.

timtim-mame

judy,

你是否在香港出生及長大? 教育處(教統局前身)搞香港教育教極都一鑊泡, 就算9年免費教育本來人人話好, 後來又點? 你看看身邊讀完9年免費教育的人, 連一句似樣既英文都寫唔到, 講唔到, 中文更差到嚇死你, 我們這群土生土長的正正是受害者

教改更不知所謂, 共融學習亦係, 出發點本來係好, 但資源錯配, 又無提供足夠支援給學校, 一個教師對45人已經很辛苦, 還要來個學習障礙... 加上要肩負大量的課外活動... 還要教師們考基準試.... 又要自修讀學位,  無時間, 無錢, 仲要進修帶課外活動

好啦! 呢的對學生影嚮都有限, 早幾年又話咩"母語教學"所有官校做白老鼠, 津貼的要為錢就範, 結果又點? 咪又係一鑊粥! 中文合格率未見起色, 英文"屎"過以前, 於是前年又話隨便各學校自行決定中文學校定英文學校...

而家又話改334, 又話要課程改革, 又要加學科, "通識"擺明唔夠人教, 而家又拍哂心口話到時撥錢撥時間俾的老師學或訓練老師, 334而家我見到ge唯一好處係小朋友考小一次試(會考), 其餘就睇唔到有咩好處

天啊! 真係唔該董伯伯唔好再搞任何野啦! 搞乜死乜, 又無plan, 想推就推, 人又無, 錢又無, 我地d無辜家長及小孩俾佢玩死, 本來我無本事送孩子去外國讀書, 但而家都要諗諗! 而家的人生一個起兩個止, 真係唔想俾佢改來改去咁就玩死左!

timtim-mame

ykwong,

60年代的人無得揀ga, 而家年代都係, 有錢有得揀, 無錢就無得揀!

你有冇細路讀緊書? 我都唔想谷佢, 我好buy國際學校個套, 但我無本事俾佢讀, 唯有讀津貼, 佢學校都唔想谷, 但跟教統局個套都係要谷, 全因為佢地的課程設計係咁, 雖然佢有的課課改革中, 盡量免死讀書, 但又係改左的有的又無改, 就係咁整到你的學生死, 一方面鼓勵你多的活動, 多面發展, 但課程卻係要死做死抄死背... 仲要考試..呢的都要時間去谷個細路ga, 你唔谷, 學校都會谷.... :cry: