2010-入讀協和下午校(小一)

AA媽媽

其實我想問, 校車同埋保姆車有咩分別架? 仲有呢, 黑&白鞋有冇咩規定(魔術貼/縳帶兩樣都ok??)

哎呀哎呀 . .. 其實仲有more than九個月先開學, 但係己經好鬼興奮. . . 好似好心急想安排下d乜野咁,...痴痴地線.  ..

係喎, 你個仔參加咗咩野課外活動呀? 我見協和都超多野可以參加, 連泳班都有, 不過唔知難唔難join架呢?

原帖由 dudu19812002 於 09-11-25 15:25 發表


鞋就黑白都要買!!睇下邊度買啦..我見有人等暑假去吉之島買,好似平D~~
校車好似4百幾,因為我阿女係搭褓姆車!
午餐我覺得平,今年$15.5一餐,可以+飯另計!不過,好多都食唔哂...睇下當個月有幾多日係返學,照計既!
簿就$ ...

[ 本帖最後由 AA媽媽 於 09-11-25 16:55 編輯 ]

bwyyz04

my daughter 20 marks got in.

dudu19812002

原帖由 AA媽媽 於 09-11-25 16:53 發表
其實我想問, 校車同埋保姆車有咩分別架? 仲有呢, 黑&白鞋有冇咩規定(魔術貼/縳帶兩樣都ok??)

哎呀哎呀 . .. 其實仲有more than九個月先開學, 但係己經好鬼興奮. . . 好似好心急想安排下d乜野咁,...痴痴地線.  .. : ...

校車就係旅遊巴,褓姆車就24座位~最大分別既係價錢~~鞋就好似冇咩特別準則,不過最好咁細個都係用貼既會安全及方便D...
我好明白你地依家興奮既心情架!我上年都係咁不過買校及校服就唔需要咁心急,去到8月先都唔遲既,咁早就買,一陣到開學就唔係咁啱身架喇!學校遲D應該有小一家長會架,有通告講買書簿、校服要求既事!所以你地放心...安心咁等消息~有家長日就最好出席!同埋暑假尾可能有適應班,有機會都參加啦!唔錯架~~

我個女依家係學校參加左芭蕾舞班,學校真係好多活動,不過有大部份小一都未咁快有得報,要等高年級D先可以參加!!不過,我提醒你地,因為佢地既課外活動參加通告今年唔係一次過派回家揀架!係分左好多次..所以我地家長有D都想報,但又因為已經報左其他而撞期!所以你地要小心揀呀!唔係一陣好似我地咁有後悔咁早揀定既FEEL~~
我記得小一有芭蕾舞,中國舞,圍棋,乒乓球,游水(九龍灣上課)管弦樂(唔多揀)敲擊樂,羽毛球,英文班...唔記得仲有冇其他,佢地既上課時間好多都係同一日黎架!所以你地早D諗等通告呀!!唔好多心呀....而活動大多都唔係咁好架!你地要有心理準備小一上學期學野進度都算快架!買網上練習都要小心揀,大多都未必係好架..因為時間未必夠用...(呢個係我個人既意見)
歡迎你地咁多位準小一生....

AA媽媽

hello阿賢, 今日勁忙, 所以而家先得閒覆...

查實我23號果日去咗第二度玩, 未返香港, 攪到我24號先好心急咁上網check result, 所以其實我已經興奮少咗一日架喇...haha...

我的確好鬼想快d買校服, 跟住著係阿仔身上, 快d睇到佢小學生個樣呀~~haha . .不過我好理智既, 我當然會等到7-8月先買啦!~

課外活動果樣野, 好彩你提一提咋, 如果唔係貪快報咗d冇咁想報既班, 而攪到報唔到想報既班就幣喇!!
一般係學校報果d課外活動 (跳舞/畫畫/樂器), 算唔算平過出面好多呀? 同埋果d功課輔導班呢, 有冇quota架??

哎呀, 真sorry, 我都覺得我好鬼煩...

原帖由 dudu19812002 於 09-11-26 09:25 發表


校車就係旅遊巴,褓姆車就24座位~最大分別既係價錢~~鞋就好似冇咩特別準則,不過最好咁細個都係用貼既會安全及方便D...
我好明白你地依家興奮既心情架!我上年都係咁不過買校及校服就唔需要咁心急,去 ...

dudu19812002

原帖由 AA媽媽 於 09-11-26 18:50 發表
hello阿賢, 今日勁忙, 所以而家先得閒覆...

查實我23號果日去咗第二度玩, 未返香港, 攪到我24號先好心急咁上網check result, 所以其實我已經興奮少咗一日架喇...haha...

我的確好鬼想快d買校服, 跟住著係阿仔身上, ...

haha~我都相信你係好理智既媽媽黎既!你依家既心情就等於我上年既心情,我都好想快d見到阿女著協和校服既樣...

學校既活動算係平過出面!而且,教既老師起碼係你相信有經驗有資格既老師先,係外面報洞動,要搵比較有呢倆方面野既機構學野,價錢一定貴!加上係學校學野你放心好多ma...

希望我既資料對你地有用啦!!
我唔會覺得煩既,識到同校既家長,係我依家好想有既事黎架!6年既小學生活,多d人玩識多d人,過得更開心...

