2009 小一家長入黎傾下

jjvccma

Hi 各位sjps mami,

我囝囝亦都是1A, 沒有搭校車.

呢幾日接送囝囝返學放學都很順利, 尤其係放學, 見到d小學生們慢慢步行過來接放學既操場, 個個表情都好得意.

第1日我囝囝亦都攞左好多粒糖返黎, 佢亦同我講都好開心.  我同andybebe一樣, 都唔係咁想比囝囝食咁多糖, 不過見佢好開心咁拿住d糖, 就知道佢地上堂應該好開心.

重有, 唔知你地有冇發覺, 係放學時操場上老師用mic講野之前有少許音樂聲, 當時比我既感覺係囝囝好似重係幼稚園咁, 好得意.

jjvccma

MommyCynCyn,

你講起你囝囝既情況, 令我記起我囝囝都有同我提及過. 就係上星期, 我問佢點解水又唔飲, snacks又冇食到, 跟住佢同我講話去洗手間排隊排左好耐, 到佢去完洗手間出到黎想開食物盒之際老師就通知佢夠鐘啦唔好食野啦. 於是我叫佢下次如果去唔切洗手就用濕毛巾抺手就算啦...但佢堅持到洗手先食野, 咁都冇辦法. 跟住之後佢同我講去洗手間時有d大哥哥唔排隊打尖, 攪到佢排左好耐, 我咪開解佢, 人地唔排隊, 咁自己都要排隊, 要遵守規矩架. 佢跟話唔鍾意小息, 因為太多人, 唔想同二年級三年級既小朋友一齊放小息, 咁我唯有安慰佢, 小息梗係一齊放架啦, 咁可以認多d朋友架....唉, 我真係大懞, 冇為意到原來有咁既情況發生. 原來我囝囝同你囝囝都有相同既遭遇.

jjvccma

我諗首先要向班主任了解一下你囝囝上堂時既情緒同表現, 會唔會因為小息同去洗手間既問題而影響到佢學習, 萬一佢上堂都ok既, 咁就要集中解決小息同上洗手間既問題, 睇下佢有方法可以幫到你囝囝, 甚至可以請她代向高年班既老師反映一下, 希望可以幫助你囝囝過渡呢個適應期.

至於我囝囝, 我見佢講返上堂時既情況時都冇乜大問題, 不過佢話一到小息時見到太多小朋友, 去洗手間又要排好耐, 因為佢個人做野好心急, 所以唔係咁調節得到.  等我今晚再問下佢既情況, 萬一佢重係擔心小息, 我會同佢班主任傾下.

有冇其他mami可以比下意見呢?

希望大家既囝囝都能順利過渡, 開開心心渡過小學階段.

jjvccma

多謝各位mami既分享.

正如GogoCheung所講, 等我提提阿仔如果佢唔駛去廁所, 咁直接去洗手盆果邊洗手, 唔駛等咁耐, thanks!  

適應期既小息時間可能真係好短, 有機會d大哥哥知道時間唔夠, 所以佢地都會爭住去廁所, 所以有唔守秩序既情況出現.  今日放學我去接阿仔, 都有問過佢重有冇小朋友打尖, 佢答我話冇啦, 加上我今日準備左個美心包裝旦糕比佢做小食, 都有番咁上下大個, 佢全個都食哂, 咁更加証明到小息時間長左, 佢地有足夠既時間去廁所同飲食, 唔會再咁趕. 所以MommyCynCyn你可以安慰下你囝囝, 同佢講應該唔會有打尖既情況出現, 叫佢唔駛咁唔開心架.

有左咁既經驗, 我更加會教導阿仔要守規矩, 下年佢都會變成大哥哥, 更加要佢做好榜樣比d低佢一級既小朋友睇.

jjvccma

請問大家知唔知道網上學習平台要花幾多時間呢?  都要預算一下每晚重有冇時間可以keep住上到網學習先.

jjvccma

andybebe, 我都覺得每日係度打緊仗, haha....睇小一眼都唔得架, 真係錯漏百出!

我估測驗唔會有名次, 不過d成績應該會同考試一齊計入上學期既成績度.  但測驗成績佔上學期成績既比例有幾多呢? 有冇mami知道啊!

重未收到網上學習既password, 唔通重未開始?

