英皇是否漸失傳統名校地位

greendotdot

原帖由 samuel89 於 09-8-8 14:29 發表


哦....甘情況...梁絕對唔系"尖子'....不過肯定系"叻仔"..

振英哥的父親是警察，做咗36年，守過港督府，當年好多警察家庭，就算做散仔，家境唔太好，啲子女都排住隊去英國升學，因為祇要夠年資，可以申請警察福利助學金，重好過一般公務員申請果種，一年重有張免費來回機票返香港探親，咁俾你揀你會唔會留低係香港被填鴨！

振英哥係叻就肯定啦，不過唔怕得罪，幫子女改名有時真係好緊要，如果個名跟住自己一世，就要求神拜佛成世都唔好改朝換代.....攪吓笑啫，有怪莫怪。

英雄莫問出處，睇吓馬時亨咁，HKU third-class honours畢業，但他成功建立人際網絡的能力，唔係所謂尖子能夠做得咁成功。個人認為讀書叻唔等於處世都叻嘅！

greendotdot

原帖由 畢學武 於 09-8-8 18:22 發表
King's 成績一向比SPC, SSC好,近年應該都係,WYK唔知。
King's 學生多年來和其他學校一樣,有人係King,有人係屎。

我就記得30幾年前，King's (英皇) 和 Queen's (皇仁)  齊名，確是風頭一時無兩， 當年他們的畢業生入去HKU，情況就如今日的軒小上午和下午校入皇仁咁，現在好多資深醫生唔少都是由King's 入HKU醫學院畢業。當年King's 收過F6女仔添。

不過世事如棋，今天的Queen's 仍然紅極一時，但今天的King's 就今非昔比，情況和九龍區的伊利沙伯中學如出一轍，當年的QE都是多少讀書叻的學生首選！

greendotdot

原帖由 慧妮會員 於 09-8-8 21:51 發表


greendotdot,

想請問:聽聞當年係由於BPS冇理科而令KING'S男校收女生此說是否屬實?

我記得當年BPS中五都有理科喎，中六我就唔肯定，但King's收F6女生都唔一定收來自官校啩，當年都有天主教男中學F6收女生啦，天主教會都可以突破，證明香港上一代人的成功並非僥倖，勤力捱得苦仲要識變通。

不過你好像暗示緊政府現在的某些政策....聽講有啲官小一定要收一些無學校肯收的新移民子弟插班。啲官中又要收番大部分官小的畢業學生，咁樣唔知對官校的整體成績...

greendotdot

原帖由 畢學武 於 09-8-9 00:08 發表
振英哥一定是叻仔,不過當年升中六應該是King's 仔的首選,振英哥71年中五畢業74年理工高級文憑畢業,King's 76年金禧紀念有人見過佢,佢1977年布裏斯托理工學院 畢業,佢應該衹是讀了一年top-up degree,而布裏斯托理工學 ...

我又咁估，話就話可以申請警察福利助學金交學費啫，但係當年要用英鎊自己俾生活費(港紙十萬八萬一年)，振英哥話過他求學時生活都算艱苦，在英國有無去酒樓做part-time幫補吓就唔知啦(犯法)，不過當年在HK Poly讀完張Higher Dip去英國的Poly讀一年就攞個first degree，去University就要讀兩年，大家都攞first degree，但振英哥早一年畢業，慳一年錢，又早人一年揾工揾錢，年資又多咗，佢讀果科咁專業，經驗好重要，佢咁叻仔，條數相信佢會係咁計。如果你講果間係Bristol Polytechnic，當年都唔算差。

greendotdot

原帖由 畢學武 於 09-8-9 18:34 發表
呢個有可能,振英哥和劉山青71年5B班畢業,即是中四考全級四十至八十,算中上。中五入HKPoly HD都不容易,當年Surveying 好似得Poly有開,HD畢業加考試加經驗已經可做Charter Surveyer,好多Poly畢業生留學都是過吓瘾、還 ...

咁講估計你也是當年的King's仔罷，難得聽到有人都咁體裇啲需要幫助的人，不愧是香港七八十年代受教育的中堅份子，對社會有承擔。新一代被寵壞了，父母太溺愛，又抵受唔住太多物質引誘，加埋個福利社會，價值觀變晒質...