308

Hi 各位協和Ma Ma,

我想問首輪除咗睇分數外, 讀边間幼稚園有否影響賽果? 佢哋會否收回自己區會的幼稚園?
或會揀有名的呢?

而你哋可否分享小朋友讀哪間幼稚園?

Sorry, 我有太多問題

AA媽媽

係計分架咋, 其他野冇大關係。

原帖由 308 於 09-12-14 12:08 發表
Hi 各位協和Ma Ma,

我想問首輪除咗睇分數外, 讀边間幼稚園有否影響賽果? 佢哋會否收回自己區會的幼稚園?
或會揀有名的呢?

而你哋可否分享小朋友讀哪間幼稚園?

Sorry, 我有太多問題 ...

bb00

協下一問
我上網睇到有家長話協上同協下模式係唔一樣,我想知協下教學模式係點架?
一年幾多次測驗考試?
1~6年班都係全統教學嗎?
每星期有幾多次默書?
平均每月有幾多堂外籍miss教?
小朋友會讀得辛苦嗎?
他們喜歡上學嗎?
英文科是用教科書定圖書 ?

dudu19812002

原帖由 bb00 於 10-5-25 16:32 發表
協下一問
我上網睇到有家長話協上同協下模式係唔一樣,我想知協下教學模式係點架?
一年幾多次測驗考試?
1~6年班都係全統教學嗎?
每星期有幾多次默書?
平均每月有幾多堂外籍miss教?
小朋友會讀得辛苦嗎?
他們喜歡上學 ...

各位今年既小一新生,你地好呀!我女女都係今年升級做p2
我都係度俾d d資料你地,希望幫到你地啦!!
其實上午同下午真係唔同,我都有聽講上午係功課量少d既,下午就多d...
一年就分左3個學期,每個學期每科都最多3次既評估測驗!!大約中,英,數及常就教2至3課就一次既評估!!
六年都係傳統既教學黎既!至於默書英文都預教一課前就會默家先,約1至2星期一次,中文我覺得就少d~~
外籍老師我阿女就一星期一次!小朋友辛唔辛苦就真係見人見致啦!我個女我覺得都辛苦...不過就好喜歡上學既!喜歡既心有增冇減~佢仲要日日回來講,老師好,同學好,校長好...所以你地放心...暑假尾既家長日,大家最好抽時間去呀!咁會更加清楚學校架~~~加油呀!

ironstraight

你地好!我自己本身就係協下既校友~~雖然我宜家搬左去觀塘,但係一早已經決定左黎近今年都會幫個女報返協下!好期待見到佢著協下校服返學既一天!~~

因為係校友既關係,之前校友會舊會時已經帶過女女返去參觀!佢知道將來會係呢度讀書佢都好開心呀~已經覺得呢間係佢間小學咁!~果日仲好好彩咁可以同王玉棠校長傾左一陣偈~~咁岩果日係王校長生日,仲同佢講生日快樂同影相~所以女女既印象都好深刻~我估佢第時係度都會有好愉快既小學生活!~因為我記得我細個係度讀書都好開心~~

至於辛唔辛苦,我就唔係太記得,只係覺得協下可以幫我打到好厚既基礎~d老師亦都好好人~果次返去聚會,竟然細個既主任都仲係度教~~想像近佢第時繼續教我個女~

bb00

第一志願入到，好開心呀！

dudu19812002

恭喜哂今年入協下小一既小朋友及家長呀!!

hei314

各位準小一家長

昨日收到信
7月10日有家長會,有編班安排啦!
8月23-27日下午要返普通話班
8月28日迎新日

多d上來交流,希望小朋友順利適應小一生活。

hellojoyce

咦,我仲未收到喎!點編班呢?考編班試?

原帖由 hei314 於 10-6-12 09:43 發表
各位準小一家長

昨日收到信
7月10日有家長會,有編班安排啦!
8月23-27日下午要返普通話班
8月28日迎新日

多d上來交流,希望小朋友順利適應小一生活。 ...

bb00

我都未有喎！
但以上內容，已在註册時派之通告上有講！

AA媽媽

我都收到信喇!!

原帖由 hei314 於 10-6-12 09:43 發表
各位準小一家長

昨日收到信
7月10日有家長會,有編班安排啦!
8月23-27日下午要返普通話班
8月28日迎新日

多d上來交流,希望小朋友順利適應小一生活。 ...

hei314

係第一輪自行分配學位才有信收，統一派位會在註冊日已有通告。
我見通告寫7月10日會公佈編班結果，我想是學校自己編的。

hellojoyce

我都收到嘞!
有冇人知學校小一根據咩嚟編班呢?年齡?random?
家長日需唔需要帶小朋友返呢?

dudu19812002

原帖由 hellojoyce 於 10-6-17 13:19 發表
我都收到嘞!
有冇人知學校小一根據咩嚟編班呢?年齡?random?
家長日需唔需要帶小朋友返呢?

應該係隨機既,因為開學時都有機會有人退學,所以開學時既班別未定...但唔會太大改變囉!

TaiMo

因家住大埔, 想知協下有無校巴去大埔?  有的話要幾點上車?
如無, 可否PM 校車路線及上車時間作參考?  因可能考慮搬屋近學校些.