VICTORIA 13/3 INTERVIEW

eemsfok

Just received letter tonight from HH, my girl was accepted (Mon-Fri) pm class, this is the first choice I selected.  I didn't attend the Parent's interview but my elder girl is studying K1 at HH.

eemsfok

hi 你好, 有可能我地既囡囡會同班喎, 你個囡叫咩名??

我2個囡都有返維記既pg, 不過我覺得pg係名過其實, 好彩既係我2個囡既pg老師都好好. 我係怕我細囡0係屋企無聊成1跟住工人姐姐, 咁HH又近我屋企我至比佢返PG.

講真我大囡入pre-nursery時, 同時spn都有收佢, 維記既校長都奇怪我會放棄spn既offer, 而升k1時我有諗過同佢轉校, 亦有其他學校offer個位比佢.  我同我個囡揀學校既條件係要佢開心同有語境, 唔係好多學校有2文3語.  我個囡係以英文為主既, 如果我比佢去一間全中文既學校, 我諗佢起碼要4-6個月既時間去適應, 咁佢返學會唔會開心呢?  語言呢方面維記配合到我既要求.  

另你話開唔開心呢, 我覺得係要睇老師們.  我大囡0係pre-nursery時係麻麻地既, 佢係好文靜有性格既小朋友, 我feel到上年既班主任冇heart. 見我個囡對返學一d都唔雀躍, 所以我有同佢interviewed其他學校, 但都係考慮語言既因素, 加上維記係比其他學校早開學大半個月, 咁我就比佢0係維記試多半個月, 好好彩今年既班主任好好, 佢好有經驗, 好願意同家長溝通......而亞囡又真係開心左, 所以我就比佢繼續留低.  

總括黎講我覺得維記係ok既, 個個都話佢commercial, yes, but what's the problem? 只要佢地真係照顧好你既小朋友, 而小朋友又開心, no big deal.  

原帖由 joyjoy815 於 10-4-1 00:13 發表


我地都係收左 HH (pm class Mon - Fri)

你女女讀緊...你覺得好嗎?

[ 本帖最後由 eemsfok 於 10-4-2 00:35 編輯 ]

eemsfok

好多人都覺得我地呢個決定好奇怪, 當時我真係唔捨得亞囡啱啱2歲就要返全日, 加上interview既時間spn既老師要亞囡8月返學時要學識廣東話,又要亞囡自己瞓覺, 又要亞囡學識自己食飯......雖然呢d聽上黎係為亞囡好, 但我覺得佢講既時侯比我既感覺幾奇怪, 無彎轉,加上我老公都唔係太想個囡讀太傳統既學校.....所以放棄左..............

原帖由 mirage2007 於 10-4-1 15:54 發表
真係估唔到你會放棄spn,我都有同囡囡報名,如果spn收佢,我就一定會放棄victoria,因為升上小學機會大好多,咁使到時咁煩...

不過最大問題係spn係全日,講真,我唔係咁捨得呀,不過真係收佢先算la ...

eemsfok

維記既小朋友係比較活躍D架, 佢地用活動教學, 但咁又唔代表佢地無禮貌同無紀律喎........我覺得好多同學仔都好有禮貌, 佢地做乜都要排隊, 又會say thank you....., 其實德育既培養唔只靠學校, 亦都好睇父母點教........同好重要既(如果係工人湊)就係工人姐姐會唔會配合.....仲有仲有就係小朋友本身既性格.....

其實好多野都冇必定架, 好多人話讀維記小朋友好鍾意睇書, 係...我個囡係好鍾意書, 其實係唔係因為學校培養? 但如果我同老公唔係晚晚都讀故事書比佢聽, 由佢1歲開始每晚都起碼讀半個小時, 咁佢又會唔會鍾意書呢.  我亦識D維記既小朋友完全唔鍾意睇書..........

原帖由 joyjoy815 於 10-4-1 23:37 發表


俾著我..就未必會 give up SPN...

我地都 consider 緊讀唔讀 victoria... 因為係 PM class....

我知 victoria D "學術"方面好好...活動都好好..
不過我好重視"德育"同"紀律"..
咁呢2樣野...又點呢? 麻煩俾D意見. ...

eemsfok

hi mirage2007, 唔好意思,因為帶左2個囡去旅行幾日,所以宜家至覆你.

你問我點解SPN既老師要我個囡0係返學前, 要識講中文, 識去廁所, 又識食飯又自己瞓覺, 我都唔知點解, 從好果面睇咪係佢驚我個囡唔識中文就比較難適應學校生活, 從唔好果面諗咪因為佢地大把申請既學生, 佢地緊係想收d有自理能力既, 比較容易照顧架啦.........

我個囡返nursery之前係全英文既, 屋企係無人同佢講中文, 但佢返左一排nursery後就開始講少少廣東話, 唔係好正d發音好好笑.  而家k1佢已經可以全廣東話溝通, 但佢始終係用英文思想先, 所以有時會講得比較慢.  但如果你係用廣東話同你個小朋友溝通,應該唔會有呢個問題.  你個小朋友仲細, 所以佢只係講單字都OK,唔駛心急, 至於英文單字講得比較多都唔出奇, 因為工人姐姐湊佢時成日都會同佢講野, 而佢又會選擇比較容易發音既字黎講, 好似:no, eat, sit, mom, daddy, bye, want....etc. 再過多幾個月你就會覺得佢識得講多好多野........