其實有啲人唔鍾意振英哥，都怪佢個八萬五死橋，累到幾多中產雞毛鴨血，緊係誓神劈願駡佢，但我就估老董好心做壞事，身為船王長子都想幫香港社會做啲嘢，抄新加坡果套過嚟，讓人人有屋住，咁振英哥的意見咪對號入座囉，點知個figure計錯咗數，好似美國佬依家印銀紙咁，又唔用漸盡式慢慢加上去試吓，皆因為老董更唔信任啲公務員，落得如此收場。相比之下，老董對社會係有心無力，對下屬有情義，曾Sir就想做好自己份工，取悅其上師多過服務市民，對下屬更...

如果現在由我揀，兩害選其輕，我都會在曾xx、唐xx、梁xx、甚至xxx娥之中楝果個King's仔。

greendotdot

原帖由 davidmimi 於 09-8-10 17:04 發表
升中派位係4成自行6成派位,點解仲用以前那套看名校呢??名校自行收番來的4成學生,個個都係精英,餘下6成都係講彩數的,隨時派到全部band 1尾回來的.

即使轉做直資,好似DBS or SPCC,雖然收生質素較平均,但始終要俾錢,最 ...

呢位朋友真係好心水清，講出咗依家個big picture，既簡單又清楚，如果我們仍然用「傳統角度」去評價現在的所謂「傳統名校」，當然就會有咁多問題質疑她們是否褪色！試想想，政府多年當學校、老師、學生係白老鼠咁舞，有幾多間傳統名校還能夠保持她們過往的政策、校風、傳統等。

有中學根本唔准學生報9科，咁邊有十優狀元。

個人最欣賞是九龍華仁，真正薪火相傳的傳统名校，華仁教會真係為栽培年青人辦學，窮鬼個仔和有錢佬個仔都一視同仁，深水埗(全港最窮的區)、油蔴地等好多新移民子弟和基層家庭子弟都有機會入去讀(官校King's就話政府政策啫)，有人都講依家啲精英補習風氣高漲啦，講得難聽：有錢補習就攞A機會大啲，佢哋無錢補習，九華校風又唔谷死讀書，公開試整體成績當然是比下去，不過，個別成績都有很多好叻。

不過，最近換咗新校長，政策唔知有無變化。

greendotdot

原帖由 cman_li 於 09-8-10 21:47 發表


基本上是政府教育政策的問題，Spcc不是轉直資妳女兒本應在貴區最top的津貼學校就讀。妳又知否直資中學(e.g. spcc)拿左政府資助而走去辦 IB 課程(Non NSS curriculum) 是不合理(甚至違規)，但如不辦IB 課程，學校營運同資 ...

打從政府政策容許津校轉直資，巳經是個鬧劇，不但加深基層和中產學生的矛盾，學校更變成家長的名利場。營辦直資學校，不再叫辦學，係商業社會的一盤生意，好似電盈咁，生意唔好炒人，被市民鬧無社會責任，咁唔炒人蝕到入肉，又被股東鬧管理不善；營商之道，唔怪得佢用方法搶客。如果違規？違法？我唔清楚，唔敢評論。就算津校，唔夠學生咪被教育局陰乾，殺校，都想盡方法求存啦。

不過咁多間直資，個人最欣賞還是SPCC。

[ 本帖最後由 greendotdot 於 09-8-16 11:56 編輯 ]

greendotdot

原帖由 samuel89 於 09-8-10 18:36 發表

點解唔俾能者選校先呢？
在家中你可以講親情...但如果有極端例子, 要出去賺錢養家既系唔系可以食先走先呢....如果無能力出去賺錢又食得慢既是否要為尊嚴要親人一直甘等呢, 甚至等到全家都無競爭力呢
但唔俾 ...

