾個仲係特別好好 品行係佢地著重既一環, 早會, 德育課都灌輸好多好正面既訊息俾小朋友, 平日對小朋友好好, 但小朋友如果真係曳, 校長同老師都會應嚴則嚴. 紀律係陳校長好重視既一環.

edea

原帖由 ggoo 於 10-6-1 12:21 發表
我個人就覺得家長要負起補底既部份責任,家長冇可能完全依賴學校去補底,自己唔使做野.當然學校有得補底就最好,家長既壓力可以細D,家校互相合作是最理想既.

正正係我感受.

想再share少少.

我見到早會前, 操場有一兩張檯, 小朋友有時會朝早趁空檔去問老師唔識既功課, 老師會陪伴教導. 而小朋友亦可以小息時去搵老師問唔明既功課. 老師好好, 唔會唔教, 唔理. 如果小朋友功課做漏/改正未做好, 老師甚至要佢地小息去老師度做, 對小朋友功課係有heart.

教導小朋友, 真係要家校合作, 學業也好, 品行也好, 要互相配合, 先會發揮到最佳效果.

edea

原帖由 nonoddy 於 10-6-1 10:23 發表
原來如此, 會轉告阿妹, 另外優才家長的分享已forward左俾佢睇, 謝謝!

good luck, 希望妳兒甥入到一間合適既學校, 有愉快既學習環境.

edea

原帖由 LA 於 10-6-1 13:22 發表
Can anyone advise, will GT have 2nd round of P1 application later? tks.

會有兩輪. 今次係第一輪. 但已報過第一輪就唔可以再報第二輪.

edea

喜見很多家長都很客觀及明白事理.

edea

剛打去學校問過, 答覆係"暫時只得一輪".

真係同以前唔同左.