至於你話有人講維記上小一既小朋友要補中文, 咁你有冇見過或聽過幼稚園學生已經開始要補習? 宜家有好多家長因為怕自己既小朋友落後於其他人, 所以不停地吹谷自己個小朋友, 試問宜家有幾多小學生唔駛補習???

如果你話維記既程度淺, 呢個係真架, 佢地既功課都比好多學校少, 亦唔會好似其他學校咁限定小朋友一定要認得晒d生字, K1係咁, 不過我個囡既老師話k2開始就會比較深d同緊張d.

其實SPN 同SPK都有呢個分別架, 我有2個親戚既囡都0係SPN 同SPK讀, SPN既程度係好淺好淺既, 中英文都唔係好緊張, 返學真係玩多過學學術上既野, 但SPK就好唔同, 所有學生係WELL TRAINED, 中英文都好好, 但SPN 同SPK係上同一間限小學既, 所SPN既學生上到小學既頭半年都要pick up得好辛苦........  

小朋友駛唔駛補習可能有好多原因, 可能係家長既要求, 可能係小朋友既資質,可能係小朋友本身既興趣.....可能學校覺得佢需要.........

原帖由 mirage2007 於 10-4-2 10:58 發表
hello, eemsfok,

你提到spn的老師要求你囡囡返學時要識講好中文, 點解呢?
我囡囡到依家都係講英文單字為主,我都唔知點解,我一直都係同佢講中文架,係姐姐同佢講英文,但中文佢完全得明, 係唔肯講...

咁你囡囡返左維 ...

eemsfok

hi wootaitai,

根據我親戚的意見, spn係比較輕鬆, 學生返學係玩多d, 學習自理能力及禮貌, 而spk係比較吹谷既, 不論中英文都比較有壓力.  我個表妹係由幼稚園到而家中六都係讀spk 同st. paul convert, 佢既中英文都好好, 不過亦因為佢既爸爸媽媽都付出好多努力去栽培佢, 所以我成日都話學校係要好, 但係都要加埋父母既努力,小朋友至可以真正有全面既學習.

原帖由 wootaitai 於 10-4-8 14:52 發表
quite surprised to learn that SPN and SPK are quite different. How do they compare in terms of language?

eemsfok

hi mirage2007,


多謝你詳盡的回覆,你真好人^^
>>>唔駛客氣, 我都係同你地吹下水 啱唔啱聽你地自己諗......

想不到spk和spn的課程會有咁大分別,
你說spn及vic的學生上到k1需要多些時間pick up,
這個都是我比較担心的問題...>>>>其實我覺得你唔駛擔心住, 你個小朋友而家得果2歲, enjoy下nursery先啦, 條路有排行, 佢愈來愈大仲有好多野比你有排擔心架.......

當然暫時最好的對策略就是先讓囡囡讀維多利亞的pn,下年再幫他報spk,不過以我所知,很多家長都會咁做......>>>>呢個真係好多家長既想法, 我當時都係咁諗, 如果你真係想佢入一條龍, 而spn or spk唔收你個囡, 你可以下年試下報"天主教聖瑪加利大幼稚園. ST MARGARET MARY'S CATHOLIC KINDERGARTEN" 呢間係一間好好既幼稚園, 佢地有好多學生都會升到st. paul primary (跑馬地果間), 其實我覺得呢間st paul比較好.  我以前住0係呢間學校果條街既.

st margaret 都係比較輕鬆同淺既幼稚園, 佢地係著重愛及品德既, d小朋友好可愛又有禮貌.  同佢地收好多維記n班既學生......上年佢地都有收我個大囡讀k1, 不過我無比佢讀, 因為我想大囡細囡一齊返學, 而佢地又全中文所以都係比佢留返0係維記.

所以我諗, 如果spn會收囡囡的話, 我就會放棄維多利亞,
因為spk的競爭比spn更大...>>>都係理所當然既決定

而且聽說spn上到st paul convent的比率較spk大
(唔知真唔真).....>>>>呢個我真係唔知,sorry!

其實我覺得維多利亞真係一間很好的學校, 我諗你囡囡都讀得好開心,佢係邊間返呀? 我囡囡8月會開始返pn, 係cwb >>>>>我個囡係讀海峰園既, 佢都係鍾意返學既, 希望你個小朋友都讀得開心啦!

原帖由 mirage2007 於 10-4-8 14:42 發表
eemsfok,

多謝你詳盡的回覆,你真好人^^

想不到spk和spn的課程會有咁大分別,
你說spn及vic的學生上到k1需要多些時間pick up,
這個都是我比較担心的問題...

當然暫時最好的對策略就是先讓囡囡讀維多利亞的pn,下年再 ...

eemsfok

Hi twinsmummy,

no, my girl is in Victoria, we didn't take SPN's offer as I explained before. If you have a choice to go for an interveiw, you better ask your kids to say hello in Cantonese to the teacher during the interview, I think they will prefer the kid to speak Chinese rather than English.  Anyway, if you'vd been invited for interview, that means they already accepted your child in general case.  

原帖由 twinsmummy 於 10-4-8 07:16 發表


Hi eemsfok, is your little girl at SPN now?  very very good that she's speaking Cantonese well now.  I'm waiting to hear if SPN will give me an interview.  But my girls don't speak or understand Can ...