原帖由 andybebe 於 09-10-9 11:25 發表
係呀，我都有同感，晚晚做功課好似打仗咁，都唔知仲有無時間同佢上網!　
測驗就到啦，都有ｄ驚!　大家知唔知測驗有名次o架?　計唔計落上學期考試吖？



...

jjvccma

Thanks ahpei.

我就冇join 英文百寶箱, 淨係join左中英數果邊. 咁今日應該會收到login ID同password架啦!

如果只係花15-20分鐘網上學習咁都可以接受得到既!

我淨係感覺到處理阿仔既功課同溫習已攪到我頭暈腦脹, 其他佢既活動真係唔理得咁多, 黎緊又要顧測驗, 總之就係由朝忙到晚, 跟本冇哂d私人時間....

原帖由 ahpei 於 09-10-9 15:03 發表
中文百達通好似要 10 月12 號先開始, 但英文百寶箱就開始左, 我見都有同學仔 login 入去, 但我就唔明比錢同免費的有乜分別, 免費的不知道可以玩幾耐, 請問有無人知 ?

我想每日都是答幾條問題, 應該還可以的, 反而 ...

jjvccma

Hi ahpei,

係呀, 係中文百達通, 我冇理解錯, 應該唔係淨係中文練習, 果個收費應該包埋中英數, 對嗎?  我淨係join左呢個, 因為覺得呢款好似全面d.  你有冇join呢個, 定還是join理英文百寶箱?

星期五都重未收到login 既資料, 咁即係重未用得, 重諗住星期六日可以試下上網做下添! 不過我睇番佢地既單張, 話係由10月5號開始至到出年, 但之前你話由12號開始, 你係邊度知道呢d料呢? 今日都12號, 希望今日收到啦!

jjvccma

Thanks Ahpei,

等我重諗住係中英數每樣有d練習可以比阿囝做添, 原來淨係得中文.......!

jjvccma

我都有試過上英文百寶箱, 阿囝重問我係咪有遊戲玩.....比佢笑死, 呢個係學習網, 唔係遊戲網嚟架.

不過免費真係冇乜野睇, 要比錢先可以有多d練習.

jjvccma

Hi ahpei,

阿仔尋晚做左啦! 我都要同佢一齊做先得, 我就係旁邊解釋比佢聽.  好彩用既時間唔駛太多.

我覺得果篇文章對佢黎講都算深, 要靠下面既註解先可以明白內容.  照咁睇暫時要我地同d小朋友一齊先做得到. 如果佢地有埋指引, 教下我哋家長點樣guide d小朋友做就好啦, 因為都想佢地慢慢適應呢個模式, 跟住可以自已去做(可能要等到出年先得啦!).

呢個login id同password係咪免費既呢? 之前既通告令我有d混肴, 因為同一張通告話有中英數練習$336, 中文百達通係免費既, 咁我交左$336, 係咪都可以做埋中英數既練習呢? 重係唔係咁明白添.

jjvccma

Thanks ahpei,

我尋日login都係得一篇閱讀理解加4條題目, 但又見佢文章上面寫住分等級既 - 大概係咁: 全篇100分, 每題25分; 全篇200分, 每題50分; 全篇300分, 每題75分; 全篇400分, 每題100分.  我都係見到得一款, 冇得揀深淺既題目喎.

本來我都想打去問下究竟係點樣, 但又唔記得帶張通告, 等我聽日打去問下先, 再話你知.

jjvccma

Thanks Derdad.

尋日收到常識同英文既login id同password, 全部都係longman既練習, 都幾有趣喎, 不過要等得閒先可以上去玩, 因為內容都幾多, 要花長d時間.

ahpei & lingchuling, 我見張test schedule得4日test, 至到28號, 29號就唔駛test啦.

jjvccma

Derdad,

Thanks for your warm reminder!

jjvccma

不好意思, 請問你地講的是否PTA Committee 投票選舉, 接著還有一個seminar?

jjvccma

Thanks lingchuling,

我都係抽到1個位!

jjvccma

會唔會全級頭10名先至會登出來呢?

jjvccma

Hi ahpei,

我果日一見完老師就走啦, 都冇去到禮堂睇書....不過落到樓下經過English room, 見到Miss Jessie係度呀!

最好笑一入到門口就見到大大個牌掛著"失物待領", 我都有走埋去睇下, 想睇下大頭蝦有冇唔見既野係度...佢開學到依家已經唔見左好多支鉛筆啦!