點解能者選校先呢？
都係其中一個方法，排隊、抽簽又是另一個選擇，平庸人話抽簽公平啲，叻仔咪話「能者居之」至公道，政府多年來咪將呢樣嘢改來改去！

如果你們認同子女能夠有快樂的校園生活，對子女將來成長、處世，會有深遠影響。咁係咪首選要揀間最適合子女自己嘅，並不是公認最Top最Best的學校呀？如果人人都咁諗去揀，就算用能者選校先的方法，結果出來，我絕對不相信，啲精英尖子會全部揀晒名校讀囉，咁精英教育咪係未必個個都接受。

我覺得學習環境，唔係咁樣「非黑即白」，有很多微妙變化在其中，好似新界很多屋邨學校都不乏尖子，同非尖子同學一樣相處愉快，有另一種互動的化學作用，成績好的學生教吓同學，都唔算拖累他發展，尖子都未必十全十美，人與人之間相處，可以互相幫助、互補不足，你們所謂「分類施教」，祇不過用學業成績分類，子女學習係全方位，待人處世、包容、樂助、正義感、承擔、誠信、關心等等，都不能在學業成績上反影，點算分類施教。

「古之欲明明德於天下者，先治其國。欲治其國者，先齊其家。欲齊其家者，先修其身。欲修其身者，先正其心。」

在家中你可以講親情...但如果有極端例子, 要出去賺錢養家既系唔系可以食先走先呢....如果無能力出去賺錢又食得慢既是否要為尊嚴要親人一直甘等呢, 甚至等到全家都無競爭力呢

家裏父母年邁，甚至家人有病，無能力生產，都並不是我們的負累，一家人須要互相尊重包容，請不要舉例一些刻薄的例子，會教壞子女。

greendotdot

原帖由 davidmimi 於 09-8-11 12:45 發表
以現今態度來看,傳統名校的優點不止於"成績",而是對學生一份"愛".

要做好會考成績,好難嗎??F1起每年將不達標的學生留班或趕出校,每年淘汰5%瘀血,再收5%轉校尖子,去到F5,已經大部分係尖子啦...還要擔心會成績差嗎??
...

啲人講學校成績講到炒股票咁係佢哋無知，嘩眾取寵的人無須理會，生命可貴，唔好咁介意！

聽你咁講，我更加敬佩九龍華仁佢哋嘅辦學精神。

[ 本帖最後由 greendotdot 於 09-8-16 11:58 編輯 ]

greendotdot

原帖由 samuel89 於 09-8-11 11:12 發表

我舉例的系極端,冷血...但現實往往系殘酷,...唔講唔等於唔會發生,....況且反面教材未必會教壞子女。

現實係有殘酷的一面，亦都有相對美好的一面，大家嘗試樂觀地想想現實中美好的地方，或者可以減少社會上的怨氣。「樹欲靜時風不止，子欲養時親不在，滿目青山空望眼，勸君惜取眼前人。」表達對家人的關愛很重要，互相體諒，偶爾看到有些父母與子女像好朋友般相處，十分佩服。

[ 本帖最後由 greendotdot 於 09-8-14 01:57 編輯 ]

greendotdot

原帖由 samuel89 於 09-8-11 14:25 發表


而家你是否贊同我之前舉個涼薄的「反面教材http://ads.baby-kingdom.com/www/delivery/avw.php?zoneid=83&cb=12345618&n=abe6460f」不會出現你之前講既:請不要舉例一些刻薄的例子，會教壞子女。情況吧 ....其實任 ...

samuel89：多謝提點，可能太心急，自己都覺得舉例不恰當。不過，我覺得「殘酷」令年青人變得太現實，如果求學時可以多「美好」，尋找自己的理想，雖然可能係發個春夢，但將來老咗都留番個寶貴的回憶。偶爾問吓啲同事，記唔記得學生時代嘅嘢，答案多數係「點記得呀！」

慧妮會員：

相反我只知道一個道理:今天不用時間換取知識,他日就需用時間及勞力才可換取金錢

我不甚認同這個說法，如果你認為不應自欺欺人，我覺得應該修改為：
相反我只知道一個道理:今天不用時間換取「成績」,他日就需用時間及勞力才可換取金錢

不過我覺得將來如果須要換取金錢，畢業成績優異是有幫助，但更重要是Job Competency,經驗、人際關係等，個人認為忍耐最重要，幾叻仔幾叻女都無份不勞而獲又唔花時間嘅荀工。

此外，愚見認為人生過程是不斷吸收知識(所謂Life Learning)，有一次阿囝坐巴士時問我：「工人掘路好好玩，」我咪話：「如果唔俾心機讀書，大個仔要幫手一齊掘路啦，」阿囝話：「我唔識喎？」我話：「唔識咪學囉，嗱，有學問，地底有煤氣喉、電纜等、工人都要識得睇住幅圖，掘錯咗會爆炸！」阿囝驚說：「咁我俾心機讀書囉，咁危險，你都叫啲工人俾心機讀書啦，」我話：「咁揾邊個掘呀？無人修路你坐架巴士點行呀？」        原來社會上各階層都有其貢獻，互相倚靠，咁依家子女全民教育，第日揾邊個做基層...

