等候叩門消息既心情

bro_and

好同意你講法, 呢個豬流感, 攪到亞仔冇得行畢業禮, 又冇得去畢業旅行, 我個仔都派得好差, 第六志願, 我去交左六封扣門信, 第一志願同第三志願都改期面試, 改完又改, 有兩間都收左我個仔, 要我做校服同運動服, 話要編社, 書就唔買住, 始終重有兩間未見就係心唔舒服, 快d見埋等人地有答案啦, 我又係一見到來電係不知明立即緊張同成日胃痛, 快d過埋呢個六月啦, 就嚟痴線啦!

原帖由 Geni 於 09-6-24 23:48 發表
如果要講等叩門o既心情, 今次已經係第二個高潮….. 第一次係舊年知道入o左心儀直資o既waiting list 之後, 日日等電話, 希望學校打來話有候補位….. 等o下等o下, 足足等o左大半年都仲係未有消息…. 而今次大抽獎又派 ...

bro_and

我都扣左六間, 本來唸住扣三間, 就係頭三志願果三間, 聽隔離屋講, 呢三間每年都有三百封扣門信, 只收廿幾人, 我個仔又唔係特別叻, 老公話最壞打算讀番派果間一年, 等第二年再扣過, 但係派到果間又真係好差(係我心目中), 咁跟住又搵多間無咁多人扣門而又好過派果間, 個心先舒服d, 先食得落野!

當日去完派扣門信, 經過另一校網, 又去攞表格, 比多兩個機會自己, 跟住就日日等, 初初呢六間嘅第六選即刻約時間見校長, 轉頭校長都回覆話收, 已經好開心, 跟住重一,二, 三選都有電話話有得見, 超開心, 重問對方係唔係人人都有得見? 但到真正面試就相當殘酷, 有d佢識答又答唔到, 有d又講到口疾疾, 佢地都感受到媽媽唔開心, 好想自己答好d, 盡左力都冇法, 第二選已經告吹!

後來豬流感第一同第三選都押後, 等等吓竟然誇區果間有得見, 又好開心, 始終有一間收左, in完佢in我, 點之都收左, 而家有兩間收, 已經好開心, 或者我地選d無咁多人選而又好過先前派果間, 已經安心!

其實個仔女如果讀得好叻, 出年拿成績再去扣門都得, 因為叻嘅學校每年都有d人頂唔順要轉番出去, 但如果一年後d成績都唔叻, 咁比我地入到top 1 小學佢都好辛苦, 你又辛苦, 所以大家都放鬆d, 隨緣吧!(in 完幾間之後就有咁唸)

學校有提過, 7月2日先可以通知小一扣門生成唔成功, 不過有d要開新生會, 會早小小通知, 重有要做校服同買書, 所以都唔會太遲, 我就成日打住電話問佢地進度, 咁睇吓完左未, 因為始終要面對選一間同佢辨入學!

bro_and

我都從來冇喺個仔面前提過, 佢有問過我, 派到果間學校好唔好, 我都只係答幾好, 不過去見吓其他學校, 每間學校都有少少優點講佢知, 咁佢心情都會好好咁去見!

父母見完之後心情佢地會感受到, 佢地已經六歲啦, 知道好多野, 大家都放鬆d啦!