寫字訓練班

amon28

邊度有寫字訓練班呀!請話我知
我仔k2要寫字,但他腕力和空間慨念唔夠,上身又唔夠穩定寫得好差,又唔肯做功課,每日都要喊一塲先肯做

rachncurtsmom

原帖由 amon28 於 09-9-24 13:57 發表
邊度有寫字訓練班呀!請話我知
我仔k2要寫字,但他腕力和空間慨念唔夠,上身又唔夠穩定寫得好差,又唔肯做功課,每日都要喊一塲先肯做

有本练習簿叫愉快學寫字，新雅文化出版，一共有12册，由淺到深，由點開始好似畫圖畫咁，畫完可以填顏色，無咁死板，睇吓幫唔幫到你。

amon28

多謝你的建議,我都有比練習簿仔仔做,但仔仔好冇心機做,是單咁畫寫,有時仲故意大力咁畫出界,搞到我好嬲,都唔知點教好

原帖由 rachncurtsmom 於 09-9-24 14:18 發表


有本练習簿叫愉快學寫字，新雅文化出版，一共有12册，由淺到深，由點開始好似畫圖畫咁，畫完可以填顏色，無咁死板，睇吓幫唔幫到你。

beautyyk

腕力和空間慨念唔夠，是因為小做訓練，這些活動可訓練手腕及空間感，例如:穿唔同大小膠珠、繩板、穿大粒和長形通心粉及穿飲管(飲管剪短)、用剪刀把泥膠剪成一條條或粒粒、拼圖、撕紙條、玩細小LEGO、填顏色、畫圖畫、剪紙等。要多給幼兒用剪刀剪紙，每次晝完圖畫後請他剪下，或者再塗膠水貼在晝報上，可提起學習興趣，最重要訓練手腕。另外要用三角鉛筆寫字，畫圖畫用粗身三角顏色筆。

~仔仔媽咪~

原帖由 amon28 於 09-9-24 15:46 發表
多謝你的建議,我都有比練習簿仔仔做,但仔仔好冇心機做,是單咁畫寫,有時仲故意大力咁畫出界,搞到我好嬲,都唔知點教好

上門教小朋友寫字同訓練,你有無興趣?因為我响教育王國暫時send唔到PM,只可以覆PM(要番去BK度覆),所以send唔到相關資料俾您,或者如果你有興趣,你PM話俾我知,等我覆您PM再提供資料.

始終都涉及訓練班既野,如果响度POST資料,我怕會被誤會成賣廣告...^^:

~仔仔媽咪~

原帖由 amon28 於 09-9-24 15:46 發表
多謝你的建議,我都有比練習簿仔仔做,但仔仔好冇心機做,是單咁畫寫,有時仲故意大力咁畫出界,搞到我好嬲,都唔知點教好

有時都未必係專登架...佢成日出界,又寫字寫得太大力,呢D都係關佢空間感同感統事,查實寫字會涉及好多野,如果要訓練,真係會有好多野俾佢做.

olima

你唔好一開始就要小朋友埋枱寫，試下同佢企在abc膠墊上(唔准佢出墊)，然後在天空寫字，等佢加強概念同玩下先。

之前阿囝在協康(e位)有d寫前小組，都要訓練佢企直/斜等，期間要數10秒。

另可以買塊站直的畫板，有空俾佢亂畫。

hinhinmummy

邊度有寫字訓練班呀!請話我知 - 好多地方都有, 但見到都係k3 以上, k2 真係好似未見過有

我仔k2要寫字,但他腕力 腕力吾夠, 做多d training, 例如人力車, 人力車的方法做step之類的exercise


和空間慨念唔夠 - 做感統, 或者寫字時, 係個格入邊畫好吾同的大細, 例如個明字, 係個格入邊, 間一條中間線, 等佢知道個日同月字的大細

,上身又唔夠穩定 -上身吾夠力, 會吾會係低張仔? 所以坐到好似軟皮蛇甘?

寫得好差, 寫得差, 係因為佢手碗吾夠力, d 力水吾得, 我仔以前用六角筆(ot suggest), 香港我搵吾到, 之後我係外國訂返黎, 但你試下搵一隻木顏色, 粗身, 六角型, 拿支黑色比佢試下先

寫得差吾緊要, 要比d 自信個小朋友, 吾好下下差, 同老師講佢個情況, 看下有無得調式, 我以前, 同老師講, 人地寫一行, 我仔都係寫一行, 但就間格黎寫, 人地寫一頁, 我仔都係寫一頁, 但就隔行

要搵出原因先幫到個仔, 吾係寫得多就會變靚, 要搵出個根源而對症下藥先有用

podi

我仔學校老師教我地可以做一些空心字, 字體粗少少既, 等你囝囝可以試下寫字係入面, 訓練唔好寫出界.

sharon26788

協康會每個幼兒中心都有唔同既寫字訓練,你可以打去問下.一般都係星期六.

Anpanmama

我仔响灣仔鄧肇堅醫院G/F嘅東華三院全人中心上緊,$800/4堂每週一堂。

珀珀,慧慧媽

原帖由 Anpanmama 於 09-9-26 03:57 發表
我仔响灣仔鄧肇堅醫院G/F嘅東華三院全人中心上緊,$800/4堂每週一堂。

想問下鄧肇堅醫院G/F嘅東華三院全人中心除了寫字班外,有沒有其他課合有特殊障礙的小朋友學架

Anpanmama

原帖由 珀珀,慧慧媽 於 09-9-26 09:08 發表

想問下鄧肇堅醫院G/F嘅東華三院全人中心除了寫字班外,有沒有其他課合有特殊障礙的小朋友學架

有感统, playgroup etc. 由1.5歲至12歲班