學校係授業解惑的地方,如將子女為人處世,品德的教育也全依賴學校,那學校的責任亦太大啦!

絕對同意為人處世,品德的教育，學校祇是負上部份責任，家長梗係要負最大責任啦，好似啲學科咁，如果家長識教嘅，屋企都會指導吓子女，我以為「家長責任」呢樣嘢唔駛刻意講出嚟，大家都會心照嘅添。

greendotdot

原帖由 慧妮會員 於 09-8-12 22:28 發表
不過我覺得將來如果須要換取金錢，畢業成績優異是有幫助，但更重要是Job Competency,經驗、人際關係等，個人認為忍耐最重要，幾叻仔幾叻女都無份不勞而獲又唔花時間嘅荀工。

greendotdot,

無疑我都認同經驗及人際關係十分 ...

這個睇法我120%同意！

greendotdot

原帖由 cman_li 於 09-8-15 16:30 發表
今日睇見HSBC請人同埋D大學生去求職，完全感受到選中學不外如是。唉,入左HSBC又如何?.........都要自己努力先得

也不盡然。

古語有云：「 飛鳥盡， 良弓藏； 狡兔死， 走狗烹。」

企業口口聲聲話必須向股東交待，營運要講効率，HSBC幾個月前栽員時咪一樣大刀濶斧，GBO, PRO, Teller, RM, WMM, CSM, COM等等全部要交數，無論你幾努力 、performance appraisal幾靚、做咗幾十年幾老臣子，拉埋你一邊叫你攞番自己個手袋或公事包走人，枱面個人物品會速遞去屋企。打工仔，食得鹹魚抵得渴，東家唔打咪打西家，相對而言，求學時期確是很單純，自己肯努力，真係有「半斤八兩」咁理想！

greendotdot

原帖由 cman_li 於 09-8-16 12:48 發表
銀行(e.g. Hang Seng)跟投資銀行(e.g.UBS,RBS)是有分別，不關作風保守輿否。其實係HSBC走錯方向，想做武林盟主。

當大多數人滿足了基本與實際需要，想要的東西就愈來愈多、愈來愈好，開始變得貪婪！甚麽大小企業的管理層和股東又咪係「人」，大家處境不同，當然有不同的想法和做法，現在我批評人家，當角色對調時，人家又批評番我 ... 依家學校教年青人反思，我覺得要先讓年青人反思待人處世如何找出一個平衡點。無論處境點樣變，但自己守着的道德底線不變，咪心安理得囉。


看看其中一個至高境界的例子：81歲人巳經擁有很多好東西，乎復何求？但是 ...

http://www.youtube.com/watch?v=TZE9tfm8GPQ

http://www.youtube.com/watch?v=Gb0JcNgjTWY

小朋友偶爾打開垃圾桶，會笑說：「嘩！ 心曠神怡。」

[ 本帖最後由 greendotdot 於 09-8-18 03:02 編輯 ]

greendotdot

原帖由 samuel89 於 09-9-17 11:38 發表


原來天文台長林超英都系KING'S仔

橫睇掂睇"超英"哥點都政治正確過"振英"哥啦

真係服咗你！

不過我係你就唔好再提呢啲政治敏感嘅嘢，連吳敦義嚟香港都揾佢唔揾bow tie，下屆佢都高唱入雲，小心秋後算帳！

greendotdot

原帖由 samuel89 於 09-9-17 13:28 發表


有甘嚴重咩
就算下屆系佢....香港回歸都未夠50年啦...應該唔驚卦..mouth:" />

我諗我地咁愛我們偉大的祖國...應該唔驚卦..mouth:" />